s. 10 den. ob
EXTRAITS DES COMPTFS 7
« Item, pour quatre aulnes de taffetas blanc, à L s. l’aulne, vallent............. 101. «a Item, pour cincq pièces de bougran, à XXVII s. VI-d., vallent........,...... 61. 17s. 6d.
« Somme toute pour les parties dessus QILÈS sceau étecsemecutus 0091185. IACn. Ob:
«a Nous, Pierre de Salleignac, escuier, s' de Saint-Martin, et Estienne Chenu, s' du Croiset, certiffions avoir prins la marchandise cy-dessus déclairée de madame la trésorière, Marie Petite, qui se montent... la somme de 563 livres, 18 sous 1 denier ob. laquelle somme nous luy promectons faire alouer et payer à mons' de Craon, ainsi qu'il est contenu par une cédulle adroissante à mons' le trésorier, laquelle mondit Seigneur luy a escripte, icelle receue par madame la trésorière, pour l’obsèque de feu monseigneur de La Trémoille. En tesmoing de ce nous avons signé ces présentes de noz mains, à Bommiers, le XV° jour de février, l’an mil IIII° quatre-vings et deux.
« P. DE SALLEIGNAC. — CHENU.
« Item, confessons avoir eu et receu sur le nombre de soixante sept mars, de quatre onces et demye, de vaisselle d'argent, la somme de six cens soixante-dix livres, en trois cens cinquantequatre escuz au solail, au pris de trente-cinq solz la pièce et en trois réaulx au pris de quarente solz la pièce, et le surplus en
monnoie, de Marie Petite, femme de mons' le trésorier, Jehan Lalement... Le XV° jour de février l'an 1482.
« P. DE SALLEIGNAC. — CHENU.
« Item, pour faire la lictre de l’esglise de Sully, quarente troys aulnes demy tiers et demy quart, comme il appert par les parties appreciées à deux cens soixante dix-sept livres ung solz dix deniers, en ce compris treze pièces de bougran pour faire la litre de la nef, à vingt-sept solz six deniers la pièce, que ladite Marie Petite a baïllées, et pour ce.....,.,........ 277 LV. 15s.10d.
« Fait le XXI° jour du moys de février l'an mil CCCC quatre-vings et deux.
« Item, luy est deu d’autres parties prinses par mons' le prothonotaire la somme de deux cens livres, dont ladite Marie a la cé-
QUIS ÉEPOUr CE sise de sentence 200 liv.
« Somme de toute la dépense......,..... 1.041 Liv. »
Chartrier de Thouars. Orig. pap.
1445, $ avril. Thouars. — Refus par Marguerite d’ Amboise d'épouser le fils aîné du'seigneur de Chaumont.
«a À touz ceulx qui ces présantes lettres voiront.
« Par davent nous Loys Fumée, licencié en lays, juge ordinaire de la chastellenie de Thouars pour l’exersise de la juridiction dudit lieu pour très doubté et puissant seigneur monse Loys, seigneur d’'Amboize, viconte dudit lieu de Thouars, et aussi ès présances de nous nottaires si desoubz nommés, aujourduy, cincquesme jour d’avril l’an mil cccc quarante et cincq, sont venuz ou chasteau de Thouars, en la grant salle dudit lieu, les gens de noble et puissant seigneur le sire de Chaumont, et mesmement ung sien procureur, par devers la personne monser le viconte, qu’ilz ont trouvé en sa personne en ladicte salle, auquel ilz ont présanté unes lettres réaulx qui fasoient mencion, entre autres chouses, de sommer et requérir mondit seigneur le viconte de acomplir et faire acomplir à noble et puissante damoizelle Marguerite d’Amboise, sa fille, le mariage promis estre fait et acompli du filz aysné dudit de Chaumont et de ladicte damoizelle, ainsi et par la forme et manière que portoient les lettres faictes et passées, sur le fait dudit mariage, entre monser de
Thouars et ledit seigneur de Chaumont ; et que mondit seigneur de Thouars
volist tenir et acomplir sa promese et convenance pour la forme et manière contenues èsdictes lettres obligatoires.
