LAVAL

« Pour satisfaire à ce qui reste estre païé du mariage avec feu monseigneur François en l'an mil cinq cens vingt un, par arrest de la court, est deu mil dix-huict livres, trois solz, six deniers de rente, chascun an le vingt troisiesme febvrier, et jusques à ce que le seigneur de La Val ayt baillé terre en assiette de la valleur de ladicte rente, laquelle valleur et estimation doibt estre [...] au temps du contract, comme il est porté par ledict arrest,qui depuis par autre a esté confirmé en l'an mil Ve soixante dix-huict; les arrérages de ladicte rente ont esté payez et ceux qui restent jusqu’au viagt-troisiesme febvrier prochain qu’on dira mil cinq cens quatre vingtz dix huict ont esté baïllez tant par feue madame que monseigneur par assignations de pareilles sommes de deniers deuz à tierces personnes, dont chascun a son assignation pour demeurer quitte et

monseigneur de pareilles sommes que portent les assignations ; aussi par arrest avoit esté adjugé un tiers et un quart de la succession de messire Guy de La Val, qui est un douzciesme en total, laquelle portion monseigneur a depuis vendue à madame de La Val, qui est à présent, pour la somme de quinze mil cinq cens escus.

« Desquelles terres cy-dessus monseigneur de La Trémoillecomme aisné est fondé de prendre en chascune coustume un précipu avec les deux tiers : |

« En Poictou, de la terre de Thouars ;

« En Anjou, de la terre de Craon;

« En Orléans, de la terre de Suilly ;

« En Thourayne, de l’Isle-Bouchard ;

En Berry, de Bommiers ; Et en Lodunoys, de Berrye.

« Et du costé maternel, prend précipu et les deux tiers en la terre de Mongriffon. |

« En Sanctonge, mondict seigneur comme aisné est fondé de pren-

dre par précipu le chastel et le quint du revenu et le parsus se doibt partager égallement entre madame la princesse et luy.

« Les terres de Sanctonge sont : |

«a Taillebourg,

« Didonne et Meschers,

« Mornac.

« Toutes les autres terres se partagent parles deux partz et letiers: savoir * Talmont, Montaigu, Saincte-Hermine, Mareuil et La Vieiïlle- Tour, La Cheze-le-Vicomte, Curzon, Mauléon, La Trémouille, Doué, Rochefort, La Possonnière, les mil dix-huict livres, trois solz et six deniers, par madame de La Val.

CHAPPITRE DES DEBTES PASSIVES ANTIENNES ET DU TEMPS DU FEU MONSEIGNEUR.

«a Est deu à monsieur de Mirpois, cinquante mil livres.

« À madame de La Bourdaissière, huict mil escus et les arrérages de la vente de ladicte somme de sept ou huict années, assignés sur Bommiers. |

« À la fabrice du Puy-Nostre-Dame, quatre cens livres de rente assignées sur Doué.

« Plus, madame la comtesse de Sanserre a certaines prétentions et réserves de meubles et autres droictz tant sur les partages que par transactions faictes à Poictiers en l’an mil cinq cens quatre vingtz deux.

« Plus est deu à Bousset douze cens escuz.