Ÿ. LOUVRIER

« Monsf" de Bomiers ne devra rien à mons’ le principal des grammairiens jusque le xxv*° jour d’aoust prochain venant mil cinq [cens] et quinze, pour la pension et escolaige de Jaques de La Trimoille, son filz. Item, aussi est quicte des mises de la chambre jusque à ce dit jour.

« Faict et signé de moy Odo Boillot soubscrit, le dix septiesme jour de avril mil cinq cens et quinze, après Pasques.

« O. BoizcoT. »

Chartrier de Thouars. Originaux.

1511, 3 septembre. Chinon. — Contrat de mariage entre « noble et puissant Jacques de La Trimoille, seigneur de Bosmyers, Conflans, Jançay, Verax et Chasteauregnart, conseiller et chambellan du roy », et « damoiselle Avoye de Chabannes, contesse de Dampmartin, baronnesse de Champignelles, dame de Courtenay et Sainct-Morize », du consentement « de haulte et puissante dame, madame Jehanne de France, contesse de Roussillon, dame de Valongnes, d’Usson, baronnesse de Mirebeau », sa grand’mère.

Chartrier de Thouars. Copie du XVIe siècle, papier.

IT

1511, 2 octobre. « Au lieu de Chaulmes-lez-Buzancoys ». — « Hault et puissant seigneur messire Jacques de La Trémoille, conte de Dampmartin, baron de Champignelles, seigneur de Bommyers », somme, requiert et demande « à Gabriel et René de Prye, seigneurs, barons dudict lieu de Buzan-

coys, enffans myneurs d’ans de feu haut et puissant seigneur messire Emond de Prie, en son vivant, chevalier, seigneur baron dudict lieu... en la présence de dame Jehanne de Sallezart, leur ayeulle, et de noble et scientifficque personne maistre Prian de Prie, prothonotaire de notre sainct père le pape, leur oncle, qu'ilz et chacun d’eulx luy voulsissent délivrer et faire délivrer le chastel, lieu et place de Persigny et revenu d’icelluy, assoïr et faire assiete du dohaire de dame Avoye de Chabanes, vefve dudict feu messire Emond de Prie, et à présent femme dudict de La Trémoille, de prochain en prochain et parfaire ledit dohaïire jusques à la somme de douze cens livres tournois, selon le contrat du mariage desdits feu messire Emond et dame Avoye de Chabannes, jadis sa femme... »

Chartrier de Thouars. Orig. parch.

1S11(v.s.) 22 février. Blois. — Don par Louis XII à Jacques de

La Trémoille, seigneur de Bommiers, des lods et ventes de fiefs échus à sa femme.

« Loys, par la grâce de Dieu roy de France, à nos amez et féaulx gens de noz comptes et trésorier à Paris, salut et dilection.

« Savoir vous faisons que, pour considéracion des bons, vertueux, agréables et très recommandables services que nostre cher et amé cousin Jaques de La Trimoille, s' de Mauléon, nous a faiz par cy devant, deçà et delà les monts, ou fait de noz guerres et conquestes, tant du temps que nous y avons esté que nous estans par deça, à l’entour de nostre personne et autrement, et espérons que plus face, et affin de luy ayder à supporter les fraiz et despences qu’il a

faiz pour nostre service, à iceluy nostre cousin, pour ces causes et autres à ce nous mouvans, avons donné, octroyé et quicté, donnons, octroyons et quictons de grâce spécial, par ces présentes, touz et chascuns les lotz et ventes et autres droiz et devoirs seigneuriaulx qui nous sont et pevent estre deubz, advenuz et escheuz par nostre chère et amée cousine Avoye de Chabannes, sa femme, pour raison du conté de Dampmartin, tenu et mouvant de nous à cause de nostre chastellet de Paris, de la terre et baronnie de Champignelles, tenue de nous à cause de nostre grosse tour de Villeneufve le Roy, du chastel et chastellenie, terre et seigneurie de Courtenay, Chantecot et Piffons, tenuz de nous à cause de nostre grosse tour de Sens, et du chastel et chastellenye, terre et seigneurie de Sainct-Morise, tenu et mouvant de nous à cause de nostre chastel de Montargis ; à quelque somme, valeur et estimacion que iceulx droiz de lotz et vente, et autres devoirs seigneuriaulx, se puissent monter pour iceulx conté, baronnie, chasteaulx et chastellenyes, terres et seigneuries et leurs deppendances.

« Si voulons, vous mandons et enjoignons très expressément que, en faisant nosdictz cousin et cousine joyr et user de noz privilége, don et octroy, vous, par noz receveurs ordinaires de Paris, Sens et Orléans, et autres qu’il appartiendra, les faictes tenir quictes et paisibles desditz lotz et ventes et autres devoirs seigneuriaulx d’iceulx conté de Dampmartin, baronnie de Champignelles, terres et seigneuries de Courtenay, Sainct-Morise et leurs appartenances, etc. etc. etc. Sy vous mandons de rechef ainsi le faire sans difficulté, nonobstant l’ordonnance par nous derrenièrement faicte sur le fait et distribucion de noz finances, que la valeur desditz lotz et ventes et droiz seigneuriaulx ne soit cy autrement spéciffiée ne déclairée, que descharge n’en soit levée, et quelzconques autres ordonnances, restrinctions, mandemens ou deffences à ce contraires.

« Donné à Bloys, le xxrie jour de février, l’an de grâce mil cinq cens et unze,

et de nostre règne le quatorziesme.

« Loys.

« Par le roy ROBERTET. »

Chartrier de Thouars. Original en parchemin, mutilé.

1511 (v. s.), 19 mars. — Renvoi par Jacques de La Trémoille de son gouverneur de Dammartin:

« Aujourd’huy vendredi dixneufviesme jour de mars l’an mil cinq cens et unze.

« Noble et puissant seigneur monsér Jaques de La Trémolle, conte de Dampmartin, seigneur de Mauleon, de Bommiers et Conflans, conseiller et chambellan du Roy nostre sire, estant en son chastel dudit Dampmartin, en la personne du tabellion soubzscript et des tesmoingtz cy après nommez, adressant sa parolle à noble homme Anthoine de Sorbies, seigneur de Villemanoche et de la Mote Saint-Pryvé, illec présent en personne, a dit telles parolles ou semblables : « Escoutez, je n’entends plus que vous soyez gouver- « neur de Dampmartin, quelques lettres que vous ayez de moy ; et pour ce « départez vous de céans. » Le quel de Sorbies a respondu qu’il en estoit content et s’en departiroit voulentiers; et en ce faisant a baillé et rendu les clefz dudit chastel et aussi a quicté mondit seigneur et s’est tenu pour content de tout ce que ledit seigneur lui peult devoir de tout le temps passé. Dont et desquelles choses mondit seigneur le conte a requis et demandé audit tabellion avoir lettres. Si lui furent octroyées ces présentes à ce présens et appelez pour tesmoingtz : Jehan Gille, lieutenant du bailliage de Dampmartin, vénérable et discret messire Jaques Bouchault, presbtre, doyen de l’église collegial Nostre- Dame de Dampmartin, Gregoire Dubré, Guillaume Thibault et autres.

« CoRBIE. »

Chartrier de Thouars. Orig. parch.

ee. ———— a —— —— = SR —————

1513, 9 novembre. Amiens. — « Articles du propos et parolles qui furent en Amiens entre le seigneur d'Entraigues et frère Nicolle de Voisins », au sujet d'Avoye de Chabannes.

