DE LA TRÉMOILLE) ET RÉPERTOIRE DES DEBTES A LUI APPARTENANS

Mémoire à Monseigneur de ce qu'il a faire.

Premièrement, de ordonner sur le faict de la despence de son hostel sur chacun lieu par lui ordonné à demourer pour trois mois et de savoir où se prendra l'argent qui excède les revenues de chacun lieu, ou sur les tailles de chacun lieu, ou autre part et quelle somme.

Item, de commectre et ordonner en sa despence pour le gouvernement ung chevalier ou escuier preudhomme notable et ung clerc souffisant à ce faire, qui tendra le compte de sadite despense. Et que chacun jour au matin à VII ou à VIIT heures, soit par le maistre d'ostel veu le papier du clerc, tant en ordinaire comme en extraordinaire, appelez ad ce les queux,

Monseigneur ordonne II" fr. à mectre en provision de vin, d’avoines et de chars, qui se mectront en III des dits lieux, pour ce que Sainte-Hermine se furnist de soy, de laquelle provisionfaire Le Rafle a la charge.

Monscigneur pourverra d’un maistre d’ostel et au regard de clerc pour tenir le compte La Caille fera l'office.

1. Ce document du Chartrier de Thouars a été retrouvé pendant l'impression du présent volume. C’est ce qui explique sa publication sous une pagination particulière et l’omission à

la table des noms propres qui y sont cités.

boutilliers et fourriers, pour veoir le compte et les parties du jour précédant, et fait la somme du jour, c'est assavoir de l'ordinaire en une somme appart et de l'extraordinaire en une autre somme à part. Et d’icelles sommes ledit maistre d'ostel face registre en ung papier qu'il aura devers lui ouquel il les fera escripre en grosses sommes seulement et par chacun jour, et au bout de chacun mois qu'il soit tenu compte final de la despence d’icelluy mois, appelléz lesdits officiers et les marchans qui auront ferny et livré de leurs denrées pour ledit mois ; et par ainsy se pourra certiffier au vray ladite despence.

Et semblablement, au regard de la recepte que le clerc fera tant en grains, vins, foings, pailles et deniers comptans, ledit clerc en fera recepte en son papier en ung chappitre de recepte selon les jours qui les recevra et de qui. Et semblablement le maistre d’ostel en fera re-

gistre en son papier en ung semblable chap-

pitre. Et chacun jour verra ledit maistre d’ostel aussy bien la recepte comme la despence ; et de la recepte qui se fera pour ladite despence par ledit clerc sera baïllé certification par le maistre d’ostel et par luy à l'officier qui délivrera l'argent, le blé, le vin, le foing, l’avoyne, la paille et les deniers, ou à celluy qui le fera bailler et delivrer, par laquelle sera tenu compte

- + = -r- 8 TE

aux officiers qui ainsy l’auront baiïllé et en seront deschargez en la despence de leurs comptes, en rapportant ladite certiffication seulement, ou cas toutesvoyes que ladite despence ne seroit assignée par celluy qui tendra le compte de toutes les finances de Monseigneur ausquelz ilz bailleront ladite certiffication pour sa descharge.

Et par ainsy la recepte et despence se peut vérifier et n'y aura par ce moyen nulle erreur.

Item, s'il convient faire aucunes provisions par achat ou marché de haut pris avec aucuns marchans pour ladite despence, il se fera par le maistre d’ostel, par le clerc et par celluy des officiers à qui il touchera de son office. Et des dites provisions ainsy achectées en grosse somme sera tenu le clerc de rapporter quitance des marchans sur son compte. Et seront lesdits marchés et provisions enregistrées ès papiers du maistre d’ostel et du clerc du jour qu’ilz auront esté faiz.

Item, de ordonner quelz genz serviront Monseigneur et en quel nombre et de quel estat, et combien de chevaulx chacun aura en son endroit tant pour lui comme pour Madame.

Item, quelz gaiges auront par an les chevaliers, les escuiers, les clers, veneurs, fauconiers et autres officiers et serviteurs menuz de l'ostel, lesquelz gaigez se paieront par quarterons.

Monseigneur baillera le nombre des gens à son maistre d’ostel et à La Caille,

Le Rasle est commis à faire la recepte générale du domaine.

Item, de ordonner lesquelz auront robes par an des officiers et serviteurs.

Item, semblablement, des femmes de Madame et des nourrices. -

Item, quels gaigez auront par jour les chevaucheurs de Monseigneur quant ils iront pour ses besongnes.

Item, quelz voiages prendront les chevaliers par jour quant ïlz iront dehors pour les besongnes de Monseigneur et semblablement les escuiers et les clers.

