PHELIPPE RÉGENT

fu Loys, le conte de Nevers, qui tant de niaus au royaume avoitfait, receu fu des Flamens en grâce et luy fu rendue sa conté où li rois avoit mis sa main. Et lors, li Flamens par terre et par mer se garnirent de vitaille , si qu'en brief temps il ot meilleur marchié de pain et de vin que il n'ot en France. Et puis assés tost , li Flamens se confederèrent et adjoindrent aux Baonnois (1) et vindrent par mer contre les François et prinrent quatre de leurs grans nés et les ardirent ; combien que il déissent lors le contraire.

(2) Et en cest an, environ la Chandeleur, furent assemblés en la présence de Pierre d'Arrablay , jadis chancelier du roy de France mais nouvellement avoit esté fait cardinal, pluseurs barons, nobles prélas, bourgois en la cité de Paris; lesquiels tous ensemble approuvèrent la coronacion de Phelippe-le-Lonc, et luy promistrent obédience tant comme à leur seigneur , et à Loys son ainsné fils après luy, tant comme vray hoir ; et de ces choses firent foy et serement ; et aussi ceux de l'université de Paris aprouvèrent les choses dessus dites; mais il n'en firent pas serement. Et adonc fu-il desclairié que femme ne succède pas au royaume de France.

Et en cest an, le vendredi après les Cendres, Loys, ainsné fils du roy Phelippe-le-Lonc , mourut , et aux frères Meneurs emprès son aïeule Jehanne royne de France et de Navarre fu enterré.

(1) Baonnois. Oa chercheroit vaioemeat daos Dacange et les autres glossaires ce mot qui se rencontre fréquemment chez les annalistes de Flandres et dans la Chronique métrique attribuée à Godefroi de Paris. Dans tous les cas il parolt désigner des corsaires ou bandits de mer.

(2) Cofcaiinéa précieux n'est pas dans les manuscrits antérieurs à GtiarlesV.

C)r fenist Vysioire du roy Loys y roy de France et de Navarre^