« Françoys d’Azay, seigneur d’Antraigues en Berry et commissaire sur le fait des vivres qu’on menoit à l’ost du Roy ou pais de Picardye, estant à Amyans environ la Nostre Dame de septembre dernièrement passée, envoya ung soir au couvent des frères myneurs en Amyans ung sien serviteur, lequel dist au portier qu’il le fist parler à frère Nycolle de Voisins qui pour lors estoit audit couvent, et qu’il venoit de la part de monsieur le commissaire sur les vivres de l’ost du Roy; lequel portier alla appeller ledit frère Nycolle qui jà estoit retiré en sa chambre en dortouer.

« Item, et ledit frère Nycolle arryvé à la porte où atendoit ledit serviteur la responce du portier, luy demanda ledit frère Nycolle la cause pourquoy il estoit là venu; auquel respondit que son maistre monsieur le commissaire l'envoieoit par devers luy et le prieoit que le lendemain au matin il se voulsist par devers luy transporter en l’abbaye Sainct-Martin où il estoit logé, et que ce fust à cinq heures car il avoit afaire cedit jour pour la charge desdites vivres, au moyen de quoy ne povoit venir parler à luy audit couvent, ainsi qu’il le avoit délibéré, et dit au correcteur dudit couvent auquel correcteur ledit d’Azay auroit parlé et demandé ledit frère Nycolle qui pour lors n’estoit au couvent; au moyen de laquelle absence ledit d’'Azay avoit pryé ledit correcteur dire audit frère Nycolle qu’il le voulsist atendre ledit lendemain qui estoit ainsi qu’il semble audit frère Nycolle le lundi d’après la Nostre-Dame ou le lendemain de Nostre-Dame, auquel serviteur ledit frère Nycolle dist que voluntiers il s’y trouveroit, et fut le jour que le Roy partit d’Amyans pour | aller veoir son camp et qu’il coucha à Corbye.

«a Îtem,et en ensuievant sa promesse se transporta icelluy frère Nycolle en ladite abbaye et se rendit à la chambre dudit d'Azay, lequel il trouva yssant du lict, et ainsi qu'il fut léans ledit d'Azay fist retirer ses gens et demoura seul avec ledit frère Nycolle et son compagnon qui estoit sequestré et eslongné de eulx.

« Item, et lequel d’Azay luy va dire qu’il estoit allé deux ou troys foys en leur couvent cuydant parler à luy maïiz n'avoit peu obstant qu’il y trouvoit le seigneur de Mauléon, lequel ne vouloit qu’il le vist parler à luy ; et mesmes y estoit allé le jour précédent à vespres pour ceste intencion, mais ne l’avoit trouvé et avoit dit léans qu'il viendroit lendemain y oyr messe et qu’on dist audit frère Nycolle qu'il le prioit ne se absenter ou partir du couvent ce jour que premièrement n’eust parlé à luy.

« Item, et après cest introite et introduction de propoz ledit d’Antraigues luy dist qu’il luy vouloit parler d'une matière qui moult le affligoit et tristoit et à laquelle, à cause de la charge en quoy l'avoit commis le Roy, il n'y povoit vacquer ne donner ordre, maïs que ledit frère Nycolle le y povoit bien servir et aider et que s’il le faisoit le recognoistroit vers luy. Auquel d’Azay dist ledit frère Nycolle qu'il n’estoit personne pour pouvoir faire grant service à nulle créature, et quant en luy seroit faculté de luy povoir en riens servir le vouldroit bien faire et à toutes créatures en choses qui seroient à l’honneur de Dieu et salut des ames, et quant au regard d’en actendre loyer ou rétribucion humaine et temporelle ne le vouldroit faire car jamais n’avoit dit messe, fait prédicacion, oy confession ne autre euvre spirituel à luy possible de faire selon sa capacité que son premier motif et object fust d’en actendre sallaire ne retribucion temporelle. Ausquelles parolles respondit ledit d’Azay : Si vous n’en voulez riens prendre je ne en seray ingrat envers le couvent auquel ay veu qu’il y fault encores quelques verrières en l’église et je vous prometz par ma foy, si me faictes service en l’afaire pour laquelle vous ay mandé, de donner à vostre couvent la plus belle verrière qui soit poinct en toute vostre ordre.

« Îtem, et en continuant le propos ledit d'Azay dist audit frère Nycolle : Je scay que monsieur de Mauléon fréquente vostre couvent et que vous le gouvernés et pour ce me povez faire le plus grant service que homme du monde en cest afaire, c’est assavoir : il a espouzé la contesse de Dampmartin

et despuis aucun temps en ça l’a chassée et mys hors de sa maison, aussi elle n'est pas sa femme maiz y a ung autre qui a consommé et parfaict mariaige avec elle.

« Îtem, ausquelles parolles ledit frère Nycolle dist et respondit que vray estoit que ledit seigneur de Mauléon fréquentoit en leur couvent et y avoit esté jà plusieurs foys dont n'en avoir riens sceu et n’avoit grant acointance audit de Mauléon sinon deppuis depuis dix ou douze jours qu’il avoit parlé à Juy et paravant ne l’avoit veu sinon ung jour qu’il passa par Bommyers en allant à leur chappitre général à Romme après le trespas de leur bon père et fundateur frère Françoys de Paule, et lequel de Mauléon luy avoit fait récit et narracion comment despuis quelque temps il avoit espousé ladite contesse de Dampmartin, laquelle environ trois moys et demy après lesdites espousailles avoit enfanté en sa maison ainsi que de ce estoit certain, tant par les indices qu’il avoit apperceuz paravant ledit enfantement et après que aussi par la voix de l'enfant qu'il avoit oye ung soir environ neuf heures, luy estant en sa chambre, et aussi l’avoit oye un seing serviteur et par deux foys, maiz que de ce n’en povoit avoir autre notice tant par les femmes qui l’auroient receu comme aussi par ceulx qui l’aroient transporté du chasteau de Bommyers en une maison du bourg et autres lieux, comme aussi de plusieurs autres qui estoient en nombre bien dix huict.

« Îtem, et oy par ledit d’Antraigues ledit enfantement demanda audit frère Nycolle : Dit poinct monsieur de Mauléon qu’il est nourry à Entraigues ? — Auquel ledit frère Nycolle dist qu’il ne luy en avoit jamais riens oy dire. Et, adjousta ledit d'Azay : Aussy n'y est-il pas, et n’est vray qu’elle ait eu enfant ‘ mais a esté un deschargement de fardeau et non autre chose,

« Îtem, et lequel frère Nycolle dist audit d’Azay que ledit de Mauléon luy avoit dit qu’il estoit délibéré d'avoir ung significavit de Romme pour savoir la vérité du cas contre ceulx et celles qui sauroïient.aucune chose de la matière et n’en vouloient riens dire, et qu’il savoit bien que ladite contesse de Dampmartin avoit gaigné tous ses serviteurs et les gens du bourg, lesquelz estoient tous pour elle et contre luy et que à peine par ledit significavit en diroient riens, maïiz que despuis ainsi qu’il parloit de la matière l’un des gens du séneschal de Poictou lui avoit dict qu’il luy failloit avoir une monicion de

Sainct-Jehan de Liverssay prez Nyort et que avant qu'il fust le bout de l’an l’on cognoistreroit bien ceulx qui sauroïent ledit enfantement et ne le revèleroient, parce que ceulx qui se laissoient excommuniez de Sainct-Jehan de Lyverssay jamais ne passoient l’an ou qu'ils ne mourussent ou que les cheveulx, sourcilles, ongles des piez ou mains ne leur cheussent et qu’il y avoit les plus terribles malédictions qu’on vist jamais, et pour toute résolucion estoit délibéré en envoyer quérir une et que on la craindroit plus que le significavit.

