Sic pour Vierson
coins, et aux officiers desditz greniers, que désormais à nosditz cousin et cousine ilz obéissent comme à leurs vrays seigneurs naturelz et directz, et leur paient, ou à leurs officiers, les droiz seigneuriaulx, droiz, prouffitz et esmolumens desditz greniers, comme ilz faisoient à noz officiers par avant ledit traicté et contract.
« Et par rapportant ces présentes, ou Vidimus d’icelles fait soubz séel auctentique, voulons les officiers desditz greniers estre et demourer deschargez envers nous, tant en nostre chambre des comptes à Paris que ailleurs partout où il appertiendra ; en contreignant à ce faire et souffrir réaument et de fait tout ce que dit est tous ceulx qui pour ce seront à contraindre, c’est assavoir les [gens] d'église par caption de leur temporel et les laiz par prinse de leurs corps et biens, et par toutes autres voyes et manières deues et raisonnables; car ainsi nous plaist-il estre fait, non obstant comme dessus et quelzconques lectres sureptices impétrées ou à impétrer à ce contraires. Mandons et commandons à tous noz justiciers, officiers et subgectz que à toy, en ce faisant, obéissent et entendent diligemment, et te prestent et baillent conseil, confort, aide et prisons, se mestier est, et par toy requis en sont.
«a Donné aux Montilz, le troiziesme jour de jenvier l’an de grace mil cecc soixante dix, et de nostre règne le dixiesme.
« Par le Roy, le sire du Lude et autres présens. »
Chartrier de Thouars. Original en parchemin.
1473, 5 août. Sully. — Lettre concernant l'impôt que Guy de La Trémoille veut lever pour marier sa fille aînée.
« À mes chiers et bien amez les procureur et receveur de La Trémoille. « Procureur et receveur de La Trémoille, je me recommande à vous. Le
mariaige de ma fille aisnée et du fils de mons' de Tonnerre est accordé, et la journée des nopces et espousailles entreprise. J’ay trouvé, par conseil, que, de droit, pour cause dudit mariaige, je puis et doy demander à tous mes hommes et subgiz de mes terres et seignouries ung aide, et icelluy lever sus eulx pour me aider à supporter les fraiz et mises qu’il me convendra faire pour ledit mariaige. J’ay fait demander ledit aide aux subgiez de ma ville et baronnie de Sully et de mes villes et seignouries de Vierson et de Selles et de Bomiers, lesquelz le me ont libérallement octroié et en bonne et raisonnable somme pour chascun d’eulx.Je vueil ledit aide estre demandé à mes hommes et subgiez de mes terres et seignouries de La Trémoille, Chastel-Guillaume, Lussac, Voussoys et Sainct-Cyverain.
« J’escrips au baïlly de La Trémoille que, pour celle cause, il aille sur les lieux et qu’il assamble les subgiez de chascune seignourie, et qu’il leur expose le cas du mariaige de madicte fille et le droit que j’ay de leur demander ledit aide. Acompaignez ledit bailly, et tenez la main envers lesdiz subgiez qu’ils me octroient ledit aide en la plus grant somme qu'ilz pourront, et y faictes ce que bons officiers et serviteurs doivent faire pour leur maistre. Et vous, receveur, faictes la despence dudit baïlly et d’entre vous qui le acompaignerez en poursuivant l’octroy dudit aide, et vous en aurez vostre acquict tel qu’il vous sera néccessaire. Nostre Seigneur soit garde de vous.
« Escript à Sully, le cinquième jour d’aoust.
« Loys DE LA TRÉMOILLE. »
Chartrier de Thouars. Original signé.
1473, 18 septembre. Tours. — Pierre Anquetil, écuyer, maître d'hôtel de Louis de La Trémoille, et messire Louis Potin, prêtre, « chantre de l’église
« collégial de Saint-Ythier de Suly », procureurs de Louis I de La Trémoille et de Louis II, son fils, reconnaissent avoir reçu de maître Jean Le Clerc, procureur de « noble et puissant seigneur, monseigneur Jehan de Derval, de « Combour, de Châteaugiron et de Rogé », la somme de 5000 écus d’or due aux dits La Trémoille « pour raïson des chastel, chastelenie, terre et sei- « gneurie de Fougère..., séans au duchié de Bretaigne, baïllez...» à « tiltre « d’eschange, par mon dit seigneur de La Trémoille et par son dit filz... à mondit seigneur de Derval.. pour et à l'encontre des chastel, chastelenie, « terre et seigneurie de Saint-Mars-La-Pille, séant au pais de Touraine et de
« certaines autres terres sises au dit pays ‘, » par contrat passé à Orléans,
le rer septembre 1473.
