Et après fu arcevesques de Sens » [ibid

*En cele année, ou mois de décembre, droit à la leste saint Nycholas-, Pierres de Kapes, li devant diz cardinaus, assembla concile général^ de touz les prelaz don roiaume de France, d'arcevesques, d'evesques, d'abbez et de priors conventuaus. Li rois qui bien pensoit que il tendoit à mètre son roiaume en entredit i envoia ses messages et apela en plain concile à la cort de Rome. Mais totevoies, li legaz, qui pas ne déporta l'apel, jeta la sentence en la présence de toz les prelaz du concile et puis commanda que ele ne fust denuncié ne poploié jusques après les xx jors de Noël. Quant li termes que il ot mis fu trespassez, la sentence tu poploiée; si fu toute la France entredite^. Tant fu li rois corrociez de ceste chose que il bouta hors de leur sièges toz les prelaz de son roiaume, pour ce que il s'estoient consenti à l'entredit; à leur chanoines et à lor clers toli toz leur biens, et commanda que il fussent tuit chacié de sa terre et que toutes les rentes et li fié que il tenoient de lui fussent sesi. Les prestres meismes qui manoient aus parroisses fist-il ausi boter