« Item, dist oultre ledit frère Nycolle audit d’Azay que après avoir oy le propos dudit de Mauléon luy avoit dit: Monsieur, vous ne devez metre plus avant ceste matière mais la devez assopir et estaindre et repprendre vostre femme car à grant peine en viendrez vous à bout, tant parce qu’il n’y a que vous et vostre serviteur qui encores en parle en ambiguité et qui aussi ne seroit receu à tesmoignaige pour vous qui depposez de la matière, les aultres puis qu’ilz ne le vous ont dit ne en diront rien pour voz excommunimens, comme aussi que femmes ont plusieurs enfermetes secrètes, et souvent y a en aucunes apparoissance de fruit conceu en la matrice et l’ay veu à Poictiers naguères en la femme du conservateur Marie, laquelle ung médecin nommé maistre Honnorat, qui se tenoit à Chinon, affermoit pour vérité estre grosse, et à la fin ne fut riens : telles matières sont à diffinir aux femmes; et pour la visitacion que ditez que ferez faire de vostredite femme y pourrez estre abuzé car jugemens humains sont fallibles ; aussy la voix que ditez avoir oye peult estre de quelque beste et peult le sens de l’oye estre deceu qui ne voit ou touche.

« Item, vous ne pourryés agir en matière de divorce contre vostredite femme, car si enfant est venu il pourroit estre de son premier mary et encores s’ilestoit d’un autre elle n’aroit fait contre le serment de fidélité matrimonialle, car il seroit paravant conceu et n’y pourryez sinon agir et tendre qu’il fust dit incapable de vostre succession; mais l’enfant ne apparoist, pour quoy jamais ne viendrez à fin de vostre entreprinse laquelle si metez en avant vous fauldra prouver, deffaillant de preuves, elle et tous ses parens requerront réparacion de l’injure qu’ilz estimeront grande et vous ne vos biens ne souffirez. Mais quant ores seroit que prouvassies clèrement ledit enfant estre né, vous ne

debvez tant prendre à cueur la matière comme si elle l’avoit conceu despuis vostre mariaige et faulcé la fidélité du mariaige. Monsieur, cognoissez que tous sommes pécheurs et que Dieu fait à chacun de nous miséricorde quant la demandons, aussi si vous voulez avoir miséricorde de Dieu, faictez la et pardonnés à vos offenseurs.

« Item, dist oultre ledit frère Nicolle audit d’Azay : Monsieur, vous ditez que je le gouverne ; je vous promectz qu’il y a bien huit jours qu’il me narra son cas et au moien de ce que ne l’ay favorisé, aussi qu’il m’a dit qu'il y a l'un de noz religieux à Bommiers qui a induit tous ses serviteurs à celer le cas, il n’a parlé à moy, aussy m'a il dit qu’il ne s’en fyeroit en moy ne en personne, et est venu en nostre couvent chacun jour sans me parler ce qu’il n’avoit acoustumé faire, pourquoy doubte qu’il ne me aye suspect comme nostre autre religieux et frère, et si m’a dit que, quelque miséricorde que luy parlasse ne tous les moyens qu’on y vouldroit chercher, si ne le saroit-on induire que jamais la print avec luy, ne si les anges de paradis ne le Roy et tout le monde ne cessoient d’icy au jugement de l'en pryer s’il vivoit autant s; ne la reprendroit-il pas. Et quant je luy ay dit : Pourquoy dès l’eure qu’il oyt ladite voix et la suspicionna d’avoir fait ledit enfant il ne l’avoit envoyée, il m'a dit qu’il l’avoit fait pour saulver sa vie, aussi pour essayer si en la tenant quelque temps il pourroit actaindre le cas, et aussi que quant veit que l’an et jour de leur mariaige fut passé et qu’il y avoit dangier de sa vie il la mist hors.

« Îtem, et oy par ledit d’Azay les parolles et propos dessus récitez, dist audit frère Nicolle : Il fault que je vous dye plus avant : Vray est que longtemps a je suis amy et familier de la maison de Busancoys, en laquelle je fréquente et esté familier comme en la myenne dès le vivant du bon homme père du mary de la contesse de Dampmartin, femme de monsieur de Bommyers, et aussy deppuis et du vivant de feu monsieur Emond, mary de ladite contesse, et estoit ladite maison et la mienne quasi une et y estoye la pluspart du temps autant et plus que en la mienne et quant y leur venoit quelque afaire ilz me mandoient.

« Item, dist oultre ledit d’Azay audit frère Nycolle : Il est vray que j’ay ung filz qui est assez beau filz, jeune et foul comme sont les jeunes gens

— ee

du jourd’huy, lequel aucunne foys menoye avec moy audit lieu de Busancoys, et y a plus fréquenté despuis que ladite contesse de Dampmartin fut marryée audit Emond que paravant, et au moyen de la fréquentacion continuelle fut causé ung amour et familiarité entre ladite contesse et mon filz, dont sourdit suspicion que ladite amour n'estoit fondée sur bon tiltre ne honneste, pour quoy me fut dit (mais ne déclaira ledit d’Azay par qui) que disse à mondit filz qu'il ne vensist plus ne se trouvast en la maison et qu’on ne vouldroit que l’amour et alliance qui estoit entre ladite maison de Busancoys et la mienne fust rompue; au moyen de quoy je ne amené plus mondit fils léans et luy deffendy de non plus se y trouver.

« Item, dist oultre ledit d'Azay audit frère Nicolle que quelque temps après le décès dudit feu Emond, estant ledit d'Azay avec dame Jehanne de Sallezat, mère dudit Emond, ladite Jehanne luy dist: Mon compère, par sainct Jehan ou par ma foy, je vouldroys que vostre fils eust espousé ma fille ou ma bruz, (ne scet ledit frère Nicolle lequel des deux). A quoy respondit ledit d'Azay : Madame, qu'est ce que vous dites; vous savez bien qu'il ne se pourroit faire et que moy ne mon filz ne ma maison ne sommes d’estre pour à ce parvenir et que jamais vostredite fille ou vostre brus (ne scet lequel des deux) ne sy consentiroit, ne aussi ses parens, pour quoy jamais n’est possible que mon fils et moy y puissions parvenir.

« Item, et laquelle de Sallezat dist. audit d’Azay ainsi qu'il récita audit frère Nicolle : Mon compère, par ma foy ou par sainct Jehan, il est plus facille que vous ne pançez et se fera si vous voulez, vous cognoisez ma fille ou ma bruz, vous savez qu’elle est ligière et facillement se y pourra induire, il ne fault sinon que vous faciez venir céans vostre filz, lequel jouera avec elle et passera temps et n’y sera guères que incontinent elle ne l’ayme et qu’elle ne soit prinse de son amour, et aussi de ma part je y ayderé, mais vous me promectez si ledit mariaige se fait que vous me baillerez et vostre fils aussi, quictance de la renonciacion du douaire qu’elle a céans.

« Item, et lequel d’Azay respondit à ladite de Sallezat, ainsi qu’il dist audit frère Nycolle : Ma dame, puisqu'il vous plaist vous offrir de me procurer et ayder que moy et mon fils puissions parvenir à ung si grant bien, ce que ne pourrions sans vostre moyen, je vous remercie et obligez moy et mon fils et

tous les myens à jamais à vous et aux vostres et à prier Dieu pour vous, car plus grant bien ne nous saroit en ce monde advenir, et au regard de la quictance et renonciacion du douaire que me demandes, je la vous baïilleré et y feré renoncer mondit fils et la contesse, laquelle quictance il dist audit frère Nicolle avoir jà baillée à ladite dame Jehanne de Sallezat.

