CHAPITRE I

EXTRAITS DES COMPTES

1473, 20 août. Sully. — Louis de La Trémoille mande à son procureur de La Trémoille de lui acheter une haquenée.

« À mon cher et bien amé Guillaume Bardin (procureur) de La Trémoille.

« Procureur de La Trémoille, l’on m’a rapporté que monsieur de la Maison-Dieu de Montmorillon a une hacquenée qui seroit bien cheval pour moy. Je en suis en grant néccessité et n’en puis finer ne pour or ne pour argent. Allez incontinent devers luy, vous et mon receveur, et luy portez les lettres que je [uy escrips, lesquelles je vous envoie toutes ouvertes, affin que les voiez. Je luy escrips qu’il vous monstre la dicte hacquenée. Voiez-la, vous et mon dit receveur et Pignagnet, mon palfernier, lequel je envoie par delà pour ceste cause. Icelle veue, s’il vous semble que ce soit cheval pour moy, faictes tant avecques mondit sieur de la Maison-Dieu qu'il la me envoie par ung de ses gens et qu'il me mande combien elle me costera, et je luy envoieray son argent. Dictes bien audit sieur de la Maison-Dieu que je luy prie qu’il me face ce plaisir que j’aye la dite hacquenée pour mon argent, se vous voiez que ce soit cheval pour moy, et que une autre foys,

se j'ay aucune chose en quoy il preigne plaisir, il en finera comme du sien.

« Notre Seigneur soit garde de vous.

« Escript à Sully, le XX° jour d’aoust (1473). »

«a Loys DE LA TRÉMOILLE. »

1473,4 septembre. Sully. — Lettre de Louis de La Trémoille sur le même sujet.

« À mon très cher et bien-amé Guillaume Bardin, procureur de La Trémoille. »

« Procureur de La Trémoille, j’ay reçeu voz lettres avecques la hacquenée du maistre de la Maison-Dieu de Montmorilhon, pour laquelle lui estes respondant de la somme de cinquante escuz d'or à laquelle l’avez achaptée, qui est bien cher‘. Vous ne la deviés pas ainsi achapter sans savoir se c’estoit cheval pour moy, et deviés bien congnoistre que non, car elle se taille devant et derrière, et si est petite beste. Toutesvoyes en ce qui est fait n’a point de remède. Je suis seur que avez cuidé bien faire. Je vous envoye ung mandant de la dite somme pour la recouvrer de mon receveur de La Trémoille..…

« Notre Seigneur vous ait en sa garde.

«a Escript à Sully le r1111° jour de septembre (1473). »

« LOYSs DE LA TRÉMOILLE. »

Chartrier de Thouars. Orig. pap.