L'auteur des Grandes Chroniques a mal traduit Eginhard

que droit et le ventre plus gros. Mes la droite mesure et la bone disposition des autres membres celoit ce qui messeant i estoit. Fers estoit en alant^ ; bien sembloit grant home et noble en toutes ses manières. Clere voiz avoit, et plus clere, ce sembloit, que il n'apartenist à tel corsage. Touz jors fu santeis, fors entor mi anz avant que il moreust. Lors le commencierent à prendre fièvres et autres maladies ; et à la parfin clocha-il d'un pié. Dès lors, commença-il à user de son conseil plus que de celi aus phisiciens; si fu domages, car il en morut ainz ses jors^. Ausi come contre cuer les avoit pour ce que il li fesoient mengier chars cuites en iaue et li defendoient les rouz^ que il menjoit volentiers, si com il avoit toz jors acostumé.

Acostumeement chevauchoit ou chacoit^ selonc la costume françoise; car à paines est-il nations (jui autant en sache. En bainz naturement chauz se delitoit et noioit dedenz mieuz que autres ne fait. Et tout pour ce, fist-il faire une sale et uns bainz à Es la Chapele, où il demora jusques à la fin de sa vie. Ses fiuz fesoit bagnier ovec lui, et non mie ses fiuz tant seulement, mes ses barons et ses privez et aucunes foiz grant torbe des serjanz qui le gardoient, si que il estoient bien c ou plus ovec lui tel foiz estoit.

qui dit que Gharlemagne avait le cou gros et court : « Quaraquam cervix obesa et brevior. »