« Item, et au moyen de l’ouverture faicte par ladite de Sallezat audit d’Azay de povoir facillement parvenir au mariaige de ladite contesse, veufve dudit feu Emond, et de sondit fils, dist ledit d’'Azay audit frère Nicolle qu’il aroit fait venir sondit fils en ladite maison de Busancoys (maiz ne luy déclaira si c’estoit à Busancoys ou à Chaulmes), et sondit filz venu au lieu où estoit ladite contesse demoura léans quelque espace de temps pehdant lequel y eut plusieurs propos et devis entre eulx, au moyen de laquelle fréquentacion se causa et engendra une grant familiarité, amour et privauté entre sondit fils et ladite contesse et telle qu’il en sourdit suspicion et mauvaise ymaginacion et murmure, tel que plusieurs en jugeoïient et oppinoient mal.

« Item, oultre dist ledit d’Azay que l'amour fust si enflambé entre ladite contesse et sondit filz qu’ilz ne trouvoient le jour ne la nuyt assez longs et souvent passoient la nuyt l’un avec l’autre en propos familiers et devis qui demonstroient assez, et aussi les signes extérieurs qu'on y apercevoit indices, et autres conjectures, qu’il y avoit ung merveilleux amour entre eulx. |

« Item, dist oultre ledit d’Azay audit frère Nicolle que, au moyen d’icelluy amour, ne luy fut possible séparer de la sondit filz, lequel il avoit mys en la compaignie de messire Aymard de Prye, maiz ny vouloit aller et disoit ledit d’Azay qu'il ne venoit personne vers ladite contesse de quoy elle fist conte ne estime despuis qu’elle avoit acointé sondit fils, et que ung jour ung gentil homme nommé La Guierche, qui moult la désiroit avoir à femme après qu’elle fut veufve, vint léans pour la voir auquel elle ne vouloit parler ne le veoir, mais on luy dist et aussi sondit filz qu’elle devoit parler à luy, ce qu'elle fist et n’y voulut venir sinon bien tard et à l’eure qy'elle alloit à la messe ou disner et que sondit fils l’avoit amenée qui despuis le matin n’avoit ss de sa chambre, voyre, dist-il, je croy qu’il y avoit couché.

« Îtem, dist davantaige ledit d’Antraigues qu’il estoit notoire que sondit filz avoit couché plusieurs nuytz en la chambre de ladite contesse en ung lit et

aussi qu’on les avoit veuz assez de foys nu à nud couchéz l’un avec l’autre en ung mesme lit tout ainsi que font personnes conjoinctes et mariéz ensemble.

« Item, luy distoultre ledit d'Antraigues qu'il estoit seur que ladite contesse et sondit fils avoient convenu et contracté ensemblement leur mariaige, voyre l’'avoient consommé par copulacion et conjonction charnelle, et qu’il ne doubtoit poinct que sondit fils ne l’eust cogneue plusieurs foys charnellement, aussi bien que jamais homme cogneust oncques femme, maiz pria ledit d’Azay audit frère Nicolle que de ce ne voulsist riens déclairer ne donner à cognoistre à monsieur de Mauléon.

« liem, luy dist oultre que, au moyen de la grant familiarité, fréquentacion et autres exteriores indices et conjectures qu’on aperceut entre ladite contesse et sondit fils, sourdit comme jà devant est dit grant murmure et mauvaise oppinion de ladite contesse et de sondit fils, tellement qu'on touchoit fort et chargeoit l’on sur l’onneur, chasteté et preudommie de ladite contesse, au moyen de quoy auroit esté expédiant que sondit filz etelle se séparassent et laquelle séparacion se faisoit à grant regret, peine et difficulté, et fut difficile à faire tant de la part de sondit filz comme aussi de la part de ladite contesse.

« Item, dist oultre ledit d'Azay audit frère Nicolle que ladite contesse luy avoit dit que pour faire cesser le bruyt et mauvaise oppinion qui couroit d’elle et de sondit fils il failloit qu’il envoyast sondit filz aux garnisons de Ytalie et qu’il demourast là jusques à ce que le bout de l’an du trespas de sondit mary et son deul fust passé et accompli, ce qui fut accordé et convenu, mais à grant peine y avoit peu faire consentir sondit filz, et lequel encores ne s’en seroit allé si tosten Ytalie, et avoit osté ses chevaulx de sa maison, les avoit envoyez sécretement cheux une sienne seur mariée auseigneur de Jonvelle où ilz furent par aucun temps au desceu dudit d’Azay, lequel cuydoit sondit filz jà estre en chemin ou en Ytalie, et que pour l'en faire partir avoit esté contrainct avoir grosses parolles à sondit fils et luy user de menasses, voyre jusques à le priver et déshériter de sa succession s’il ne s’en alloit,

« Item, luy dist d’abundant ledit d’Azay, seigneur d’Antraigues, que quant sondit filz veit qu'il ne povoit plus résister ne reculer qu'il ne faillist qu’il si absentast et departist d’avec ladite contesse, dist à icelle : Je scay bien que se tost que me seray eslongné et desparty de vous que me metrez en obly, car

qui se départ de l’œil se eslongne du cueur et que vous serez de plusieurs requise et demandée en mariaige, car jà estez pressée de plusieurs et ne me tiendrez promesse et ne sera plus riens de ce qui est entre nous deux. Laquelle contesse luy dit : Ha, monsieur de Beaufort, me reputeriez-vous si lasche ne se muable que le voulsisse faire, je ne fis oncques lasche tour ; et afin que soyez asseuré que veux parachever ce qui est.commancé et ny différe sinon que ce ne me seroit honneur avant avoir fait l’an de mon dueil qu’on sceust que je fusse maryée, ayons ung prestre et en ses mains je jureray et vous feré tel serment que vous vouldrez de non jamais en avoir d’autre et n’ay parent qui m'y saiche induyre ne contraindre ne autres quelzconques.

« Item, dist encores ledit d’Azay que, à la requeste de ladite contesse, fut fait venir ung prestre, le nom duquel ne explicqua audit frère Nycolle,es mains duquel, non pas par parolles dont l’on use en fiansailles, maiz jura et fist serment grant, lequel aussi ne déclaira ledit d’Azay, de n’en jamais prendre ne avoir autre mary que sondit fils, et pareïllement luy promist sondit filz de non en avoir d’autre que elle, et estoit encores à ce présent ung autre prestre que ledit d’Azay disoit estre à luy et se nommoit l’ausmonier, et lequel ausmonier avoit esté plusieurs foiz avec sondit filz quant alloit veoir ladite contesse, aussi l’avoit envoyé vers elle à Mirebeau pour la cuyder desmouvoir quant il entendit qu’on traictoit le mariaige d’elle et du seigneur de Bommyers et y estoit le soir dont le lendemain ledit de Bommiers espousa ladite contesse.

« Item, ledit d’Azay dist audit frère Nicolle que, après lesdites promesses ainsi jurées et convenues entre ladite contesse et sondit fils, dame Jehanne de Sallezat qui, comme ditest devant, moienoit à ce que ledit mariaige se fist et en la présence de laquelle fut fait ledit serment et promesses, leur dist : Il vault myeulx que dès à ceste heure vous allez coucher ensemble et consommer vostre mariaige afin que madame l’admiralle ne autres ne vous y donnent plus d’empeschement, à laquelle respondit ladite contesse qu’elle ne le feroit que premièrement le bout de l’an de son dueil et trespas de son feu mary ne fust passé et que ce ne luy seroit honneur de autrement le faire, aussi n’en seroient contens ses parens ne ceulx de son feu mary.