Chartrier de Thouars. Pièce parch.
Œ—— me ee eee
15 novembre. Sully. — Lettre de Louis de La Trémoille au sujet de la donation par Louis XI à Philippe de Commynes des terres et seigneuries de Berrye et de Thalemond.
« À mes très chiers et espéciaulx amis maistres Jacques de Thou, advoucat du roy en la court des généraulx, et Jehan de La Mote, procureur en la court de Parlement à Paris.
« Très chiers et espéciaulx amis, je me recommande à vous tant que je puis... Aucun de mes amys m'ont fait savoir que, puisnaguères, le roy a
1. On lit dans une autre pièce qui a trait au même sujet : « Les terres et seigneuries de Saint- « Mars-La-Pille, La Quarte Persillière, La Voulte, Lislergier, le fief de Verron et de Cande « avecques les Creneaulx et autres terres ». Chartrier de Thouars. Pièce parch.
ete ee + is S — - :
donné à ung sien mignon, duquel je ne scay le nom (Commynes), la terre et seigneurie de Berye, menbre de la vicomté de Thouars, et la terre et seigneurie de Thalemond, qui est du mariage de feu ma femme, dont Dieu ait l’âme. Je vous prie que aiez le soing de vous donner garde quant on vouldra faire enterinez les lettres dudit don en la court de Parlement et ès chambres des comptes des généraulx et ailleurs où il est de costume de les faire enterinez, et que, à l’expédicion et enterinacion des dites lettres, vous vueillez opposez pour moy et en ce pour la conservacion de mon droit faire tout ce que vous savez mieulx qu’il est de faire en la matière. Et par ce dit porteur m'escripvez de tout bien au long, avecques se chose voullez que je puisse et je le feray de bon cueur, Dieu aidant, qui, très chiers et espéciaulx amis, vous doint voz désirs.
« Escript à Sulli, le XVe jour de novembre.
« Le votre. — Loys DE La TRÉMOILLE. »
Chartrier de Thouars. Orig. pap.
1476, 17 octobre.— « Inventoire de certaines lectres trouvées au chas- « teau de Thouars en ung des coffres d'icellui chasteau, commancé « à faire ledit inventoire le XVII* jour d'octobre mil IIII° « LXX VI.
«a Et premièrement,
« Une lettre passée en la court de Nantes et seellées du seel du duc Jehan de Bretaigne, de François, son filz aisné, conte de Monfort, de Artur, connestable, de Richart, comte d’Estampes, et du seel aux contractz de Nantes,
0 wo
aussi signées desdits seigneurs et de deux notaires, datées du XXI: jour de juillet mil ITIIc XXXI, contenant, comme comparant devant lesdits notaires lesdits duc Jehan, conte de Monfort, Artur, connestable de France, Richart, comte d’Estampes, d’une part, et dame Marie de Rieux, vicontesse de Thouars, femme lors messire Loys d’Amboise, viconte de Thouars, d’autre, traictèrent le mariage de feu mons* Pierre de Bretaigne, et de Françoise d’Amboise, fille desdits viconte de Thouars et Marie de Rieux, et par lequel ladite dame Marie de Rieux donne à sadite fille et audit monsrPierre [1II® livres de rente, et pour icelle rente luy baïlle la comté de Benon, l’isle et terre de Ré et la seigneurie de Montrichart, avecques certaines modifficacions et condicions déclarées esdictes lettres, et entre autres que lesdits princes pourchasseront la délivrance dudit viconte de Thouars, son mari, lors prisonnier.
