Annales d'E'gin/iard, année

En ce point envoia li rois Looys son fil à tôt une partie de sa gent pour assegier la cité d'Oiste\ et il mut en Saisoigne, si corne il soloit, por tôt destruire le pais et pour refraindre la desloiauté de celé perverse nation. Si ne s'en parti ainques jusques à tant que il ot cerchies toutes les contrées du pais, car il ostoia tout outre jusques aus darreenes parties par delà, qui durent jusques en la grant mer et sont encloses entre ces II fluns, Albe et Wisare. Quant il ot tôt triblé et mis à destruction, il retorna à Es la Ghapele. Tandis com il sejornoit iluec, vint à li en message Obdelles, uns Sarrazins, fiuz Abimauge^, le roi de Moretaine^, et uns autres messages Nicethe, le patrice de Sezile, qui Theotistes avoit non, qui li aportoit lettres de l'empereor de Gostantinoblc*. Ces messages oi et congea, et retorna chascuns en sa terre. Lors ot conseil li rois que il iroit werner en Saisoigne, pour mener du tôt à fin celé guerre qui tant avoit duré. A ses ii fiuz, Pépin et Loys, manda que il venissent à lui; et cil firent son commandement tantost com il furent venu d'ostoier, Pépins d'Ythalie et Loys d'Espagne. Le Rim passa et entra en Saisoigne, ses herberges fist tendre sor le flum de Wisare. Ce lieu où ses oz tu logiez fist

1. « Ad obsidionera Oscœ ». Huesca, Espagne, ch.-I. de la prov. du même nom.

2. « Abdellam Sarracenum, filium Ibin Mauge régis. » D'après Reinaud, Invasions des Sarrazins en France, p. 109, c'est Abdallah, oncle de l'émir de Cordoue, qui, ayant échoué dans ses tentatives pour s'emparer du trône, invoqua l'assistance de la France.

3. Le texte latin est mal traduit. On dit qu'Abdallah partit de Mauritanie, mais non qu'Ibin Mauge fût roi de ce pays, « filium Ibin Mauge régis, de Mauritania ad se venientem ».