MISES ET DESPENCES
« Premièrement, pour l'ordonnance de la despence de la maison de Monseigneur suyvant son estat, ont esté fournyes à M° Estienne Lucazeau, 17768 livres, 10 sols.
« À Guy Dutillet, escuyer, pour ses gages, la somme à 32 liv., 4 sols.
« Le 13° apvril a payé pour le gardien des cordeliers qui a presché le caresme, 37 liv., 12 sols.
« Pour la pension de deux années de madame Charlotte, religieuse à Fontevrault, la somme de 240 liv.
« À Adrien de Fonbernyer,escuyer, seigneur de La Guyÿonnière, quinze escuz sol, qu'il a pleu à mondit seigneur luy donner pour le recouvrement des lectres touchant le sel pour en estre payé en espèce de sel par le mandement de mondict seigneur et acquict dudict de Fonbernyer, vallans lesd. quinze escuz la somme de trente quatre livres dix sols, pour ce cy, 34 livres 10 sols.
« À Guillaume de Caydeu, escuyer, seigneur de Couhé, lasomme de quarante six livres qu’il a pleu à mondit seigneur luy ordonner pour certain voiage faict à Poictiers,... pour ce cy, par acquit dudict de Caydeu, 46 liv.
.« Pour l’estat de madame de ladicte année, scelon l'ordonnance et estat de monseigneur, la somme de 301 livres.
« Pour la pension de monsieur Françoys à madame de La Fougereuse, 150 livres. ©
« À madame de Montpencier, la somme de deux mil livres tournoys sur son deu des fruictz de Briollay, montans en tout, par la liquidation faicte par arrest de la Court, la somme de troys mil quinze livres, a ledict Mauger payé lad. somme de deux mil livres, comme appert par le mandement de mond. seigneur et aquict de ladicte somme deladicte dame, d'elle signé et de son secrétaire, pour ce cy, 2000 liv.
