BALLADE

QUE FIT VILLON A LA RBQUêTB DE SA MÊRB, POUR PRIER NOTRE-DAME.

Dame des Cieulx, régente terrienne, Emperière*' des infernaulx palux'^, Recevez-moy, vostre humble chrestienne, Que comprinse '<^ soye entre vos esleus.

Ce non obstant qu'oncques rien ne valuz.

Les biens de vous^ ma dame et ma maîtresse.

Sont trop plus grans que ne suis pécheresse; Sans lesquelz biens ame ne peut merir^^, N'entrer es cieulx «', je n'en suis menteresse : En ceste foy, je vueil vivre et mourir.

A vostre Filz, dictes que je suis sienne; De luy soyent ^^ mes péchez aboluz >» :

Pardonnez-moi, comme à TÉgyptienne, Ou comme il feit au clerc Théophilus, Lequel par vous fut quitte et absoluz.

Combien qu'il eust au diable faict promesse.

Préservez-moy, que point ne face cesse, Vierge, portant, sans rompure encourir.

Le sacrement qu'on célèbre à la messe; En ceste foy, je vueil vivre et mourir.

30. CertiGe. — 31. Si j^étais resté muet. La pépie empêche lesoiseaui déchanter..— 32. Le tombeau de Clotaire était voisin du gibet de Montfaucon. — 33. Espion et probablement, dans ce cas, mannequin pour effrayer les oiseaux. — 3i. Impératrice. — 35. Marais, du latin paltu, — 36. Mériter, du latin merere, — 37. Ni entrer aux cicux. — 33. Abolis^ effacés.

Femme je suis, povrelte et ancienne, Ne rien ne sçay; oncques lettre ne leuz; Au monslier*^ voy, dont suis parroissienne, Paradis painct, où sont harpes et luz ^9, Et ung enfer où damnez sont boulluz :

L'ung me fait paour"; Tautre, joye et liesse. La joye avoir fais-moy, haulte déesse, A qui pécheurs doivent tous recourir, Comblez de foy, sans faincte ne paresse :

En cesté foy, je vueil vivre et mourir.

ENVOI

Vous portasles, Vierge digne princesse, Jésus régnant, qui n'a ne fin ne cesse.

Le Tout-Puissant, prenant nostre foiblesse, Laissa les cieulx, et nous vint secourir; Offrist à mort sa très-chère jeunesse ; Nostre Seigneur tel est^ tel le confesse :

En ceste joy, je vueil vivre et mourir.