Guillaume le Breton, Gesta Philippi Augusti

vant ot esté, si com cil de Pavie conduisoient Frédéric, le novel empereor, en la cité de Crémone, cil de Melan se combatirent à eus près d'une cité qui est nomée Laude^. Si n'avoit que un anz que li granz Frederis l'avoit fondée, qui aieus ot esté à celui Frédéric qui lors estoit empereres. Cil de Melan n'osèrent envair ceus de Pavie en la présence l'empereor, ançois atendirent tant que il Forent convoie jusques à Crémone. En ce que il s'en retornoient, cil salirent soudainement de leur embuschement et les seurpristrent toz desporveuz, come ceus qui d'eus ne se prenoient garde-. Pour ceste raison, conçurent cil de Pavie et cil de Crémone mortel haine contre ceus de Melan; mais il porlognierent la venjance de ce fait jusques en lieu et en tens. Cil de Melan, qui de perpétuel haine ont haï le lignage le grant Frédéric, qui jadis les ot toz desconfiz en bataille par l'aide des Pavignois, abatues et planées jusques en terre totes leur torz, n'atendirent pas tant que cil de Pavie se meussent contre eus pour leur honte vengier, ainz issirent a grant ost et envairentla terre de Crémone. Mais li Cremonois eissirent contre eus à bataille, a toute leur force, leur eschieles ordenerent, qui moult estoient mendres que ceus de leur anemis. Avant, jurèrent tuit seur sainz que se il avenoit que il eussent bataille, que nus n'entendroit à proie ne à home prendre, fors à trespercier la bataille, à occire et à cra venter leur anemis. Et pour ce