Vis, visage

l'avoient mis en vaine espérance du roiaume. Li rois sot la traison ; les traitors dampna selonc les loys des chies perdanz ; son fil tondi en une abbaïe à sa requeste nieismes. Avant ceste traison en avoit-il une autre faite plus grant, contre lui meesmes; et quant la chose fu descoverte, il fist prendre les traitors; aus uns creva les ieuz, les autre dampna par essil ; ne ainques nul occierre n'en fist que m tant seulement, qui au prendre se mistrent à défense. Occis furent, car il ne pooient autrement estre pris. Si furent aucun qui cuiderent que la roine Fastrade fust cause de ces II conspirations, et que li empereres fust aliénez de sa debonaireté naturel et que il se consentist aus paroles et à la cruauté la roine. Car l'on savoit bien que il estoit de si bone manière naturel, que il avoit l'amor et la bone volenté de touz; ne ainques en sa vie, ne en son roiaume, ne en estranges terres ne pot-on dire sor li une note de cruauté sanz raison.

De la charité que il avoit vers les pèlerins, de sa quantité et des accidenz de sa persane, et puis de son habit et de sa manière de vivre, et puis de ses mors et cornent il estoit sobres et atemprez.

1 Hons fu plains de grant charité vers estranges genz et vers pèlerins meesmement. Si grant cure avoit d'els recevoir; tant en i venoit et si sovent, que la multitude ne sembloit pas estre à charche ou palais tant seulement, mes par tout le roiaume de France. Mes li