« Item, dist oultre ledit d'Azay que, quelque chose que respondist ladite contesse à ladite dame Jehanne de Sallezat, il savoit bien que paravant lesdites

promesses faictes ès présences des prestres et autres et aussi despuis icelles promesses faictes, sondit filz avoit couché et cogneu charnellement ladite contesse et qu’il y avoit vray mariaige entre eulx et craindroit beaucoup de procurer autre mariaige à sondit filz ne le induire à prendre autre femme car il offenceroit Dieu, aussi que les enfans qui en viendroient ne seroient légitimes, et vouldroys qu’il me eust cousté dix mille escuz et qu'il n’en eust jamais esté parolles, car despuys n’ay peu joyr ne me ayder de mon filz, lequel est ainsi que en une langueur et n’a eu despuis santé et est à présent en ma maison inutille sans vouloir à riens se applicquer, et vouldroys, par le Corps Dieu, qu'il fust jà mort, combien que despuys j'ay tasché de le maryer, dist ledit d’'Azay, non obstant l'offence de Dieu s’il eust voulu y consentir ou si je y eusse peu parvenir, ne scet ledit frère Nycol lequel des deux, pourquoy le met et autres motz cy-dessus en ambiguïté.

« Îtem, dist davantaige ledit Françoys d'Azay que sondit filz ne se seroit guères tenu en Ytalie qu’il n’eust sceu le mariaige intervenu entre ladite contesse de Dampmartin et ledit sieur de Bommyers, au moyen de quoy auroit laissé sa garnison ne despuis n’auroit voulu suyvre les ordonnances et seroit venu au lieu de Bommyers parler à ladite contesse et luy remonstrer qu’elle n’avoit peu contracter mariaige avec ledit sieur de Bommiers et qu'elle n’estoit poinct sa femme, veu ce qui estoit intervenu entre eulx, et au regart de luy qu'il estoit délibéré la faire citer à Bourges pour la faire séparer et divorcer d'avec ledit sieur de Bommyers en la priant et requérant qu'elle promist et se consentist audit divorce.

« Item, et laquelle contesse auroïit respondu, comme disoit ledit d'Azay, à son filz : Monsieur de Beaufort, j'ay esté pressée de madame l'admiralle, ma grant mère, de espouser monsieur de Bommiers, lequel a rachapté et désentgaigé mes terres. Je vous supplie ne me faictes tel déshonneur que de me faire citer, mais atendez ung peu, vous savez que monsieur de Bommiers est jà aagé et ne peult vivre plus de cinq ou six ans, après sa mort, j'aÿy mes terres franches, mon douaire qui est grant,et ses biens meubles qui sont grans et alors nous serons les plüs riches du monde et vous tiendré promesse.

Item, adjousta ledit d’Azay que sondit filz estoit allé plusieurs fois, tant en babit dissimulé que autrement, audit lieu de Bommyers parler à ladite contesse

et avoit entré dedans le chasteau sécrétement, aussi y avoit envoyé plusieurs messaigiers et lectres à ladite contesse et que ung prestre nommé messire Piou y estoit plusieurs foiz allé en public et en secret pour la matière dudit divorce ; et entre autres foiz que sondit filz seroit allé à Bommyers y alla une foiz et, parce que il ayme bien à oyr la messe, c’estoit mys en quelque église ou chappelle pour oyr la messe, en laquelle vint ledit sieur de Bommyers, et cuydant sondit filz que ledit de Bommyers l’eust cogneu s’en seroit yssu hors de ladite église ; aussi la seroit allé veoir despuis à Mirebeau maiz que, pour doubte que ledit sieur de Bommyers n’en fust adverty, on luy aroit interdict le chemin et fait prendre garde qu’il n’y allast ne autre en son nom, et aussi se donnoit garde l’admiralle de ladite contesse et à qui elle parloit, et tellement que une foiz vint pour cuyder parler à ladite contesse ung homme par sondit filz envoyé ou par luy, et elle estant en l’église des cordeliers avec ladite admiralle et voulant parler audit messaiger, ladite admiralle Îuy demanda : Ma fille, qui est cet homme-Ilà ? Laquelle contesse luy dit: Madame, c’est un homme qui m’a presté dix ou douze escuz lesquelz il me demande. — Allez doncques, dist ladite admiralle, parler à luy et luy ditez qu’il ait ung peu de pascience, et que tantost vous le paierez. Et soulz cette dissimulacion parla audit messaigé et par luy fist responce, et souvant nonobstant les deffences ou garde sondit filz c'est trouvé avec ladite contesse audit lieu de Myrebeau ès cordeliers ont souvent nouvelles l’un de l’autre par lettres et messaiges.

« Îtem, dist oultre que despuis que sondit filz seroit retourné d’Ytalie, l’avoit moult pressé qu'il luy voulsist ayder en cette matière et pourchasser ledit divorce, à quoy luy auroit respondu ledit d'Azay pour de ce le cuyder desmouvoir : Qu'est-ce que tu veulx pourchasser ? Tu voix bien qu’elle est maryée. Si tu la prens, l’on te reprouchera et à toute ta lignié que tu n’auras espousé sinon la putain de monsieur de Bommyers. Je scay bien qu’elle a mauvaise teste, que c’est une yvrongne, une femme ligière, sa mère n’a pas heu bon bruyt. A quoy luy respondit sondit filz que si elle estoit au bourdeau et publique à tout le monde que si l’auroit-il et n’en auroit jamais poinct d’autre.

Item, emploia plus avant et dilata sa parolle ledit François d'Azay et dist

audit frère Nicolle que luy mesme estoit allé secrètement à Mirebeau ou au Couldray par devers ladite contesse, à laquelle il parla et à son ayse, (ne scet ledit frère si ce a esté despuis que ladite contesse a esté envoyée par ledit sieur de Bommyers ou avant ou s’il y seroit allé deux foiz, pour l’ambiguité des parolles que luy dist ledit d’Azay), à laquelle auroit pareiïllement dit comme sondit filz avoit fait, qu’elle n’avoit fait selon Dieu de avoir contracté mariaige avec le sieur de Bommiers, duquel elle n’estoit femme, veu ce qui avoit esté fait et consommé entre sondit filz et elle, et que son filz le pressoit fort de la faire citer par devant l’official de Bourges pour la faire divorcer et séparer et qu’il ne le sauroit jamais maryer à autre sans offencer Dieu et qu'il craindroit moult qu'il ne luy intervensist et sur sa maison la mallediction de Dieu et à sondit filz, s’il contractoit mariaige à autre, et plusieurs autres parolles que ledit d’Azay dist à ladite contesse et elle à luy. |

« Item, à quoy auroit respondu ladite contesse : Monsieur d’Antraigues, je esté forcée par madame l’admiralle de ce faire et a esté malgré moy et contre mon vouloir, maiz vous savez que monsieur de Bommyers est jà aagé et n’est pour vivre que cinq ou six ans au plus, après son trespas mes terres qu'il a rachaptées me demeurent quictes sans riens rendre aux héritiers de ce qu’il a baillé pour le rachapt d’icelles, mon douaire aussi qui est gros, avec une donnaison ses meubles qui sont grans et lesquelz ne dyminueront et alors votre filz et moy serons les plus riches du monde pourquoy actendez et faites actendre votre filz et je luy tiendray promesse.

