Le 10 mai

6. Saint Guillaume. Voir sur lui Acta sanctoruin, mai, t. Il, p. 597, et t. VII, p. 680.

rut, car Nostre Sires fist puis pour lui maint miracle là où il estoit ensepouturez. Maint avugle i furent enluminé, maint clop redrecié, et maint curé de diverses enfermetez, et restabli en plaine santé, ausi come il estoient avant. Tant fu la renommée de ses miracles espandue aval le pais que maint i vindrent en pèlerinage, pour le saint cors visiter et Dieu proier pour leur péchiez.

Cornent li rois se douta des Hassasis et cognent li rois Richarz fu pris quant il retornoit d'outre mer.

^Un jor estoit li rois à Pontoise; là li furent noveles aportées des parties d'outre mer et lettres de par aucuns de ses amis qui contenoient que li Vieuz de la Montaigne avoit envoiez en France ses Hassacides pour lui occire, à la proiere et au mandement le roi Richart. Car il avoient occis novelement outre mer le marchis^ qui estoit chevaliers nobles et puissanz en armes, et qui puissanment et vertueusement governoit la terre avant l'avènement des ii rois. De ces noveles fu li rois moult troblez et moult esmeuz. Tantost se départi de Pontoise; puis celé heure, fu moult curieus et moult sonnoux de son cors garder. Et pour ce que ses cuers estoit en effroi pour ces noveles et que la paors et la doute croissoit de jor en jor, se conseilla-il à ses familiers que il feroit de ceste chose. Par leur conseil envoia ses messages au Viel de la Montaigne, qui est rois