BERNARD. D

Original en parchemin.

1433, 6 août. — Lettre de Georges de La Trémaoille à deux

fermiers, pour le paiement de 500 francs àu premier cuisinier du Rot.

« Maistre Jehan Vousy et vous Pasquier, vous savez que j'ay assigné sur VOUS, Lubin Raguier, premier queux du Roy, de la somme de cinq cens frans, pour paier ma despense qu’il a faicte, comme 1l vous est apparu par ma cédule; et sur ce lui avez [fait] response que ne lui paierez riens, dont je ne suis pas content de vous. Si vous escrips de rechief que vous le paiez, sans en faire aucun refuz ou délay, selon ce qu’il vous a escript, c'est assavoir : cent frans à la fin de ce mois d’aoust, cent frans à la fin de septembre, cent frans à la fin d'octobre, et deux cens frans desquelz vous ferés faire de la vaisselle d'argent comme il vous escripra. Si faites que en ce n'ait faulte comment qu'il soit, car tel est mon plaisir; et autrement il romproit ma despense. Et vous le povez bien faire, car le terme est assez long; et sur ce lui escripvez en le asseurant d’icelle somme de cinq cens frans par la manière dessusdicte. Et par rapportant ces lettres avec les miennes premières, et quictance dudit Lubin, je vous tendré compte et quicte desdiz cinq cens frans sur le plus cler de mes assignations que j'ay en Poictou.

« Escript à Chinon, et signé de ma main, le vj° jour d’aoust l'an mil cccc trente et trois.

« Faytes que y soit payé, commant qu'y soit.

«a GEORGE DE LA TRÉMOYLLE. »

Chartrier de Thouars. Original. Ce qui suit la date est autographe.

Se —— —— — — —— ————— ns

1442.— « Argent departy à Tholose, au partir du Roy.