Desvées, folles
3. La mérite, la récompense, latin : « Accepturi meritorum suoruni stipendia. »
248 LKS (IKANDES CHRONIQUES.
selonc ses mérites, que que ce soit, ou bien ou mal ; car cil Diex (jui le petit aubre fait croistre en haut, et le grain du forment qui est porriz en terre fait revivre, croistre et l'ructifier, resuscitera chascun de mort à vie au darrien jor en sa propre char et en son propre esperit. Et de ce, puez-tu prendre exemple en la nature du lyon. Se li lyons resuscite son foon au tierz jor par son flair et par s'alaine; quel merveille fu-ce quant Diex li pères touz puissanz resuscita son Fil au tierz jor par sa divine puissance? Si ne te doit pas resembler noviaus miracles. Quant Elyes et Elisées, si prophète, resusciterent plusors morz, plus legierement donques resuscita Diex li Pères son Fil ; et il meismes qui plusors morz resuscita avant sa passion, en nule manière ne pooit estre tenuz par mort ; car la mort fuit devant luy, et à sa voiz et à son commandement resuscitent li mort à granz torbes. »
« Lors », dist li geanz, « je voi assez ce que tu diz, mais coment il monta es ciex? Ce ne puis-je vooir, si com tu diz. »
« Cil », dist Rolant, « qui des ciex descendi legierement, ausi legierement i pot-il monter. Cil qui par soi maismes resuscita de mort, par celé maisme puissance tresperça-il les ciex legierement, et ce, puez-tu vooir legierement par mainz exemples. Voiz-tu la roue du molin tant come elle descent d'amont aval autant remonte-ele d'aval amont? Uns oisiaus qui vole en l'air, autant come il descent, autant remonte quant il veut. Tu maismes, se tu descenz d'une montagne, tu puez bien monter arriers là dont tu es descenduz. Li soulaus se leva ier par devers Orient et coucha en Occident; en ce maisme lieu est-il hui levez et redes-
cendra hui en Occident. Là donques dont H Fiuz Dieu descendi, là maismes retorna-il par sa propre vertu. »
« Je me combatrai », dist li geanz, « à toi; que se celé foiz que tu me prieches est vraie, que je soie vaincuz, et se ele est fause, que tu soies matez, et soit perpetuiex reproches au vaincu et à sa gent, et au vainqueor et à siens, soit loenge et gloire. »
« Je l'otroi ensi », dist Rolant.
Lors se levèrent et vindrent à bataille derechief, Rolant envaï premiers li geans, et jeta i cop de s'espée vers li * ; mais il qui fu legiers et hastes, sali à senestre et reçut le cop en son baston. Li cox du géant, qui granz et pesanz fu, copa le baston par mi. Lors sali avant Fernaguz et saisi Rolant aus poinz, vers terre l'enclina et le jeta legierement soz li. Quant Rolant vit que il ne pooit eschaper de li en nule manière, il commença dévotement à apeler en s'aide le Fil de la Virge, et il^ aida tant à son champion que il se sordi^ et torna le géant soz h. Lors jeta la main à s'espée maismes et le poinst un petit ou nombril. Lors commença li geanz à crier à haute voiz et à reclamer son dieu : « Mahomet! Mahomet! Mes diex secor moi, car je muir. » Atant se départi Rolant du champ et s'en ala sains et haliegres à l'ost des crestiens.
Maintenant, descendirent h Sarrazins du chastel et issirent de la cité et emportèrent lor seigneur entre lor
1. Latin : « Et illico Rotholandus paganum aggreditur. Tune Ferracutus eiecit ictum spata sua super Rotholandurn. » Le traducteur a mal rendu cette phrase. Il dit le contraire en mettant « li geans » au cas sujet et fait croire que c'est le géant qui attaqua le premier.
