DEUXIÈME PARTIE. — LÀ RÉFORME
fo us. Au dessus dict messagier pour, suivant Iordonnance de Mess" les eschevins, avoir este en la ville de Gand porter lettres a Monssr le Président de Flandre a luy envoyées de la part de limperialle Majesté, adfin que ledict Président voloit depputer aucuns commissaires pour venir en ceste ville recueillir et oyr aucuns tesmoings pour le faict dudit Martin Commelin, en quoy faisant il a vacquie par lespacc de cinq jours a xxiiii sols par jour, a luy paye vi 1 .
f» no. A Jacques Gallois, greffier criminel de la ville de Douay, pour, par ordonnance de Loy, soy estre transporte es villes de Bruxelles et Mallines, au Conseil prive et au grand Conseil de lempereur, illecq solliciter, assavoir : audict Conseil prive certain procès faict et tenu pour justice allencontre de Martin Commelin, prisonnyer chargez dheresie, et au grand Conseil a Mallines pour.... (il s'agit d'une autre affaire).
f° 123. A Monsr maistre Franchois du Bois escuyer, licentie es loix, conseiller de la ville de Douay, pour, par ordonnance de Loy, soy estre transporte en court pour plusieurs besongnes et affaires grandement concernant le bien et honneur de la dite ville, et pour especial touchant le faict de la sentence rendue par lesdicts de Loy selon Iordonnance de sa Majesté contre Martin Commelin, marchand demeurant en ladite ville, cest assavoir quilpluist a sadite Majesté de faire delamende en quoi iceluy Martin avoit este condempne en tant que lesdites lettres et ordonnances contenoient expresse application au proffit de sa dite Majesté.
f° 203. A Jehan Hucquedien, conchierge de la maison eschevinalle de la ville de Douay, pour despense de bouche faicte par Messieurs les eschevins de ceste ville, après que une nommée Jehanne de Brienne, femme de maistre Thomas Chevallier, eult este jugée par lesdits eschevins de estre enffouye en la place du Barlet en ceste ville comme attaincte de secte luteranne. Pour ce, comme il est de coutume, la somme de xn 1.
Au dict conchierge pour dépenses de bouche faictes pour la dicte Jehanne de Brienne, ses pères confesseurs et sergent a mâche et wettes de nuyt qui la gardaient lxiii s. vi d. Item aux cordeliers pour leur peine de avoir administre la dicte Jehanne de Brienne, au lieu dun plat de viande et dun lot de vin, xxiiii sols. Et a Claude Boulet, maistre de la haulte œuvre, au lieu dun plat et ung lot de vin, xvi s. portant lesdites a la somme de xvn 1. m s. vi d.
fo 203. A Jehan Hucquedien, conchierge de la halle, pour despenses de bouche faictes par Messieurs les eschevins après que ung nomme Hubert de Laval eult pour ses desmerites este battu et fustige de verges par les carrefours de la ville, estre paye la somme de ....
f° 203. A Claude Boulet, maistre de la haulte œuvre, pour, par ordonnance de Loy, avoir mis sur la torture Pierre Fresmy, cordier, Hubert de Laval pothier de terre, et la femme de Thomas Chevallier fondeur de cloches,
PIÈCES JUSTIFICATIVES
pour iceulx oyez et examinez sur les charges dont ils etoient accuses touchant la secte luterane... Item pour sa peine et sallaire davoir fustige de verges par les carfours lesdits Fresmy et de Laval, et pour avoir brusle surung eschaffault devant le parvis de la halle un livret du Nouveau Testament. Soit ensemble a luy payer lx s.
f» 204. Pour despenses de bouche faites par Messieurs les. eschevins après avoir condamne ung nomme Pierre Fresmy cordier, et Hubert de Laval potier, destre bastu et fustige de verges par les carfours de la ville, et au retour, devant la halle sur ung hourt, avoir langue perchée et banny a tousjours. Sur le tout paye ix l.
fû 205. * Aux huit wettes de nuyt de la ville de Douay pour leur peine et sallaire de avoir, par le commandement de Messieurs les eschevins, avoir mené une nommée Jehanne de Brienne en la place du Barlet pour illecq, pour ses desmerites et selon la sentence desdits eschevins, estre enffouye, pour ce paye xxxn s.
f° 209. Pour despenses de bouche faites en halle par eschevins, six hommes et autres officiers de la ville de Douay en festoyant Messieurs les commissaires de la chambre de Flandre a Gand, lesquels estoient venus en ceste ville pour tenir et faire instruction allencontre de Martin Commelin prisonnier es prisons de la ville, charge de plusieurs cas sentans la secte lutherane et porte icelle dépense qui a paye ce recepvoir a la somme de
XV 1 . V s .
f 210. A Jacques Dassignyes escuyer, et Pasyme le Gentil eschevin de la ville de Douay, et maistre Franchois du Bois aussy escuyer conseiller dicelle ville, commissaires délègues par leurs compaignons en eschevinage pour vacquer a linquisition faicte le llrae jour de mars 1545, et aulx jours enssuivans, a Sainct Pierre en ladite ville, avecq Monseigneur de Sallubrye suffragant du diocèse d'Arras, affin de amener a cognoissance les hérésies pullulantes et dérisions que commectoient en ladite ville, contre lhonneur de Dieu et du St Sacrement, signamment de Monsr Sainct Biaise (1), plusieurs personnes sentans mal de la foy, pour les dépenses par eux faictes et soustenues avec aultres officiers de la dite ville, et comme au long contenues et déclarez en chinq cayers en pappier aux marges duquel la cedulle de Loy est attachée, a este paye la somme de
ciiiixx xv 1. xvii s.
Registre CC 266 (1547-1548).
f« 2<Ji. Aux sergens a mâche de ceste ville, pour leur sallaire de avoir assiste et conduyt pour estre fustige de verges par les carfours de la ville, Pierre Fresne et Hubert de Laval, lesquelz estoient suspectez dheresie paye
xxiiii s.
(1) Saint Biaise passait pour guérir les maux de gorge et le croup.