Item, de ordonner de sa vénerie et quel nombre de veneulx, de varlés et de pages de chiens il aura.

Item, le nombre de chiens et levriers de sa venerie.

Item, de ordonner la vie des faucons et pour quel nombre et aussy combien il vouldra tenir

de fauconniers à cheval et à pié.

Item, de ordonner une personne par la main duquel se recevront toutes les finances de Mons seigneur en toutes ses seigneuries, tant en domaine comme en aides, lequel sera tenu d’en bailler sa lettre aux officiers de qui il recevra et d'en rendre compte à mondit Seigneur de la despence qu'il en fera, laquelle il certifiera par mandement de Monseigneur et ne délivrera riens sans mandement de mondit Seigneur et quictance de la partie, et demouront les officiers

chacun en droit soy deschargez en leur compte de ce qu'il apperra aux audicteurs avoir baïllé par la quictance de celluy qui sera commis à recevoir lesdites finances.

Item, et se ledit commis recevoit aucunes choses qui venist de vieilles debtes paiées à Monseigneur par obligacions ou d'argent à lui presté ou donné, ou que manuellement mondit Seigneur le baïillast du scien audit commis, mondit Seigneur pour advertir les audicteurs des comptes aura ung papier devers lui ouquel il fera escrire de la main dudit commis tout ce qu'il lui baïllera ou fera bailler en ce cas affin qu'il appert que ledit commis en soit tenu d'en rendre compte.

Item, de ordonner deux personnes souffisans ausquelz il commectra et ordonnera l’audiction des comptes de tous ses officiers quelsconques lesquelz auront puissance de clorre et affiner.

Item, de savoir et enquérir à tous les officiers et serviteurs de Monseigneur lesquelz auront aucunes de ses lettres touchans tant ses héritaiges, mariages, obligations, viages, dons, pensions et engaigemens comme des charges et que chacun aporte tout par inventoire ce qu’il en aura.

Item, seront oiz les comptes de tous lesdits officiers sur chacun des lieux pour mieulx au

Denisot en sera l’un et Monseigneur ordonnera ung autre pour estre avec lui.

Denisot en fera dilligence du savoir.

Comme dessus.

Denisot en aura la charge.

Messires G. de Monte-Jean et Denisot y adviseront et en feront rapport à Monseigneur des places où ilz yront et y feront mettre la provision en ce qui sera nécessaire.

vray savoir de l’estat et valeur des receptes et du non valloir et aussy du gouvernement des officiers.

Item, sera sceu l’estat de tous les procès de Monseigneur à Poictiers tant en Parlement comme aux Requestes, et à l'ordinaire de la seneschauciée.

Item, semblablement sera par lesdits auditeurs enquis en chacune seigneurie quelz procès Monseigneur a pour son domaine contre qui et par devant quelz juges.

Item, seront ordonnez par Monseigneur les pencions de ses audicteurs, des advocas et conseillers de Poictiers et de son soliciteur et en quel lieu ilz seront paiez et de combien par an chacun en droit soy.

Item, sera ordonné ung homme en ce con:gnoissant qui recevra et recouvrera toutes les lettres de Monseigneur, dont dessus est faicte mencion, qui icelles gardera par inventoire duquel Monseigneur aura le double et des obligacions fera faire la poursuicte.

Item, fera Monseigneur adviser quelz officiers il a pour la garde de ses places et quelles reparacions et fortificacions necessaires il y fault et comment elles sont garnies d'artillerie et d’abillemens de guerre et ce qu'il y conviendra faire et mectre, conviendra que Monseigneur fournisse. |

Item, sera prins par les audicteurs des comptes de mondit Seigneur en chascune place, quant ilz iront oyr les comptes, l’inventoire de tous les biens meubles qui seront en chacun de sesdits chasteaux ou maisons, et dudit inventoire sera l'artillerie baïillée en garde à chacun cappitaine en droict soy qui en seront tenuz d'en bailler recongnoissance comment il l’auront en garde, et l’autre meuble sera baillée aux receveurs lesquelz en bailleront semblablement recongnoissance chacun en droit sOY.

Item, quant l’un des cappitaines sera mué ou osté ou ung receveur ou qu’ilz iroient de vie à trespassement, en ce cas eulx ou leurs héritiers chacun en droict soy seront tenuz de rendre à Monseigneur ou à ses officiers des lieux lesdits meubles par inventoire, selonle contenu dece que baillé leur aura esté, reservé au regard du trait et des pouldres, et que se aucune chose en avoit esté despencé pour la deffence de la place, en ce cas ilz seroient tenuz quittes de ce qui en auroit esté despendu.