« Lequel mondit seigneur le viconte fist responce ausdictes gens et procureur dudit sire de Chaumont que èsdictes lettres de mariage estoient contenuz pluseurs poins que ledit de Chaumont n’avoit tenu ne accompli, et mesmement que ledit sire de Chaumont, qui pour lors estoit on service du Roy et soy disoit avoir grant [et] seur accès avecques 1y, luy avoit promis qu’il feroit tant envers le Roy et pourchaseroit à son povoir qu’il lui feroit restituer le chasteau et seigneurie d'Amboize et y feroit toutes diligances qui à luy seroïent posibles ; et aussi luy feroit randre le chasteau terre et seigneurie de Thallemont et feroit tant que le Roy, qui tenoit et occupoit lesdictes seigneuries, les randroit et restitueroit à mons£r le viconte, et pluseurs aultres promesses contenuez en certaines lettres sur ce acordées entre eulx. De quoy leditsire de Chaumont n'avoit riens fait ne porchasé envers le Roy que il eust lesdictes seigneuries, qu’il eust bien peu faire s'il eust volu ; et avoit convenu à mondit seigneur le viconte de délivrer ladicte seigneurie de Thallemont à ses deniers, ançoys a ledit de Chaumont tenu la main contraire à mondit seigneur afin que il n'eust lesdictes seigneuries ; més que néantmoins il estoit contant de faire acomplir à sadicte fille ledit mariag?, par la manière qu’il avoit promis et convenancé èsdictes lettres, si elle le vouloit faire et acomplir, et de luy en faire faire tout ce qu’il pourroit et à ly possible seroit.
a Et incontinant, sans parler à ladicte damoizelle sa fille, l’envoyaquérir pour venir illec davant eulx pour en savoir sa volunté. Et icelle venue, nous ledit Fumée, juge susdit, parlis à ladicte Marguerite et luy dis que les gens et procureur dudit sire de Chaumont, illecq présens, estoient venuz par devers mondit seigneur le viconte, son père, pour le sommer et requerre de acomplir le mariage du filz aysné dudit de Chaumont et de ladicte Marguerite, et qu'il estoit tenu de faire faire et acomplir à ladicte Marguerite, venue à eage, aux paines et par la manière contenu ès lettres sur ce faictes ; et qu’elle en volist dire et déclérer sa volunté. Lequel mondit seigneur le viconte, avant que ladicte Marguerite fist responce, dist : « Ma fille, je ay promis et convenancé « de vous faire acomplir ledit mariage. Je veuz et vous commande que vous « le facez et que vous prangés espoux ledit fils aysné dudit de Chaumont, quar
« il est bel enfant et de bonne maison et est bien séant le mariage de vous et « de luy ; car ainsi l’ay promis, et je vœulx que vous teignés et acomplisez ma « promese et ce que je ay promis faire par lesdictes lettres. »
« Laquelle Marguerite, de soy mesmes, fist responce, elle estant à genoux :
« Mons& mon père, je voudroye faire et acomplir ce que il vous plairoit me « commander, et sçay bien que ledit fils dudit seigneur de Chaumont est de « bonne maison; més au regart du mariage de luy et de moy je ne le veulx « acomplir ne consentir, quelque promese que vous ayés fait, et ne seray point « marié avecques luy. Et veu la maison dont je suis, 0 l’aide de mes seigneurs « parens et amis, je pouray mieulx estre avensé et marié en plus haulte lignée « et plus profitablement que ou ledit filz dudit de Chomont, et aussi que nous « sommes prouches parens. Et vous desclaire ma volunté telle, quar je seroye « jamés à marier avant quar 1 je le feuse avecques luy. »
« De la quelle responce mondit seigneur le viconte dist n'estre pas content; més ce non obstant ladicte damoiselle persévéroit en son opinion, en disant que jamés ne y consentiroit pour les causes que dessus, et aussy que de sa personne y ne ly estoit pas agréable.
«a De quelles responces, somasion et requestes mondit seigneur le viconte, à nous juge ordinaire dessusdit et à nousdiz nottaires, nous en demanda acte et . certificacion, pour luy valoir et servir ce que estre devra par raison, ce que luy octréames. En tesmoign de ce, nous juge et nottaires si desoubz nommés, en avons signé ces présentes de nous seigns manuelx et sellé de nous, juge susdit, de nostre séel ; et a plus grant confirmacion, fait seller des selx establiz aux contractz audit lieu de Thouars. »
Chartrier de Thouars.
If
1446, 22 août. — Contrat de mariage de Louis I de La Trémoille, fils de Georges de La Trémoille, avec Marguerite d’Amboise, fille de Louis
