XXX VI

De Gui de Monlfort.

Ainsi comme entour celle saison, Guy de Montfort, fils le conte de Lincestre, fu mis hors de prison où ilavoit esté longuement pour Henry d'Alemaigne que il avoit occis aumoustier saint Laurent àYiterbe; et lu y commanda l'apostole que il alast contre Guy de Freutemont (l)qui vouUoit osteretfortraire aucunes églyses qui appartenoient à l'églyse de Eome. Guy de Montfort s'appareilla et vint contre Guy de Freutemont. Quant Guy de Freutemont sot sa venue, si se doubta moult , pour la grant paour qui estoit en luy ; si luy rendi toute la terre qui appartenoit à l'églyse de Rome , et se soubmist et mist du tout à faire sa volenté et de l'églyse , et de son commandement ; et par ceste manière conquist Guy de Montfort toute la terre qui appartenoit à l'églyse de Rome, fors une cité qui est nommée Urbaine (2). Le conte Guy de Montfort assist la cité. Si comme il tenoit le siège, nouvelles luy vindrent que le père sa femme estoit mort , si se parti du siège et vint contre le conte de Saint-Flore qui sa terre troubloit et empesclioit comme il povoit.

En icelluy meisme temps, Pierre conte d'Alençon qui estoit en Pullle pour garder la terre trespassa de cest siècle , et reçut mort; et fu enterré en une abbaye de moines blans que le roy Charles y avoit fondée qui est nommée IMont Roial. Les os et le cuer furent aportés aux frères meneurs à Paris , et mis en sépulture. Madame Jehanne contesse de Blois sa femme demoura vefve , plaine de saincte vie et de

(1) Freutemont. » De Monte Fellri. »

(2) Urbaine. » Urbinali civitas. » C'est Urbin.

(1283.) rHELIPrC III. 71

grant bonté. Le roy de France tint celle année parlement à Paris des bnrons de France pour ce que il sceussent que le royaume d'Arragonestoit donné à Charles son fds, de par la court de Rome. Monseigneur Collet, cardinal, prescha de la croix pour aler sur le roy d'Arragon, si comme homme dampué et escommenié que il estoit.

Cornent le prince de S aler ne f a pris.

Puis que le roy Phelippe fu croisié pour aler en Arragon, le roy Charles prist congié et luy dist qu'il estoit temps de retourner à son fds et aux barons qui l'attendoient , et le roy luy donna volenticrs et de gré : si se mist au chemin , et vint en Provence, liée prist messages et leur bailla lettres es quelles il estoit contenu qu'il mandoit salus à son fds Charles, et luy mandoit que pour riens du monde especiaument, il ne se combatist à ses ennemis en mer ; et qu'il avoit grant nombre de galies au port de Marseille qui toutes estoient appareilliés de venir prochainement à luy. Ainsi comme les messages s'en alèrent hastivement par mer , les espies de Secile leur vindrent à l'encontre , si les pristrent et trouvèrent toute la priveté et le secret du roy Charles, et cju'il vouloit faire et coment. Dont se hastèrent moult huit galies d'armes et de gent , si vindrent bien près de Naples ; et commencièrent à crier età menacier, pour savoir se il peussent à ce esinouvoir les François qu'd venissent à eux combatre.

Les François et le prince qui ilec estoit demouré,pour ce que le conte d'Artois estoit aie en Calabre pour certaine cause si fu moult esnieu de leur cri et de la noise cju'il deme-

noient ; si piist trop grant hardiesce en luy et entra avec les François conibaleurs en mer. Mais il ne se sorent ainsi aidier de bataille comme s'il feusseiit à terre , si furent tantost pris et menés à Messines , et moult bien emprisonnés et gardés de nuit et de jour. La nouvelle en vint à Constance, la femme au roy d'Arragon, qui demouroit à Salerne avec ses enfans Jaques et Mainfroy : si les fist mener bien tost près de Naples et dire à ceux qui menoient le prince par mer : « Rendez nous la euer ma dame Constance » que vous tenez, ou nous couperons de maintenant la teste au » prince ». Adonc en y ot un qui prist une hache, et mist la teste au prince sur le bort de sa nef ainsi comme s'il luy voulsist couper : la femme au prince qui trop grant paour ot que on ne coupast la teste à son baron , si leur manda que volentiers la leur rendroit, mais pour Dieu que son seigneur ne receust mort. Si la leur rendi et délivra.

