Duisent, instruisent

3. Il faudrait Xaîpî (iaatAî'j àvi'y.rj'coç, au lieu de « anichos » donné par erreur dans les manuscrits qui répétèrent ainsi la faute commise dans le texte latin (cf. lat. 12710, fol. 2 v").

simey el en riMiicois : « Très viclorii'us oni|)(T(Tes, Diex te suul. » El pour ce que cil oisaus responcii si apertemeiit à l'oreson l'empei'eor en latin, l'on n(! doit pas clouter que il ne fust envoiez de par Dieu pour ramener à droite voie l'empereor et tout son ost. Lors se levèrent^ l'oisel suirent par une voie qui les ramena au droit chemin que il avoient [)erdu. Et encores, dient 11 pèlerin qui par celé voie vont en Jérusalem, (|ue il oent aucunes fbiz les oisiaus du pais parler en tel manière, et plus, (|ue li paisant et les genz du païs^ tesmoi^nent que, puis que Karlemainnes li granz tu ou pais à celé voie, ne ïu que celé manière d'oisiaus ne chantassent ce chant ausi come par costume.

Cornent li empereres et ses genz furent receiiz à Costantinohle, et cornent li dui empereor délivrèrent le sepulchre et toute la terre des Sarrazins et restahlirent le patriarche. Des granz richeces que li empereres griex aparilla pour doner; cornent li empereres les refusa et puis cornent il requist les saintes reliques.

Tant ot li oz erré que il vindrent en la cité de Costantinoble. Se il fu liement et honorablement receu de l'empereor et du pople, ce ne fait pas à demander. Outre passèrent li dui emperere et lor ost jusques en la cité de Jérusalem. Les Sarrazins occistrent et cha-

1. « Tuil au point du jour et s'apareillierent » (royal rus. IG G VI).

2. « Atque agricolas ejusdem patrie » (Bihl. nat., lat. 12710, fol. 2 vo).

cierent, et délivrèrent la cité et tout le roiaume des mescreanz. Au patriarche et à la crestienté rendirent et restablirent ce que il avoient devant perdu; et quant la citez et toz li pais fu remis en bon point, li empereres Karlemainnes demanda congié à l'empereor des Griex de repairier en France. Mes cil qui sages et avisez estoit en tiex choses ne baoit pas que il ne ses genz s'en partissent ensi sanz riens avoir du sien. Lors li requist et proia en amor et en charité, que au mains demorast jusques à l'endemain, se plus ne li plesoit à demorer. Et cil, qui ausi debonaires estoit corne i agniaus, li respondi de lie cuer que il feroit ce que il vorroit et que il demorroit neis in jors encores se il voloit, car il cuidoit que il le vosist retenir pour ce que il eust mestier de li et de sa gent pour aucune guerre; mes pour ce ne le voloit-il pas faire, fors pour li honorer tant seulement.

Ensi demora celé jornée, et l'endemain avant le jor il fist son ost apareillier pour retorner en France. Au patriarche, aus evesques du pais, à Tempereor et aus princes prist congié humblement et dévotement. Mes li empereres de Costantinoble ot tandis fait apareillier au defors de la porte de la cité, en une grant place, droit enmi la voie de l'empereor et de sa gent, la noblece de toutes manières de richeces, destriers, palefroiz, divers oisaus de proie, pailes et dras de soie de diverses colors et toute la gloire de pierres précieuses ^

1, « Aniraalia multi generis tara bestiarum quarn volucrum cariora, variique coloris pallia et meliora, gemraarura quaeque preciosissimoi'um lapidum quoque... preparari fecit » (Bibl. nat., lat. 12710, fol. 2 v).

17'( LES r.IUNDES CHRONIQUES.

Quant li empereres Karleniainnes sot ce que il fesoit tel apareil, il inarida ses barons et ses preiaz et se conseilla à els (jue il l'eroit de ceste chose, se il prendroit ce que li empereres li avoit t'ait apareillier ou non; tout n'eust-il corage ne volenté de riens prendre que li empereres li offrist; mes ensi le vot faire pour oïr le conseil de sa gent. Lors respondirent tuit li prince et li prélat, que ja par lor conseil riens n'en seroit pris, car il sembleroit que il fussent là venu pour avoir soudées de lor voie et de lor travail ; ne ne sembleroit pas que il eussent fait pèlerinage pour la sainte cité délivrer des mains des Sarrazins, pour dévotion ne pour charité que il eussent vers Nostre Seigneur, mes pour gaenier et pour aquerre richeces. Et il meesmes, qui avoit si grant non de bonté par tout le monde, en seroit ausi diffamez, car l'on diroit que il ne seroit pas là venuz par dévotion, mes par fine covoitise et por aquerre autrui terre et autrui roiaumes, et pour assembler en ses trésors autrui richeces.

Moult fu li empereres liez quant il oï tel conseil com il desirroit et com il avoit proposé en son cuer. Lors commanda tôt coiement que l'on deist aus chevetains de l'ost, que il se hastassent de passer, et l'on commandast à cens qui conduisoient les eschieles, que chascuns commandast en sa langue, à sa gent, pour ce que il avoit genz de diverses nations, que nus ne fust si hardiz que il meist la main à chose nule que on li offrist, et que nus encore ne getast l'uell par covoitise. Ensi les fist li empereres entroduire et amonester avant que il oississent de la cité.