Item, fera adviser Monseigneur quelz officiers il a en toutes ses seigneuries pour le gouvernement de son demaine, tant séneschaulx, chastelains, procureurs, receveurs comme sergens, et, s’il en y a nulz non sOuffisans et qu'ilz n’y soient proffitables, seront muéz et changéz et

Comme dessus.

Jehan Rivière en aura la charge de la recette.

y seront en leur lieu commis autres personnes souffisans à ce.

Item, fera crier et publier Monseigneur en chacune seigneurie que nul ne soit si hardy de imposer ne mectre aucun subside sur ses subgez pour réparacion ne autre cause, sans sur ce avoir mandement de mondit Seigneur, sur paine d’estre pugniz, tant ceulx qui les mectront sus, comme ceulx qui paieront ledit aide, excepté les aides du Roy, dont Monseigneur veult et commande que en chacune chastellenye et paroisse il at le double de l’assiette qui se y fera, signé de la main de ceulx qui seront commisseres à faire ladite assiecte, duquel double il veult que ses officiers retiengnent la coppie devers eulx pour lui en enseigner en temps et en lieu.

Item, de faire adviser en chacune seigneurie quelz gaiges et quelz prouffis pevent prendre ses cappitaines et aultres officiers chacun en son endroit, affin que Monseigneur sache la vérité et qu'il puist vivre avec eulx pour ce qu'on dit qu'ilz ont plus grant part en aucuns lieux ès seigneuries qu'il n’a.

Item, sera ordonné ung clerc qui fera toute la recette générale des aides et fouages, quars et imposicions des terres de Monseigneur, lequel sera tenu d’en rendre compte selon Îa valeur et assiete de chacun aïde et n'en bail-

AE 7 D + CP Ê < — mme cOECR CR er M =

lera ung seul denier sinon par mandement de Monseigneur et quittance de la partie.

Item, de faire prendre par inventoire toutes les lettres qui sont au thrésor de la grosse tour de Suli et de tous les autres chasteaux de Monseigneur.

Item, de envoyer devers Jehan Spifame Denisot en fera la et Pierre Boucheron à Paris ou à Conflans pour diligence. avoir et recouvrer d’eulx par inventoire bien clairement toutes les lettres qui sont ou thrésor de l’ostel de La Trémoille à Paris, et icelluy inventoire faire apporter devers mondit Seigneur.

Item, etse oudit trésor à Paris sont trouvées les lettres, originales ou vidimus, de certains traictez ou accors faiz entrefeu monseigneur d’Alebret et mondit Seigneur pour le partaige, par lesquelles mondit seigneur d’Alebret soit tenu en douze mille escuz enversmondit Seigneur, et aussy soit tenu de lui rendre et délivrer les chasteaux de Chalucet, Corbesin et Chaluschevreu, en lui paiant par mondit Seigneur pour une foiz douze mille escuz, que icelles lettres ou les vidimus soient apportez devers mondit Seigneur par deçà.

Item, soit apporté par deçà devers mondit Seigneur la condempnacion par lui obtenue pieça aux requestes à Paris à l’encontre du cardinal duc de Bar, par laquelle il fut condempné

envers mondit Seigneur en certaine grant somme d'argent, tant pour le principal que pour les arrérages de VIII" de grain de rente annuelle, que mondit Seigneur a droit de prendre sur les greniers de Thoussi, et aussi es despens de la cause et des enquestes sur ce faictes.

Item, de faire apporter tout le procès servant à ce avec la tauxacion des despens qui furent sur ce minuez et non pas tauxez.

Item, de faire apporter par inventoire bien declarement l’estat de toutes les causes que mondit Seigneur povoit avoir à Paris, tant en demandant comme en deffendant, tant ou nom de lui comme de feu madame de Boulongne, en l’an cccc xx1 ou environ.

Item, de faire enquérir et savoir à tous les procureurs de mondict Seigneur en Parlement et ailleurs à Paris, que toutes les lettres, actes et besoingnes touchans les procès de mondict Seigneur soient seurement et qu’il n’y ait rien perdu, et de tout apporter inventoire et en quel main !lz sont.

Item, et en faisant l'inventoire des lettres audict trésor de Paris soit bien advisé que s’il y a aucunes lettres de héritaiges, de rentes ou obligacions, dont par longueur de temps se passast et on pense estre prescripcion acquise au domaige de mondict Seigneur par faulte de

poursuite, en ce cas soient icelles lettres appor= tées ou les vidimus d'icelles.

C'est la déclaracion d'argent deu à Monseigneur tant par obligacions, par prest comme autrement.

Premièrement.

A mons' le conestable d’Alebret l’année du siège d'Arras, III" escuz..….. sur III: escuz de rente sur argent et sur La Chappelle.

