Achoisom, cause
vit que li jardim de Damas estoient pris et li fluns guaeniez par force, bien li fu avis que la citez ne se tendroit pas longuement. Lors vint à l'emperaor et au roi de France et au roi Baudoim et lor pria moult docement que il li donassent celé cité de Damas quant ele seroit concjuise. Ce maimes requit-il aus barons de France et d'Alemagne, qui bien s'i acorderent, car il lor prometoit moult que bien la garderoit et loiaument et bien engueroiroit les enemis Nostre Segnor. Quant li barom de Surie l'oïrent dire, granz corrouz en orent et grant dedaign de ce que si hauz princes, qui tant avoit de terre en son pais et estoit là venuz purement en pèlerinage, voloit ore guaenier en tel manière un des plus riches membres dou roiaume de Surie. Miauz lor sembloit, se li rois Baudoins ne la retenit en son demaine, que li uns d'aus l'aut, car il sont toz jors en contenz et en plez aus Sarradins. Quant li autre barom retornent en lor pais, il ne se muevent, car il n'ont riens ailors. Et por ce que il lor sembloit que cil vousit tolir le fruit de lor travaus, plus bel lor estoit que li Tur la tenissent encore qu'ele fut donée au conte de Flandres. Por ce destorber, s'acorderent à faire la traïsom.
Li autre disoient que li princes Raimonz d'Anthioche, qui trop estoit maliciex, puisque li rois de France se parti de lui, par mal ne fina de porchacier à som pooir comment ennuiz li venit et destorbiers de s'onor. Por ce, manda aus barons de Surie qui estoient si acointe et lor pria de cuer que il maisent tote la paine que il porroient à destorber le prou et l'onor le roi Loois, si que il ne fait chose qui honorable fut. Par sa prière, a voient- il ce porchacié.
Li tiers didrent la chose si com vos oistes prumiereinent, que par grant avoir que li Tur douèrent aus barons, fu celé daloiautez faite.
Grant joie ot en la cité de Dainas, quant nostre enenii en virent ensi aler si grant gent (|ui contre aus estoit asemblée. Encontre ce, toz li roiaumes de Jérusalem en fu corrouciez et desconfortez, et quant cil grant home furent retorné^ si refu pris uns parlemenz où il asenablerent tuit li grant barom et li menor. Là fo dit, que bone chose seroit que il faissent un grant tait où Xostre Sires fut honorez et par que l'om parlât d'aus mais touz jors en bien. Ilueques fu amenteu* qu€ la citez d'Escalone^ estoit encores ou pooir des mescreanz, qui seoit ausi comme ou mileu dou règne, si que se Tan la voloit asoir, de totes parz porroient venir viandes seurement en Tost, par quoi il seroit legiere chose de conquerre la ville q«i longuement ne se porroit tenir contre si grant gent. Asez fu parlé entre aus de ceste chose; mais n'an fu riens acordé por ce que il i avoit destorbeors qui mieuz s'en voloient retorner en lor terres que asoir citez en Surie. Si n'estoit mie de mervele se li estrange pelerim de France et d'Alemaigne avoient le talent perdu de bien faire en la terre, quant il veoient cex dou païs maimes qui Dieu et ex maimes avoient traiz et le comun profit destorbé et empehechié, si com il parut devant Damas. Il sembloit que Nostre Sires ne vousit riens faire de sa besoigne par ces genz. Ensi se départi' li parlemem que nule riens n'i ot erapris.
