Rigord, Gesta Plnlippi Augusti

croiz que Salehadin avoit et toz les crestiens qui estoient en chaitivoisons par toute la terre le soldan. Tôt ce orent en covent à faire au roi de France et au roi d'Angleterre, avant que il fussent délivré.

En cel assaut, fu occis Auberis^ li mareschaus le roi de France; chevaliers hardiz et corageus, et nobles en armes, car il se niist si avant que il fu entrepris entre II portes et occis. La Tors maudite, (jui moult longuement et moult griement avoit noz crestiens grevez, fu minée des mineor le roi Phelippe, bordée^ et apoiée par desoz de busches et de fuz, si que il n'i faloit fors boter le feu que ele ne trebuchast à terre. Pour ce, se rendirent li Sarrazins, si com nous avons dit, quant il virent que il ne porroient plus contrester aus rois et aus princes crestiens. Armes et chevauset viandes rendirent, et toute la garnison de la cité'. Les portes ovrirent à noz crestiens qui ploroient pour la grant joie que il avoient, et levoient leur mains au ciel en criant à hautes voiz : « Benooit soit Nostre Sires qui a regardez noz travauz et noz suors, et a humiliez soz noz piez les anemis de la croiz qui avoient fiance et presumption de leur vertu. » Les viandes qui laienz furent trovées furent igaument parties à chascun, selonc que il estoit et que il avoit de genz. Li dui roi partirent les prisoniers; si en out autant li uns come li autres.

Li rois Phelippes livra sa partie au duc de Borgoigne, grant some d'or et d'argent et grant infinité

1. Ce serait en montant à l'assaut, qu'Aubri Clément aurait été tué le 3 juillet 1191 [Idnerarium, p. 223, chap. \. Benoît de Peterborough, t. II, p. 173).