Lors s'esmurent tuit ensi com il estoient ordené ; et

quant il vindrent au lieu, il troverent tout ensi com on lor avoit dit; si avant vindrent que Ton pot plainement choisir les granz richeces qui là estoient amassées. Lors apela Gonstantins li empereres d'Orient, Karlemainne l'empereor de France, et li dist en tel manière : « Sire, chiers amis, l'ois de France et empereres augustes, je te requier humblement, par amor et par charité, que tu et li oz pregnoiz et eslisiez à vostre plesir de ces richeces qui, pour vous et pour voz genz, sont ci amassées ; et bien me plaist encores que vous les pregniez toutes. » Lors li respondi li empereres Karlemainnes, que ce ne t'eroit-il en nule manière, car il et sa gent estoient là venu pour les celestiaus choses aquerre, non mie pour terrienes richeces, et que il avoient souferz de bon cuer les travauz de la voie pour la grâce Nostre Seigneur aquerre, non mie pour la gloire de ce monde.

En tele manière estrivoient li dui emperere en contenz de charité et d'amor. Li uns ne cessoit d'amonester l'autre que il preist de ses richeces en charité; li autres se defendoit que il ne brisast son propos. Li empereres d'Orient li nietoit au devant que grant honte li feroit à li et à sa gent et que il ne le feroit pas sagement, se il ne prenoit aucune chose et se il s'en retornoit ensi en France sanz aucuns dons. Et puis, il disoit après que il covenoit que il preist aucuns joiaus, non mie pour loier de son travail, mes pour monstrer aus genz de son pais, quant il seroit retornez, en signe et en tesmoignage de la grâce et de la miséricorde Nostre Seigneur, et que il eust en ces parties esté. Et sanz faille, li empereres Karlemainnes avoit moult pensé la nuit devant, si corne il dist puis

nn Lies r.RANDKS rimONlQIlKS.

ail malin à ses barons, (\U(i ce seroil l)()ne eliose et honesle (]ne il enportasi aucun saintuere es parties d'Occident, cjui lussent au |)()ple aliances à Dieu et matière d'amor et de devocion^ Pourcerespondi à l'empereor Constantin en tel manière : « Orsai-je bien, dist-il, (|ue li Sains Esperiz te fait ce dire, car ce meesmes avoie-je pensé Imi en ceste nuit et desierré en tout mon cuer. Mes m'ententions n'est pas que je enmains ne que je enpors riens de ces choses (jue tu as ci amassées devant moi, pour ce que je seroie plus tost soupeçoneus en ce tait de covoitise que de charité. Mes honeste chose me seroit, ([ue je enportasse qui fust exemples de pitié au pople d'Occident^; et pour ce me consentirai-je à ta proiere, se tu veuz oïr ma requeste et eslire tel chose que je en puisse porter honestement et dignement. » Lors li respondi li empereres Constantins que moult desirroit à oïr sa lequeste, et li otroia que il requersist quanque il vorroit. Lors li descovri li empereres Karlemainnes son cuer, et dist ensi : « Je te requier que tu m'otroies des paines de la passion que Nostres Sires Jhesu Criz soufri en la croiz pour nous pecheors^% pour ce que cil de noz parties d'Occident, qui pour la remission de lor péchiez ne puent ça venir en Jérusalem, aient et voient sensiblement aucune remembrance de la passion Jhesu Crist, par quoi lor cuer soient amollie par pure dévotion et que

1. « Quod occidualibus partibus gratie Dei pignus esse videretur » (Bibl. nat., lat. 12710, fol. 3).

2. « Quod Occidue genti fiât exenplar pietatis » (lat. 12710, fol. 3).

3. « De domini nostri Jhesu Christi pénis quas pro nobis peccatoribus, obediens patri usque ad mortem, dignatus est pati « (Bibl. nat., lat. 12710, fol. 3).

la pitiez et la compassion de la mort Nostre Sauveor les amaint à fruit de penitaiice. »

Cornent H empereres Constantins fist qiiere les reliques et cornent il furent tuit purgié par confession avant que il les traitassent. De la proiere l'empereor Karlemaine et d'un miracle qui avint.

De ceste requeste fu moult liez li empereres d'Orient. Debonairement li otroia et ce, et autres choses, quanque il li pleroit à prendre. Atant se départirent. Li empereres Karlemainnes retorna à ses arcevesques, evesques et abbez et moines et autres genz de religion, et à cens de ses princes qui plus estoient sage, et lor demanda conseil comment si haut saintuere dévoient estre traitié et manié plus honestement et plus religieusement, et li empereres de Gostantiijoble retorna à son clergié et à ses barons pour enquerre où ces saintes reliques estoient repostes, car il ne savoit encore pas où sainte Hélène, qui fu mère le premier Gostantin, avoit mis ce saint trésor.

Lors li respondirent ensi : « Sire, si tu veuz atouchier et prendre une partie des paines de Nostre Sauveor', digne chose seroit que li habitacle de foi, ce sont li cuerde nous pecheors, fussent avant netié et housse^ des balaiz de vraie confession, et que li espinoiz et li chardonoiz de noz piz fust avant essartez et estrepez^

1. « De nostri Redemptoris pénis partem vis accipere » (lat. 12710, fol. 3).