« Item, adjousta ladite contesse et dist audit d'Azay, sieur d'Antraigues, comme le récita audit frère Nicolle, que ladite contesse luy dist : Si vous me voullez prendre et mener en vostre maison, je suis contente et preste de m’en aller avec vous dès cette heure, et envoyez quérir vostre filz qui sera venu dedans quinze jours; vostre maison est forte et n'en sauroye estre tirée, et vostre filz venu paracheverons nostre cas et ne craindré parens ne amys. — À laquelle respondit ledit d’Azay : Comment voulez-vous que je me vienne mettre entre deux si grans maisons que la vostre et celle de La Trémoille dont je ne suis amy ne en grace et n’ay mestier de la plus provocquer contre moy car elle le est assez; si je vous emmène je suis afollé et les myens, maiz s'il n’y en avoit que l’une je passeroye oultre. Ces parolles sont ambigues, par

quoy ne afferme ledit frère Nycolle si ce a esté despuys le renvoy et expulcion de ladite contesse ou après, et telles les dist ledit d’Azay.

« Item, et lequel d’Azay, ainsi qu'il dist, respondit à ladite contesse que sondit filz ne vouloit actendre, aussi qu'il estoit ja en aage de le marier ce qu'il ne pourroit faire à autre. Laquelle luy dist : S'il ne veult actendre induysez le doncques à soy faire prestre car si vous ne luy me faictez ce déshonneur que de me faire citer, ce que vous prie ne faire ains actendre, en ce cas je jureray que jamais ne luy ay riens promins.

« Îtem, augmenta son parler ledit d’Azay et dist audit frère Nycolle qu'il avoit dit à ladite contesse quant luy dist qu’elle auroit tant de biens et que sondit fils et elle seroient les plus riches du monde : Comment pourrez vous prendre en bonne conscience et sans offence de Dieu et que ne soyez obligée à restitucion aux héritiers les biens de monsieur de Bommyers, esquelz vous n'avez riens, veu que vous n'estez poinct sa femme et n'avez peu contracter mariaige avec luy veu qu’estez femme de mon filz et par ce moyen tous vos contractz, douaire et donnaisons que ditez seroient de nulle valleur ou effect ; laquelle contesse luy dist telles .parolles : Monsieur d’Antraigues, il m’a chevauchée, mon corps vault bien ses biens et ne chevaucha jamais femme qui tant chère luy coustast. |

« Item, dist oultre ledit d'Antraigues que ladite contesse luy dist: Il m'a mys sus que je fait ung enfant en sa maison; icy sont et davant les parolles ambigues au moyen desquelles ledit frère Nycolle ignore si ledit d’Antraigues auroit parlé à ladite contesse par avant le mariaige d'elle et dudit de Bommyers ou si seroit après qu’elle auroit esté renvoyée de Bommyers à Myrebeau, ou s'il y parla deux fois ou une seulle, pour quoy icy parle ambigument selon l'ambiguité des parolles dudit d’Antraigues. Et dist ladite contesse : Vous savez bien si j’ay fait enfant car vous m'avez tastée et manyée hault et bas par tout mon corps; et dist oultre ledit d'Antraigues audit frère Nicolle plusieurs autres parolles, le récit desquelles il obmect parce qu'elles vallent myeux celées que publiées et ne seroïent à propos.

« Item, dist oultre ledit d’Azay, sieur d'Antraigues, que ladite contesse luy dist après les propos susdictz et aultres, qu'elle ne diroïit jamais rien ne ne consentiroit au divorce d'elle et dudit de Bommiers si elle n'avoit ses terres

franches et quictes, sans ce que ledit de Bommyers y levast ou print aucune ypothecque ou qu’elle le remboursast de ce qu’il avoit baïllé pour le rachapt d’icelles, et deust elle estre dampnée, et si l’on la faisoit citer ne jurer, elle jureroit, maiz que si ledit de Bommyers luy vouloit quicter et rendre sesdites terres franches et quictes, alors elle feroit ce qu’il vouldroit et diroit la vérité et consentiroit ledit divorce et non aultrement, voyre, replicquant, et deusse estre dampnée. A laquelle il auroiïit respondu que ledit sieur de Bommyers aimoit son bien et ne seroit pour faire ce passaige, aussy que de luy ne son filz n’estoient fundéz pour rembourcer ledit de Bommiers ne tout leur bien seroit quasi souffisant à ce faire.

« Item, et après tous les propos dessus récités ledit d’Azay, sieur d'Entraigues, dist au frère Nicolle qu'il le pryoit parler avec ledit sieur de Bommyers sans luy donner acognoistre que ce fust à la requeste ou supplicacion d’icelluy d’Azay, et qu’il voulzist trouver moyen que ledit sieur de Bommyers prensist quelque moyen rembourcement de ce qu'il avoit baillé pour le rachapt des terres de ladite contesse, et suppose qu’il savoit bien que ledit sieur de Bommyers aimoit son bien et ne tacheroit sinon est rembourcement et n'y vouldroit riens perdre, touttesfois si failloit-il qu'il diminuast et rabatist de la somme dudit rachapt s’il vouloit estre quicte et délivré de ladite contesse et qu'elle dist le most, laquelle encores ne savoit si elle le vouldroit dire après qu'il auroit convenu avec ledit sieur de Bommyers, parce qu'elle estoit legière et n’avoit arrest en ses propos et avoit mauvaise teste et l’affermoit pour la plus grant menteresse de France; et que si n’estoitla poursuicte et infestacion que sondit filz luy en faisoit, duquel n’avoit que deux jours ou trois avoit receu lettres et messaige par lesquelles luy escripvoit qu’il ne tenoit que à luy qu'il n’avoit ladite contesse et aultant luy vauldroit n'avoir poinct de père, jamais n’en feroit poursuite ne pourchaz, car il doubtoit qu'elle seroit cause de la ruyne et destruccion de sa maison, car si elle avoit aujourd'huy centescuz, au bout de la sepmaine elle n'en seroit finer ung dernier.

« Item, et lequel frère Nycolle dist audit d’Azay qu’il avoit veu ung double de contract faisant mencion desdits rachapts, par lequel auroit veu que ledit sieur de Bommyers avoit baillé XXII ® francs, aussi le luy avoit dit et ny estoit délibéré riens perdre. Et alors, dist ledit d'Azay qu'il ne se pouvoit

ee

faire qu’il y eust si grant somme et aussi que ledit sieur de Bommyers auroit despuis prins et receu le revenu dedites terres et que au regart de luy ne sauroit fournir si grosse somme, maiz que ledit frère Nicolle dist à icelluy sieur de Bommyers qu’il fourniroit bien jusques à cinq mille escuz s’il le pouvoit à ce induyre, et luy prya s’il estoit possible qu’il veist le contract desdits rachapts ou le double, lequel ledit frère Nycolle luy porta à son logis et le garda ung jour et deux nuytz.

« Item, et après avoir oy par ledit frère Nicolle les raisons dudit Entraigues luy dist que de parler audit sieur de Bommyers du fait desdits rachapts que ce n’estoit son fait et ne se cognoissoit en telles choses, maiz qu’il vauldroit myeulx que luy mesme parlast audit sieur de Bommyers et conversist avec luy dudit rembourcement, en quoy le trouveroit à son advis raisonnable. Et touchant le mariaige de ladite contesse avec sondit filz ne luy vouldroit porter la parolle ne luy en faire ouverture parce qu’il le savoit que incontinent prendroit cest affaire à cueur, le cognoissoit qu’il ne se fyeoit pas guères en luy et doubtoit qu’il ne l’eust suspect comme ung religieux qui estoit à Bommiers, car jà n’avoit parlé à luy six ou huit jours avoit, et que luy mesmes luy en feroit l'ouverture.

