On a dans le texte latin : « Duodecim pauperes

Dieu, message Nostre Seigneur Jhesu Grist, que nous paissons chascun jor ou non des xii apostres. » Lors respondi Aygolant. « Cil qui sont entor toi sont tien et sont bieneureus et largement menjuent et boivent et sont bien vestu et noblement, et cil que tu diz qui sont de ton Dieu et si message, pourquoi sueffres-tu qiie il aient fain ne mesaise, et que il soient si viument' vestu et si loing de toi assis ne si laidement traitié? Mauvesement sert son seigneur qui ses messages reçoit si laidement. Grant honte fait à son seignor, qui ensi ses messages sert. Ta loy que tu disoies si bone monstre par ce que ele soit fause. » Après ces paroles départi et retorna à sa gent, et refusa le saint baptesme que il voloit recevoir, et l'endemain manda à Karlemaine bataille. Lors entendi li empereres que il ot baptesme refusé pour les povres que il vit laidement traitier. Pour ce commanda Karlemaines que li povre fussent honestement vestu et que il fussent soufîsamment repeu de vins et de viandes.

Gi endroit se puet chascuns advertir com cil est en grant corpe vers Nostre Seigneur qui ses povres ne paist en tens de neccessité. Se Karlemaines perdi erisi le roi Aygolant et sa gent que il ne fu baptiziez, pour ce que il vit les povres laidement traitier, que sera-il au jor du joise^ de ceus qui en ceste mortel vie ont les povres en despit et malement les auront traitiez? Goment porront-il oïr celé horrible sentence de Nostre Seignor, quant il dira : « Alez vous malooit^ ou feu perdurable, car quant j'oi fain, vous ne me donastes