On a dans le texte latin : « Cum novera episcopis

4. Latin : « Unusquisque possessor uniuscuiusque domus totius Hispaniae et Galliciœ. »

en ce maisme concile, que celé église fust toz jors mais apelée sièges d'apostre, pour ce que li cors monseigneur saint Jaque i repose, et que tuit li concile des prelaz d'Espagne et de Galice i fussent tenu, les dignitez et les croces donées et li evesque sacré, li roi d'Espagne et de Galice enoint et sacré par la main l'arcevesque du siège, en l'onor Dieu et de monseigneur saint Jaque l'apostre. Et se la foiz defaloit en autres citez et que questions fust meue sor aucuns articles, que ele fust reformée et reconciliée par l'arcevesque et par le concile du lieu. Et à bon droit, doit estre la foiz reconciliée et reformée en celé honorable église. Car ausi come Ephese est sièges d'apostre es parties d'Orient pour la raison de monseigneur saint Jehan, frère monseigneur saint Jaque, ausi doit estre es parties d'Occident l'église de Gompostele, sièges où la foiz soit reformée et reconciliée. Si sont li dui siège que la mère des ii fiuz Zebedée requist à Nostre Seigneur; que h uns seist à sa destre et li autres à sa senestre de son règne.

En tout le monde n'a que m sièges et m églises principaus qui, par excellence, sont honoré sor toz autres; celé de Rome, de Gompostele et d'Ephese. Si n'est mie sanz raison ; car ausi come Nostre Sires establi principaus saint Père, saint Jaque et saint Jehan, et les honora plus que nus des autres, en ce que il lor reveloit ses secrez, si com il pert* par les Evangiles; ausi vot-il establir que lor siège fussent honoré sor touz autres, et par raison sont-il dit principal; car ausi come ci troi apostre orent plus de grâce et de dignité que li autre, ausi doivent avoir li