Vita Hludowici imperatoris, chap. xix

36 LES r.RANDES CHRONIQUES.

il n'estoient au service Nostre Segneur. Et pour le service de sainte Eglise reformer, qui estoit obliez et dechauz, fist-il venir dehors de la terre maistres qui raprenoient Tus de chanter et de lire, et lisoient la divinité* et les autres sciences. Si avoit assez plus grant cure et plus grant compassion de Testât des moines et d'autres genz de religion qui avoient lessiés les choses dou monde pour deservir la joie perdurahle. Si estoit en si povre point avant que li pais venist en son gouvernement, que il estoit ausi comme touz coulez. Mais en son tens fu si recovrez et en si bon estât, que il meismes ot si grant volenté de guerpir le siècle et d'entrer en religion, à l'example de Challemaine"^ le frère le roi Pépin, son aiol, qui ensi l'avoit fait; et bien eust mis à ovre son propos se li pères l'eust souffert; mais, à droit parler, la volenté de Nostre Segneur, qui pas ne voloit que hons de si grant bien et de si grant pitié eust cure de soi tant seulement, ainz voloit que la pais et li porfiz de pluseurs fust par li gardez et moultepliez.

Maintes églises et abbaïes restora et reedifia, desquiex pluseurs sont ci nommées. Le mostier Saint Philebert^ et le mostier Saint Florent^; le mostier de Garroz^ et le mostier de Gonches^; le mostier de Saint