« Îtem, unes lettres de procuracion dudit Loys, ;viconte de Thouars, datées du XVe jour d'octobre mil IIIIc XXXVI, signées de A. Chambret et J. Chambret, notaires, et signées du seel dudit vicomte, par laquelle ledit Loys, vicomte de Thouars, constitue ses procureurs, messire Geoffroy de Tresmeseret, Hucguet de Billy, Jehan Savary et maistre Jehan Labbé, espécialement pour adcomplir le mariage pourparlé, traicté et conclud de monsr Pierre de Bretaigne et de Françoise d'Amboise, sa fille... et veult qu’il se tieigne et acomplisse.
« Item, unes lettres dudit duc Jehan, datées du XVe de septembre mil IfIIc XXXVI, signées par le duc et scellées de son seel, par lesquelles il promet ausdits vicomte et vicomtesse faire et adcomplir le mariaige dudit Pierre, son filz dedans la feste de Noel, lors enssuivant, ou leur rendre leur fille qu'il avoit.
« Îtem, une autre procuracion dudict vicomte, scellées de son seel et signée Le Bourcier, notaire, datée du 11° jour d’aougst mil 111. XXXVII, par laquelle il constitue ses procureurs messires Geoffray de Tresmesnet, Hardi Savary, chevaliers, Jehan Savary et maistre Jehan Labbé, et chacun d’eulx, pour traicter le mariage de ladicte Françoise d’'Amboise, sa fille, avec ledit monsr Pierre, second filz dudit duc Jehan, en prenant ladicte Françoise o tous ses droiz de succession et qui à icelle Françoise pourroient compecter et appartenir en la succession dudict vicomte, son père, et après sa mort, et
aussi o telle condicion que s’il avoit masles que ledit Pierre se contenteroit des terres et seigneuries de Benon et de l'Isle de Ré pour tous ses droiz.
« Item, le vidimus d’une lettre, signée Jehanny, donnée à Tallemond, le pénultième jour de septembre mil mie xuur, daté icellui vidimus du xv° jour de décembre oudit an mil une xLtN, contenant comme ledit Loys, viconte de Thouars, confesse qu’il avoit promis baïiller audit monsr Pierre en mariage de sadite fille Marie (sic) faisant, la terre et seigneurie de Benon et de l'en faire joir paisiblement, ce qu’il a fait. Mais depuis, au moien de certain procès pendant en la court de Parlement entre icellui vicomte et le sr de Jonvelle, a esté mise icelle comté de Benon en la main du roy, parquoy n'en a peu joir ledit monsr Pierre ne sa femme; ledit vicomte de Thouars, jucques à ce qu’il a fait joir lesdits mons' Pierre et Françoise, sa femme, d’icelle comté, luy baïlla en recompense cent cinquante livres de rente sur aucunes de ses terres et promect dedans deux ans faire oster le dit empeschement mis sur la dite vicomté de Benon et en faire joir lesdits messire Pierre et sa femme, ainsi que promis leur avoit par le traicté de mariage.
« Îtem, certaines lettres royaulx, datées du VIe jour d'avril mil [IIIe XXXIIII, contenant comme le roy Charles donna à feu monsr de Thouars tout tel droit que la dame de Jonvelle, sa seur, povait avoir pour son droit de succession ès biens demourés du décès de ses père et mère et tous ses autres parens, appartenant icellui droit de succession au roy par confiscacion parce que ladite dame de Jonvelle estoit demourant et adhérant avecques les ennemys du roy,et ce non obstant certaines lettres qui luy avoit baïllées par avant, vérifhées les dites lettres par les généraulx.
« Item, unes lettres pattentes du roy Charles, dont Dieu ait l’âme, signée J. Le Picquart, données à Tours, le V° d'avril mil I11I° XXXIIII, par lesquelles narracion faicte comme le vicomte de Thouars eust confisqué tous ses biens, comme apparoit par arrest donné à Poictiers au moys de may mil I1IIe XXXI, et que au moys de septembre XXXII enssuivant le roy eust restitué ledit vicomte en toutes’ses terres et seigneuries, excepté des terres et seigneuries d’Anboise et de Thallemond et voulut qu'il en joist, néantmoins pluseurs ont prins des fruiz, prouffñiz et revenues des dites terres ainsi à luy
ee
remises ct restituées, le roy mande à ceulx qui ont prins lesdits fruiz à les luy rendre et restituer et qu’ilz soient contrains ad ce.
