Rigord, Gesta Philippi Augusti

leur proieres et par leur mérites estoit sains et saus eschapez de tant et de si granz periuz. Et en aliance d'amor et de charité, il offri un paile^ de soie seur l'autel moult bel et moult riche.

^En la XV kalende du mois d'avril^, sejornoit li rois à Saint Germain en Laie. Là li furent no vêles aportées de la honteuse mort d'un crestien que li Juif avoient martyrié ou chastel de Braie% en despit de Nostre Seigneur et de la crestiene religion. Car la dame de ce chastel deceue et corrumpue par leur granz dons, leur avoit livré ce crestien pour taire leur volenté. En prison le tenoit pour ce que on li metoit sus par fauseté larrecin et homicide. Li desloial Juif, qui d'anciene haine heent sainte crestienté, le pristrent et li loierent les mains darriere le dos; d'espines le coronerent et le menèrent fustant^ par toute la vile, et à la parfin le crucifièrent en despit de Nostre Seigneur; cum il deissent, ou tens de la passion Jhesu Grist à Pylate, que il ne pooient nului tuer. Quant li rois entendi tel novele, il ot moult grant pitié et moult grant compassion de la foi crestiene qui en son tens estoit à tel viuté tornée. Tantost monta et se mist au chemin devant toute sa gent, si que nus ne savoit quel part il devoit aler, pour ce que il voloit les desloiaus Juis seurprendre