« Item, à ce respondit ledit d’Antraigues qu'il n’avoit pas grant actes audit sieur de Bommiers et n’estoit trop en la grâce et amour de la maison de La Trémoille à cause qu'il avoit maryé une sienne fille à monsieur de Jonvelle, frère dudit sieur de Bommiers, mais prioit ledit frère Nycolle faire ladite ouverture et trouver moyen que ledit sieur de Bommyers et ledit d'Azay parlassent ensemble et luy baïlla le moyen qui s'ensuit : Vous ditez que vous en allez à vostre couvent et passerés par le logis dudit sieur de Bommiers, lequel ditez estre mal disposé d’un cours de ventre; s’il vient à vous parler du fait de sa femme, demandez luy s’il scet riens et s’il oyt jamais dire que sa femme eust promins à ung autre paravant luy.

« Item, et s’il vous dit que non, ditez luy que vous avez oy dire qu'elle avoit promis à quelque jeune gentilhomme du pays; s'il vous demande son nom, faictes le ignorant et ditez qu’avez oy dire que c’est un gentilhomme du cartier de Buzancoys et du pais de Berry, maiz que ne le cognoissez sinon qu’on dit que c’est le fils d’un borgne, et alors il vous dira : C’est doncques le fils du

borgne d’Entraigucs, et vous luy respondrez alors que c'est moy, et par ce moÿen ferez l'entrée que parlerons ensemble. Mais aidés moy à le faire diminuer des deniers dudit rachapt et, par le Corps Dieu, je vous feré faire la plus belle verrière d'Amyans ne de tout vostre ordre, maiz ne luy ditez pas qu'il y ait consommacion de mariaige ne que mondit filz ait couché avec elle.

a [tem,eten cette conclusion se despartirent lesdits d'Azay et frère Nicolle, qui estoit environ de six à sept heures du matin, et le propre jour que le Roy partit d'Amyans pour aller veoir son camp à Ancre et de là s’en alla à Corbye. Lequel frère Nicolle revenant en son couvent passa par le logis dudit sieur de Bommiers, lequel à cause du cours de ventre qu’il avoit jà quatre ou cinq jours souffert et n'avoit dormy la nuyt, trouva qu'il s'estoit mys à reposer vers le matin et ne luy parla, ains dist à l’un de ses serviteurs qu’il luy dist quant seroit esveillé que ledit frère Nycolle le estoit venu veoir.

« Item, cedit jour ledit sieur de Bommyersne partit de sa maison au moins ne seroît venu au couvent des Minimes, pour quoy ledit frère Nycolle vint en son logis sur le soir environ cinq heures, luy fist l’ouverture que luy avoit dit ledit d’Azay et prindrent heure que ledit frère Nycolle manderoit audit d'Azay qu’il se trouvast le lendemain à la messe au couvent des Minimes et que ledit sieur de Bommyers se y trouveroit ; maiz ledit sieur de Bommyers ne actendit l’eure délibérée, ains sitost que ledit frère Nycolle fut party manda ledit d’Antraignes venir vers luy.

« Item, et ledit jour de lendemain ledit sieur de Bommyers vint oyr messe ausdits Minimes, narra audit frère Nycolle ce que luy avoit dit ledit d'Azay qui convenoit de la consommacion de mariaige ou peu s’en failloit, dist ledit sieur de Bommyers qu'il en vouluit aller parler au Roy, s’en vouloit venir au pays et demander au Roy son congé pour venir veriffier les parolles dudit d'Antraigues , le vouloit amener avec luy et l'envoyer quérir ladite monicion de Sainct-Jehan de Lyversay, et qu’il ne falloit que ledit frère Nycolle dist devant le Roy les parolles que luy avoit dit ledit d’Antraigues; au moyen de quoy ledit frère N ycolle auroit rédigé dès l'heure et mys par escript tout ce qui avoit esté dit et parlé entre ledit d'Azay et luy, qui est le contenu en ces présens articles, le auroit baillé a messieurs les premier président et advocat du Roy au parlement de Thoulouze, qui pour lors estoient à Amyens,

ausquelz il avoit notice et familiarité parce qu’il avoit presché le caresme avoit un an audit Thoulouze, où il y a ung couvent de son ordre, pour avoir sur ce leur advis et conseil comment se y gouverneroit, s’il failloit qu’il en fust appellé devant le Roy, lesquelz luy baïllèrent leur advis maïs pour ne divulguer la matière ne scandalizer les personnages auroit prins noms autres et supposicion de termes à ce qu’ils n’eussent notice des personnes.

« Item, et ce propre jour que ledit sieur de Bommyers avoit récité audit frère Nycolle ce que ledit d'Azay luy avoit dit rencontra ledit frère Nycolle, ainsi qu'il alloit par la ville d'Amyans, ledit d'Azay auprès son logis et abbaye Sainct-Martin ; lequel d’Azay le arresta et mena au dedans de l’église de ladite abbaye, luy dist : Je parlé à monsieur de Bommyers, maïz il ne vient point à bon point touchant son rembourcement; il ne veult riens perdre et pour ce nous ne ferons riens avec ceste femme qui ne consentira jamais ne ne dira riens si ses terres ne luy demeurent quictes, et plusieurs autres propos; et récita encores les mesmes parolles touchant le mariaige, copulacion charnelle, couchez nud à nud, alléez et venues de sondit filz et autres choses intervenues entre ladite contesse et sondit filz, et regardant Corpus Domini ayant la main levée dist: Je en appelle Dieu à tesmoing si je dy mensonge et en avoit fait plusieurs serment pardavant audit frère Nycolle.

« Item, dist ledit d’Antraigues audit frère Nycolle qu’il ne failloit point que ledit sieur de Bommyers procédast en son affaire contre ladite contesse par censures et rigueurs et qu'elle estoit si mauvaise que si elle n’estoit menée par gens de dévocion et qui luy remonstrassent son cas et le dangier ouquel s’estoit mise d’avoir contracté mariaige avec ledit sieur de Bommyers, que jamais ne viendroit au point ne diroit ou confesseroit la vérité du mariaige d'elle et de sondit filz, ne se consentiroit au divorce, et qu'il estoit d’oppinion que ledit sieur de Bommyers y devoit envoyer icelluy frère Nycolle et non autre, et icelluy d’Azay baïlleroit lectres de créance adressées à ladite contesse et bonnes enseignes, auquel seigneur d'Antraigues ledit frère Nycolle dit qu’il ne failloit sinon advertir le gardien de Myrebeau ou le confesseur de ladite contesse dudit mariaige et qu’ilz luy en feroient faire conscience et la induyroyent à en dire la vérité, aussi en parleroit à madame l'admiralle, et sur ces propos fut terminé le parler desdits seigneur d’Antraigues et dudict frère Nycolle.

« Touttes lesquelles parolles cy devant escriptes et récitées, je frère Nycolle de Voisins certiffie à moy avoir esté ditez par ledit d’Azay, sieur d’Antraigues, et ny avoir riens mué ne changé ou interpreté de ce que ledit d'Azay me dist, sinon que aucunes sont en ambiguité tant par ce qu'il les me dist ambigues ment comme aussi des aucunes que ay mis avoir oy ou retenu en ambiguité. Toutes les autres sont les siennes propres et les miennes à luy dites et replicquées sans en ce avoir fait addicion ne mutacion aucune, et en tesmoing de ce je signe ces présens articles de ma maïn, le neufiesme jour de novembre, l'an mil cinq cens et treize.

