Duitres, guide

mais, il ot lor hoir, un deniers de lor chiés par non de servaj^c'.

Que vous conteroit-on plus? Tant assembla du pople de toutes manières de genz, en assez poi de tens, que il ot plus forant ost et plus fort que il n'avoit ainques eu devant. A la voie se mist li empereres et toz ses oz. Nous ne poons pas raconter toutes les choses, ne les aventures qui lor avindrent en ccle voie, car trop seroit la matière longue. Mes une aventure raconterons qui à l'empereor avint, (|ui bien est digne de mémoire.

En celé voie de Jérusalem, est un bois qui bien dure II jornées. En celé forest conversent moult de manières de bestes sauvages qui, naturement, desierrent sanc humain ~ et dévorent genz, meesmement quant eles sont afamées, come grifon, ors, lyon, linces, tygre et moult d'autres manières de bestes sauvages. En ce bos entra li rois et ses genz. Au bien matin s'aparellierent ; si le cuidoient bien trespasser en un jor. Tote la jornée errèrent jusques au vespre, tant que li bos qui de soi estoit oscurs, pour la plenté des arbres, se commença encores plus à en oscurcir quant la clarté du jor falli. Leur droit chemin perdirent; par montaignes et par valées commencierent à aler parmi les bos. Lasse furent et travaillié li home et li cheval, tant pour la pluie qui sor els chaoit, come pour l'anui de ce que il ne sa voient quel part il deussent torner. Et quant il parfu nuiz oscure, li empereres et li oz se herbergierent^.

i. « Quatuor numraos de capite, quasi servi, solverent » (lat. 12710, foL 2 v").