CHAPITRE I
COMPUTI PARTICULARES IN ROTULO DYNY RAP- PONDE TANGENTES DOMINUM DE TREMOILLYA, PO- NUNTUR CUM PROCURATIONE SUA COMMUNI CAMERE COMPUTORUM DOMINI DE LEBRETO, PARISIUS.
DYNE RAPPONDE.
os DE DYNE ET JAQUES RAPONDE, marchans et bourgois de Paris, procureurs et aians puissance de recevoir toutes debtes deues à noble et puissant seigneur, monseigneur de La Trémoille, de Suly et de Craon, tant de la revenue de ses terres, comme de toutes autres choses extraordinaires, que icellui Seigneur a acoustumé prendre du roy, de monseigneur de Bourgogne et de autres seigneurs et dames, de pensions, dons et autres choses, si comme par lettres de procuration, passées par ledit Seigneur, soubz le seel de Chastellet de Paris, le xxix° jour de mars l'an M ccc uit xv, pourra apparoir, desqueles lettres la teneur s’ensuit : |
A TOUS ceulx qui ces lettres verront, Jehan, seigneur de Foleville, chevalier, conseillier du Roy, nostre sire, et garde de la prevosté de Paris, salut. Savoir faisons que, par devant Richart de Wailly et Jehan Maugier, clers notaires jurez du Roy nostre sire ou Chastellet de Paris, fu personnelment estably noble et puissant seigneur monseigneur Guy, seigneur de La Trémoille, de Suly et de Craon, lequel, pour lui, tant en son propre et privé nom, comme ès noms et lui faisant fort en ceste partie de noble et puissante dame, madame de Suly, sa compaigne et espouse, de messire Jehan et messire Henry diz de Chalon, chevaliers, frères, et en chascun des
diz noms, pour le tout, conjointtement et diviseement, fist, ordonna, constitua et estably ses procureurs généraux et certains messaiges espéciaulx, Dyne Raponde et Jaques Raponde, frères, marchans et bourgois de Paris, ausquelx et à chascun pour le tout portans ces lettres, ledit constituant a donné et donne plain povoir, auttorité et mandement espécial de requérir, demander, pourchacier et recevoir pour ledit constituant, esdiz noms et en chascun pour le tout, conjointtement et diviseement, toutes les sommes de deniers qui leur sont et pourront estre deues pour le temps passé, présent et advenir, des receveurs des receptes ordinaires de ses terres et possessions assises en France, en Berry, Bourbonnois, Lymosin, Poitou, Orlenoiz, Bourgogne, Savoye; de ses pensions à vie et voulonté qu’il a acoustumé avoir du Roy, de monseigneur de Bourgongne et de touz autres seigneurs et dames, quelz qu'ilz soient ; de ce qu’il a acoustumé d’avoir et prendre du Roy, par chascun an, par la main du trésorier des guerres pour la garde de ses forteresses; de ce qu'il a acoustumé prendre de Luxeul; de ce qui estoit deu d’arrérages par cédules à feu madame la contesse d'Estampes, de laquelle ledit constituant est héritier; de ce qui est et sera deu esdiz noms de sa dite femme et desdiz de Chalon de certaine composition faicte avecques le Roy ou ses gens et de monseigneur de Bourbonnois pour le fait de Chastel-Chinon et des autres terres, dont débat estoit en Parlement, et généralment de requérir et recevoir tout ce qui est et sera, peut et pourra estre deu audit monseigneur de La Trémoille, pour quelque cause que ce soit ; de donner bonne quittance, une ou plusieurs, les meilleurs que faire se pourra, soubz tel seel ou seaulx et forme de parolles qu'il plaira à ses diz procureurs ou à l’un d’eulx, de ce que receu auront pour ledit constituant, esdiz noms; de promettre non venir contre lesdites quittances, et
pour ce obligier touz les biens dudit constituant, meubles et héritaiges, présens et à venir, et de ses hoirs, et faire tout ce que au cas appartendra ; et généralment faire et dire, autant en ce que dit est, et ès dépendences, comme le dit constituant feroit, se présent en personne y estoit. Promettant ledit constituant, en bonne foy et soubz l'obligation de touz ses biens et des biens de ses hoirs, meubles et héritaiges, présens et à venir, tenir ferme et avoir agréable à tousjours, sans rappel, tout ce que, par les diz procureurs ou l’un d’eulx pour le tout, sera fait, procuré, receu et quitté en ce et ès despendences, et paier l’adjugie, se mestier est.— En tesmoing de ce, nous, ä la relation desdiz notaires, avons mis le seel de ladite prévosté de Paris à ces lettres qui furent faites le mercredi xxixe jour de mars, l’an de grace M ccc nr* xv avant Pasques.
Ainsi signées : Jehan Maugier, Richart de Wailly.
Guy, sire de La Trémoille, de Suly et de Craon, à nostre cher et bien amé Dine Raponde, salut.
Comme nous vous aions ordonné et commis à recevoir, pour nous et en nostre nom, certaines finances, lesquelles par nostre ordonnance ne devez pas despensser, se sur ce n’avez lettres de mandement de nous; et il soit ainsi que pour ce que nous entendons aler dehors au plaisir de Dieu, et ne porrions pourveoir à noz besongnes qui entre deux porroient survenir, qui nous porroient tourner à préjudice et dommage, nous vous mandons que toutes les choses que nostre bien amé clerc, Adenin Geolier, vous dira et ordonnera de bailler pour noz affaires et besongne, vous paiez, baillez et delivrez sans aucun deffaut; et par rapportant ces presentes avecques quittance de ceulx à qui vous aurez paié les deniers