Au quart jour après que le conte fu pris, vint le roy Charles à Naples; et trouva que la greigneur partie de ceux de Naples s'estoient jà tournée contre luy , et avoient les François boutés hors de la cité. Il sot toute leur mauvaistié , si les chastia moult horriblement^ car il les fist pendre et trainer et mourir de divers tourmens : puis se parti d'ilec et s'en vint en Calabre, là où son nepveu estoit, le bon conte d'Artois ; et convoita moult coment il pcust passer le Far pour asseoir Messines. Mais il ne luy fu point loé , pour les vens qui estoiont commenciés , et si estoient grans et horribles , et aussi pour l'yver. Si fist venir ses nefs au port de Brandis que elles ne fussent prises de ses ennemis. Ne demoura guaires que une maladie le prist dont il mourut l'an de grâce mil deux cens quatre vings et quatre ; et fu le corps appareillié et enterré en la cité de Naples , en la maistre églyse.

Nouvelles en vindrent à l'apostole Martin qui en fu

(1584.) PHELIPrE III. 73

moult dolent, pour la grant loiaultë et valeur qui cstoieut en luy. Si se revesti et célébra son service. Quant la chose fn ainsi avenue, l'en fist tuteur et deffenseur le conte d'Artois de tout le royaume de Secile. Après, tant comme il fu au pays, les ennemis ne furent oncques si osés qu'il y méissent pie né n'osèrent oncques venir à bataille contre luy ; et dist-on communément que s'il ne fust au pays demouré , que toute Puille et toute Calabre se fust tournée.

En celle année meisme , le premier fils au roy Phelippe qui ot à nom Phelippe, espousa madame Jehanne, fille au roy de Navarre et conte de Champaigne.

De la mort rapnstolc Martin : après luy fa esleu pape

Honnoré.

L'an de grâce mil deux cens quatre vings et cinq, le jour de l'Annonciation Nostre-Dame, qui fu le jour de Pasques, l'apostole Martin chanta la messe. Si comme il ot chanté, une trop grief maladie le prist , si vit bien qu'il luy convenoit mourir : ses phisiciens le vindrent veoir , si congnurent moult obscurément et moult troublement la cause de la maladie et affermèrent et distrent que nul signe de mort ne ap|)aroit en luy ; et il mourut le mercredi ensuivant , environ la quatrième heure de la nuit. Il apparu bien que nostre sire l'ama , car pluseurs malades et enfermes qui le re- ({ueroient de bon cœur, garissoient de leur maladies. Après luy fufait pape messire Jeroime(l) de l'ordre des Frères meneurs, si fu appelle Honnoré. Monlt volentiers et moult doucement admenistra, et envoia au conte d'Artois et à sa

(I) Jeroimc Ou plutôt Jacques Savclli. C'est son successeur, Nicolas IV, (jui se iioiiimoii Jérôme d'Ascoli.

siijte des biens de l'églyse, pour parfaire et pour garder la hesoigne qu'il avoient emprise.

Cornent le roy Phelippc de France assembla grant ost pour aler au 7'oyaume cV Arragon.

Assez tost après, en l'an de grâce mil deux cens quatre vings et six (1), Phelippe le roy de France assembla environ la Penlhecouste à Thoulouse si grant multitude de gent que c'estoit merveille à veoir ; pour ce qu'il vouloit entrer en Arragon qui avoitété donné à Charles son fils et octroie. S'entente estoit d'avoir tantostbesoignié au royaume d'Arragon , et puis de passer tout oultre au royaume d'Espaignc, pour la grant injure que le roy Alplions , roy d'Espaigne , luy avoit faicte de Blanclie sa suer. Avec le roy ala messire Jehan Colet (2), cardinal de Rome , et toute la noble chevalerie de France. Si fu l'ost moult bien garnie par devers la mer de galies et de vitadles et de toutes autres choses qui mestier leur avoient. Le roy laissa la royne Marie sa femme à Carcassonne avec grant foison de nobles dames qui aloient avec leur barons ; si s'en ala à Narbonne, illec atendi tant que toute sa gent fust assemblée. Si fu commandé que tous ississent de Narbonne et alassent tous armés à bannières desploiécs tous prests de combatre. Si entrèrent premièrement en la terre au roy de Maillorgues le frère Pierre le roy d 'Arragon, qui se tenoit à la partie au roy de France et saincte églyse.