« F. N. ne Voisins. »

Chartrier de Thouars. Orig. papier.

1513 (v.s.)9 janvier. — Constatation de parenté à un degré prohibé entre le seigneur de Bommiers et sa femme:.

« Noble et puissant seigneur Jacques de La Trémoille, seigneur de Bommiers, Gençay, Mauléon et Prahec, conseiller et chambellain du Roy nostre seigneur, eagé de quarante sept ans ou environ, venant en personne à l’assignation à luy baillée en la court de céans, à l’instance de vénérable et discrète personne maistre Guillaume Oru, promoteur des causes d’office de la court de céans, sur le cas dont il est accusé. Qui est que combien [que] il, confessant, soit on tiers degré d’affinité avecques dame Avoye de Chabannes, contesse de

1. Edmond de Prye, premier mari d'Avoye de Chabannes, était fils de Louis de Prye et de Jeanne de Salezard. Celle-ci était elle-même fille de Jean de Salezard et de Marguerite, bâtarde de Georges de La Trémoille, grand-père du seigneur de Bommiers.

Dampmartin, néanmoins, depuys deux ans troys moys en Çà, ou environ, icelluy confessant a contracté mariage avecques ladicte de Chabannes, au lieu de Mirebeau, diocèse de Poictiers, et icelluy mariage consummé per carnalem

copulam:

« Après serment par luy fait aux sainctz Evangilles nostre Seigneur de dire

et confesser vérité :

« Interrogué depuys quel temps il a contracté mariage avecques ladicte de Chabannes, dit qu’il y a environ deux ans troys moys qu’il fut marié et contracta mariage avecques ladicte de Chabannes, avecques laquelle il a demouré en mariage, couché et habité comme avecques sa femme par l’espace de douze ou treize moys, et jusques ad ce qu’il a esté adverty qu'il et ladicte de Chabannes estoient de parenté et affinité et en degré prohibé pour contracter et dirimer mariage. Et dit que depuys qu’il a esté adverty dudit degré et empeschement, il s’est abstenu de habiter et converser avecques ladicte de Chabannes; et depuys que ledit empeschement est venu à sa notice, il n’a eu la compaignée charnelle de ladicte de Chabannes.

« Interrogüé si, auparavant qu’il contractast mariage avecques icelle de Chabannes, il ne savoit pas bien qu’il y avoit empeschement entre eulx par quoy il ne pouvoient ensemble contracter mariage. Dit que auparavant ledit mariage il savoit bien que ladicte de Chabannes luy attouchoit en quelque degré d’affinité, ne sçait toutesfoys en quel degré, maïs dit, parce que ledit degré d’affinité venoit entre eulx, et du cousté d’icelle de Chabannes, à cause de la bastarderie, il cuidoit que cella ne peust empescher mariage entre eulx; et quant il eust pensé empeschement estre entre icelle de Chabannes et il, confessant, il ne l’eust jamais expousée sans dispence.

« Interrogué si de ce il en veult croyre ladicte de Chabannes, dit que non, parce qu’il ne sçait que voudroit dire ladicte de Chabannes.

« Luy a esté remonstré qu’il et ladicte de Chabannes sont constituez en tiers degré d’affinité ; et que pour ce moyen ne pouvoient et ne peuvent demourer ensemble oudit mariage, et en ce faisant ont grandement délinqué. A dit et respondu qu'il a contracté ledit mariage avecques ladicte de Chabannes ignorant que entre eulx y eust aucun empeschement ; et quant il eust sçeu aucun empeschement estre entre luy et ladicte de Chabannes, il ne l’eust

jamais expousée sans dispence, comme dessus a dit. Et s’il a délinqué en ce faisant, il s'en soubzmect à la juridiction et cohercion de la court de céans.

« Et est ce qu’il confesse.

«a Ainsi signé: P. Jaquelin, greffier et commis en ceste partie, pour avoir ouy et interrogué ledit sr confessant.

«a P. JAQUELIN, pour coppie et collation faicte à l'original. »

Chartrier de Thouars. Original.

1514. — Noms de témoins qui déposèrent dans le procès de divorce de Jacques de La Trémoille, seigneur de Bommiers, et d'Avoye de Chabannes.

« Très révérend père en Dieu mons' Tristand de Sallezard, archevesque de Sens, aagé de soixante sept ans ou environ. »

« Noble seigneur messire Galloys de Sallezard, chevalier, seigneur de Las Estrèves, Courcy, de Vauvillier, aagé de soixante cinq ans ou environ. »

« Dame Claude d’Angleuze, femme de noble seigneur messire Galays de Sallezard, chevalier, seigneur de Las, diocèse d'Orléans, aagée de quarente cinq ans ou environ. »

« Noble et puissant seigneur messire Lancelot de Salazart, chevalier, seigneur de Marcilly sur Seine, aagé de soixante ans ou environ. »

« Vénérable et discrète personne monsr Me Jehan de Salazard, archidiacre de Gastinoys en l’église de Sens, aagé de vingt sept ans ou environ, fils de "Lancelot de Salazard, seigneur de Marcilly. »

« Damoiselle Radegonde de Sallezard, fille de messire Lancelot de Sallezard, en son vivant, Fes seigneur de Marcilly, aagée de quinze ans ou environ. »

« Noble homme Jacques de Sallezard, escuyer, homme d’armes de la compaignie de mons' de La Trimoille, aagé de vingt quatre ans ou environ. »

« Noble homme Loys de Charry, escuyer, seigneur de Vendosme ou diocèse de Nevers, aagé de quarente cinq ans ou environ. »

« Noble homme Jehan du Hamel, cappitaine de Pithiviers, » interrogé en son hôtel audit Pithiviers, diocèse d'Orléans.

« Noble et puissant seigneur messire Lancelot du Lac, chevalier, seigneur de Chamerolles, conseiller chambellan ordinaire du roy, gouverneur bailly d'Orléans, cappitaine de cinquante lances des ordonnances dudit seigneur, aagé de quarente six ans ou environ. »

« Noble homme Pierre de Razines, escuier, s' d'Auvers, cappitaine de Valoignes, âgé de trente cinq ans ou environ, » interrogé à Mirebeau.

« Noble homme Artus Scolyn, escuyer, seigneur de Bellebaste, eagé de de trente ans ou environ, » interrogé à Mirebeau, dit que Jacques de La Trémoille épousa Avoye de Chabannes « publicquement en face de sainte Eglise en la chapelle du chasteau de Mirebeau..… Dit toutes voyes qu’il ne fut pas présent à la bénédiction nuptiale... parce quelle fut faicte bien matin, au paravant qu’il fut levé du lict, combien qu’il fust le dit jour cousché en la dicte ville de Mirebeau. Dit toutes voyes qu’il fut au disner des dictes nopces et aussi avoit esté le soir précedent ès fiansailles faictes.. »

« Colin Trehuet, archer de la compaignie de monsr de La Trémoille, aagé de quarente cinq ans, » interrogé à Mirebeau.

« Noble homme et puissant messire Jacques de Veilhan, chealies. seigneur du dit lieu de Veïilhan et de Brunay, gouverneur du Puizay , eagé de cinquante ans ou environ, » interrogé à Mirebeau, dit qu'Avoye de Chabannes « veufve de feu messire Aymond de Prie, chevalier, seigneur de Busençay », fut « induicte et requise » d’épouser Jacques de La Trémoille « tant par lettres du feu roy Loys douziesme, dernier deceddé, que par les parens dudit de