Item, à mondict seigneur d’Alebret, qui est à présent, III" escuz.

Item, au cardinal de Bar, Il" escuz et les arreraiges de XII‘ escuz par an, depuis que Monseigneur a sa place de S'-Fargeau.

Item, à ceulx de Limosin au siège de Branconne, I[" escuz.

Item, au mareschal de Res, XII" escuz sur XII: escuz de rente.

Item, à lui encores, II" frans.

Îtem, au seigneur de Dourt et à Lancelot de La Trémoille, son frère, pour sa rançon, Il" saluz.

A Poton de Saintrailles, V" escuz.

Item, à La Hire, XV° escuz, dont Monseigneur doit avoir l’obligacion, de Jehan Dolon pour les V°.

230 Kk

Item, à Brusac, VII: escuz et d’autre part encore, V° escuz. |

Item, à Poton, d'autre part, VII: escuz.

Au bourc de Bieu, M escuz.

Item, le bailli de Lyon doit encores de l’argent qu'il prist à Lyon, Il" VI° escuz.

Item, Pierre de Mérillon, IIII° escuz.

Item, maistre Macé Héron, II" moutons.

Item, lui et Beloisel, de reste de II® escuz, VIII: escuz.

Item, Narduche.

Item, le seigneur de Taillebourt, III" escuz pour le paiz de Xaintonge.

Item, l'évesque de Poictiers, II" escuz.

Item, le bastard d'Orléans, V" escuz.

Item, en une autre obligacion, M escuz.

Îtem, les héritiers messire Girart Blanchet, VII= C escuz.

Item, Enart de Beaujeu, XVIII royaulx.

Item, l’abbé du bourc de Dery, V° royaulx.

Item, feu monseigneur le duc Phelippe de Brebant et autres barons de son pais obligez pour lui pour les droiz de quintz deniers, qu'il devoit à cause de sa conté de Sainct-Pol, tenue de la conté de Boulongne, par accort fait, XXX"® escuz.

Monsieur le duc de Bourbon pour prest à lui fait sur gaiges, III" IIII° royaulx.

Item, en ung autre lieu, a esté baillé IX" escuz vueil.

Item, maistre Regnier, M escuz par obligacion. |

Item, le duc de Bourgongne par obligacion doit XVIII" écus d'or.

Item, est deu à Monseigneur sur la terre et baronnie d’Amboise à lui engagées par le Roy, c’est assavoir en or, (en blanc).

Et en monnoie (en blanc).

Item, est deu à mondit Seigneur sur la terre et seigneurie de Mesle a lui engaigée par le Roy pour X" escuz et pour XV° moutons baillez au Galoys de Pié de Fou.

Item, le seigneur de Gaucourt doit par obligacion signée et scellée de lui (en blanc).

Item, Jehan Bunel, commis à la recette générale des finances de monseigneur d'Alençon, doit par sa lettre d’assignacion sur les fermiers de l’impost de X deniers pour livre de la séneschaucié de Beaucaire, pour prest fait par mondict Seigneur à monseigneur d'Alençon, M livres tournois.

Rennedey, escoucoys, et Pierre Chenore doivent par ung blanc signé et scellé d’eux pour prest.

Le bastart d’Apchon et Pierre Chenore doivent par ung blanc signé et scellé d’eux pour prest, V° moutons d’or.

Messire Jehan Le Bourcier doit IIII< XXITII royaulx pour la reste du fait et composicion de l’isle de Ré qu'il fist japiéça, dont d’icelle somme Monseigneur a assigné à Jupilles II° royaux, et convient sur le surplus paier à Barillet VIII VIIT royaulx, et au trésorier de Bourbonnais L royaulx, pour ce que leur assignacion a esté rompue à Bourges sur Jehan Le Roy, duquel Monseigneur a prins l'argent et pour ce cy, néant.

Maistre Dreue Bude doit par obligacion signée de sa main et par le transport fait du bailli de Lyon, C royaux.

La ville de Rochelle doit d'ung aide par une assignacion faicte à Monseigneur par Jehan Richir, receveur d'icellui aide, IX° XXVIII frans.

Les fateurs de Chambellan de Bourges et maistre Robert Malière par obligacion doivent, II: royaux.

Messire Lourdin de Saligny doit par lettre obligatoire, III" escuz. Et sans lettre à cause

. de prest.

La ville de La Rochelle et Colin Langloiz pour eulx doit pour les lettres du saufconduit des Angloys, V° royaulx.

Jehan Dolon doit par obligacion, passée à Yssouldun, V° escuz de Thoulose.

Item, l’argent que Trumel doit.