Rigord, Gesta Philippi Âugusli

Limoges^ estoit cil chastel; si avoit non Ghautluz^. La raison pour quoi il ot ce chastel assis, si fu pour ce que uns chevaliers du pais avoit trové un trésor en terre; et cil trésors, si com l'on disoit, si estoit uns empereres de fin or, sa famé, si fil et ses filles, et tuit seoient à une table d'or pur ; si i estoient lettres escrites qui donoient à entendre à ceus qui les lisoient que cil empereres avoit esté, et com grant tens estoit coruz puis que il régna. Ce trésor demandoit li rois Richarz à ce chevalier; mais il estoit traiz à garant au visconte et s'estoit mis en ce chastel. Ensi tenoit li rois le siège et fesoit asalir chascun jor moult efforciement. Endenientiers que il estoit un jor à un asaut, uns aubalestiers de la garnison du chastel traist un quarrel à la volée, le roi Richart feri^ par aventure, non mie apenséement, si (jue il li fist mortel plaie. Par celé plaie qui guérir ne pot morut li rois en poi de tens après^. Ensepouturé fu a Fontevaut^, une abbaie de nonains, delez le roi Henri son père. Jehans-sanz- Terre ses frères, reçut après lui le roiaume d'Angleterre, si fu coronez à la feste de l'Ascension^ (jui après fu, à Saint Thomas de Gantorbiere.