III

1507, 24 juillet. Selles. — Lettre de Jean de La Trémoille, recommandant à Louis II, son frère aîné, les habitants de Selles en Berry.

« À monseigneur mon frère, monssr de La Trimoille.

« Mons&r, je me recommande humblement à vostre bonne grâce tant comme je puis. Je suis passé par Thouars, vous y cuidant trouvez, et delà m'en allé à Doué où je fu huit jours actendant vostre venue. Et quant: je vy que ne venyés point, m'en passé par Thouars et m'en vins icy, pour despescher aucunes besoignes ; et m'en yray incontinant à Paris pour faire expédier aucuns procès, si je puis, et aussi m’en enquérir de voz procès, et moy retourné m'en iray incontinant devers vous et vous en diray.

« Les habitans de ceste ville envoyent par devers vous les pourteurs de ces présentes, pour les empruns detroys cens cinquante livres qu’on leur demande. Îls sont pouvres, et ont eu ceste année beaucoup à besoigner pour deux tailles qu’ilz ont paiées. Je vous prie, Monssr, que leur veuillez aider en ce que vous pourrez ; et vous ferez bien et aulmonne, et les pouvres habitans seront tenuz à prier Dieu pour vous.

« Monser, je vous fusse allé veoir quant passé par Bleré, més on me dist que

incontinent que fustes à Tours vous partistes pour vous en aller à Thouars, qui fut ce qui me garda de y aller. Monser, commandez moy vos bons playsirs et je les acompliray, ou l’aide Nostre Seigneur, auquel je prie qui vous doint bonne vie et longue.

« Escript à Selles, le xxurie jour de juillet.

« Vostre humble frère,