« Item, une autre lettre donnée à Saumur, le derrenier jour de septembre mil IIIe LXII... par laquelle narracion faicte comme le vicomte de Thouars eust vendu au roy ladicte vicomté de Thouars, et les terres de Mauléon et et Berrye, pour le pris et somme de cent mil escuz, icellui vicomte cons fesse... avoir receu content la somme de dix mil escuz d’un cousté et quatre mille livres d’autre, et le surplus de ladite somme de x mil escus donné, quicté et délaissé au roy, pour les causes contenues en icelles lectres.
« Item, une coppie ou vidimus d’une lettre. faisant mention, sur certain procès meu en la court de Parlement, feu très noble et puissant seigneur monsr Jehan de La Trémoille, seigneur de Jonvelle, et dame Jacqueline d'Amboise, sa femme, demandeurs, à cause d’elle, contre messire Loys d'Amboise, vicomte de Thouars, à l’occasion du droit partie et porcion que la dite dame pretendoit ès biens immeubles et heritaiges demourez des successions de messrs Ingerger et Pierre d'Amboise, père et oncle de la dite dame et dudit vicomte, eussent par le dit accord, en la manière contenue en ung registre passé par Jehan Moulinet et Jehan Logier, notaires de Sully, le VIIe jour de février l'an mil IIII: LXVIII, l’effect duquel registre contient que le dit messire Loys d’Amboise, vicomte sus dit, pour tant tel droit. qui porroit compecter à la dite dame ès dites successions, baïlleroit et asseroit à la dite dame, la somme de mil livres tournois de rente en l’isle de Ré, qu’elle tiendroit en paraige du dit messire Loys, son frère, soubz l'hommage qu’il faisoit au roy à cause de la dite ysle de Ré, et porroit la dite dame mectre procureur et receveur ; et pour ce que les dites mil livres de rente n’estoit souffisant partaige pour le droit prétendu par la dite dame ès dites successions, le dit vicomte promis baïller et paier à la dite dame la somme de neuf mil neuf cens escuz d’or ayant cours, dedans la my caresme lors enssuivant, en la ville de Sully, et en baillant la dite somme seroit passé lectre du dit pourparlé.. Et depuis, le lundi, dernier jour de mars emprès Judica, l’an mil IIIe LXVIII, entre (les procureurs de Louis d’Amboise) et la dite dame Jacqueline d’'Amboise, en sa personne, recongnurent el confessèrent avoir fait une autre » accord, par lequel le procureur de Louis
d'Amboise promet « de bailler ladite assiecte des dits mil livres de rente audit ysle de Ré, et ladite dame (confesse) avoir eu et receu... ladite somme de neuf mil neuf cens escuz par les mains de messire Guillaume de Harecourt, chevalier, seigneur de Tancarville... »
« Îtem, unc lectre non seellée et passée soubz les cours de Thouars, de Mauléon et de l'official de Poictiers,.… le premier jour d'octobre l’an mil ITIIe LI, contenant que dame Jacqueline d’'Amboise, vefve de feu messire Jehan de La Trémoille, seigneur de Jonvelle, vendi à messire Loys d'Amboise, viconte de Thouars, son frère, mil livres de rente qu'elle avoit acoustumé avoir... en la terre et seigneurie de Ré... pour le prix et somme de dix mil escuz d'or, dont fut payée content quatre mil, et les VI mil restant les promist paier ledit viconte dedans la feste de Noel enssuivant.. »
« Lesquelles lectres dessus inventoriées ont, par ordonnance du roy, notre sire, esté baillées à monsr messire Philippes de Commynes, chevalier, seigneur d’Argenton, par mons" messire Jacques de Beaumont, chevalier, seigneur de Bressuire, et receues par moy Regnault du Noier, procureur du roy, notre dit seigneur, en Poitou, pour et ou nom de mondit seigneur d’Argenton, qui m'a commis à icelles recevoir de par luy, en la présence de mons' maistre Jehan Chambon, conseiller et maistre des requestes de l’ostel du roy, notre sire, et lieutenant de par lui en Poictou (et autres), le XXVIIIe jour d'octobre l'an mil ITIIe LXXVI... »
Chartrier de Thouars. Pièce papier.