Si tost qu'il sot sa venue, si s'en vint contre le roy au plus lionnourablement qu'il pot , et envoia ses deux nepveus en

(1) Il falloil : 1285. Le lalin clil sciiUmuciU ; « Aniio poslcriùsannolalo. »

(2) Colet. Cholct.

(1286.) riiELirPE in. 75

la ville de Perpignan , et leur fist feste et honneur. Au roy U'Arragon vindienl messages en Secile où il estoit , et luy dénoncièient que le roy de France venoit en son royaume d'Arragon à si grant gent que nul ne les povoit nombrer né esmer ; si dist à Constance qu'elle gardast bien le prince de Salerne et sa terre , et il iroit deffendre son royaume contre le roy de France. Il se mist en mer, si ot bon vent ; si entra en sa terre, et garni les entrées par devers ses adversaires au mieux qu'il pot. Quant Constance fu dcmourée , si se mist en moult grant paine de garder la terre et le pays et de savoir la volenté et le couvine de ceux de Secile ; si s'apparçut bien que ceux de Secile se réconciliassent volentiers à leur seigneur; lors se pourpensa qu'il estoient plains de faulseté et qu'il n'estoient point estables ; si fist mètre le prince en une galie et l'envoia en Arragon où il fu estroicteinent gardé une pièce de temps.

Cornent la cité de Germes fu destruicte.

Tant ala l'ost de France qu'il vindrent à Perpignan ; si se conseilla le roy par quelle part il entreroit mieux en Airagon. Si luy fu conseillé que son ost alast droit à Gennes (1) l'orgueilleuse , pour ce que elle se lenoit à Pierre d'Arragon, et elle estoit et elle devoit cstre au roy de Maillorgues, et que l'en tournast celle part. Celle terre est assise en la terre de Roussillon et en la contrée. Quant le roy de France sot que le roy d'Arragon avoit ainsi tollu et soustrait à son frère celle terre , si commanda que l'on alast celle part. Ceux de Gennes virent bien et aperceurent que Tost venoit vers eux , si se traistent aux portes et coururent aux

(I) Gennes. « Urbcm Januanicognomiiialam. « Je crois qu'il faudroil lirn ici Elne. C'est D.ussi l'avis de M. de Marca.

murs et aux dcffenses , et monstrèrent qu'il la vouloieut tenir et defïendre. Tantost que le roy fu venu, il fis t faire commandement que l'en alast à l'assaut ; ceux de dedens se dépendirent bien et viguereusement , si que riens n'y perdirent celle journée ; mais l'endemain par matin les François coururent à l'assaut. Quant ceux de la ville virent ce , si requistrent et demandèrent au roy qu'il leur donnast repis jusques à trois jours, tant qu'il eussent parlé ensemble , et qu'il fussent tous d'un accort : et puis si livreroient la ville au roy et à son commandement. Le roy leur octroia volentiers. Endementres que les tiièves duroient et qu'ils ne furent point assaillis , il se mistrent au plus haut de la ville et mistrent le feu sur une tour, si que le roy d'Arragon le peust veoir qui n'estoit pas moult loing d'ilec ; car il avoient espérance qu'il les venroit secourir. Quant le roy apperceut leur barat , si commanda tantost que on alast à l'assaut ; le légat sermonna et presclia aux François , et prist tous leur pécliiés sur luy qu'il avoient oncques fais en toute leur vie , mais que il alassent sus les ennemis de la crestienté, bien et hardiement, et que il n'y espargnassent riens, comme ceux qui estoient escommeniés et dampnés de la foy crestienne.

Quant les François oirent ce, si crièrent à l'assaut à pié et à cheval, et jettèrent et lancièrent à ceux de dedens. Tant approchièrent des murs qu'il y furent : si drecièrent les eschieles contre mont , et hurtèrent aux murs tant qu'il en firent tresbuchier une grant pièce et un grant quartier. Il brisièrent les portes et abatirent les murs en pluseurs lieux, si se boutèrent ens de toutes pars , et si commencièrent à crier : A niovL I et à occire hommes et femmes sans espargnier.

Quant le peuple de la cité se vit ainsi surpris, si commencièrent à courre vers la inaistre tour ou églyse, où il Guidèrent avoir garant : mais riens ne leur valut , car les portes