VOYSIN
Chartrier de Thouars. Orig. pap.
1538, 15 novembre. Thouars. — Nomination par François de La Trémoille de deux procureurs pour traiter du futur mariage de Louis, prince de Talmond, son fils aîné, avec la fille aînée du connétable de Montmorency.
« Nous Franczois, seigneur de La Trémoille, chevalier de l’ordre, gouverneur et lieutenant général pour le Roy en Poictou, comte de Guynes, de Benon et de Taillebourg, vicomte de Thouars, prince de Thalmond, baron de Craon, de Suly, Montagu et L’Isle-Bouchard, seigneur des isles de Ré, Marans et Noirmoustiers. Comme le bon voulloir du Roy, nostre sire, et la Royne de Navarre soit que Loys de La Trémoille, nostre filz aisné, et la fille aisnée de Monsieur le connestable soient conjoinctz par mariage, savoir faisons nous avoir commis et depputez, commectons et depputons noz chers et bien amez maistre Jehan de Sainct-Avy, abbé des Pierres, Franczois d’Availloles, sieur de Ronssée et Jehan de Ravenel, sieur de La Rivière, ausquelz nous avons, de nostre plain pouvoir et commandement espécial, pour sur ledict mariage entendre le bon plaisir du Roy, nostredict seigneur, de la Royne de Navarre
et dudict seigneur connestable, leurs commis et depputex, affin de traicter les articles et convenances sur ledict mariage futur o le bon plaisir dudict Seigneur et Royne de Navarre. Et, en tesmoing de ce, nous avons signé ces présentes de nostre main et faict sceller du scel de nos armes.
« Donné en nostre chastel de Thouars, le quinziesme jour de novembre, l’an mil cinq cens trante huit.
« F. pe La TRréuorizcz. »
Chartrier de Thouars. Orig. parchemin.
IT
1541 (v.5.), 9 janvier. Fontainebleau. — « Lectres patentes du gouvernement de La Rochelle, Poictou, Xainctonge et aultres lieulx estans le long de la rivière de la Charente, pour monseigneur Loys de La Trémoille, vicomte de Thouears.
« Francois, par la grâce de Dieu, roy de France, à tous ceulx qui ces présentes lectres verront, salut.
« Comme nous eussions cy-devant commis et estably feu nostre cousin le seigneur de La Trémoille, derrenier déceddé, nostre lieutenant-général en notre ville de La Rochelle et pays d'environ, Poictou, Xaintonge et autres lieux estans le long de la rivière de la Charente, et soit ainsi que nostre cousin soit puisnaguères allé de vye à trespas, au moyen de quoy est besoing pourveoir à ladicte charge de personnaige qui nous soit seur et féable. Savoir faisons que nous, confians à plain de la personne de nostre cher et amé cousin Loys, seigneur de La Trémoille, son filz aisné, et de ses sens, suffisance, vertuz, vaillance, loyaulté, preudommye, expérience et bonne dilligence, aussi pour l’espérance que nous avons que, à l’ymitation de sondict père et de ses
prédécesseurs, il sera pour bien fidellement et loyaulment s'acquitter de ladicte charge, icelluy, pour ces causes et autres bonnes considérations à ce nous mouvans, avons faict, constitué, ordonné et estably, faisons, constituons, ordonnons et establissons, par ces présentes, nostre lieutenant général esdictes ville de La Rochelle, pays d'environ, Xaintonge, Poictou et autres villes et lieulx estans le long de ladicte rivière de La Charente, et luy avons donné et donnons plain pouvoir, auctorité et mandement espécial de vacquer et dilligemment entendre à tout ce qu’il verra y estre requis et nécessaire, pour le bien, seureté et deffense desdictes villes, lieulx et pays; et pour ce faire, selon que l'affaire le requerra, la faire pourveoir, fortiffier et remparer le mieulx que possible sera, assembler et faire venir par devers luy tous les seigneurs gentilzhommes et autres, de quelque quallité et condition qu’ilz soient, demourans esdicts lieulx et pays, pour adviser et délibérer avecques eulx ce qui sera utile, nécessaire et proffitable pour le bien et seureté desdicts lieulx, villes et pays, et leur commander et ordonner ce qu’ilz auront à faire pour nostre service, de mander aussi et faire assembler, si besoing est, noz ban et arrière ban, communaultéz, gens de villes et plat pays pour iceulx employer et exploicter au reboutement de noz ennemiz et empescher qu’ilz ne facent aucunes descentes en nostre royaulme le long de ladicte rivière de Charante, d’entrer fort et foible en nostredicte ville de La Rochelle et aultres lieux, villes et places dessusdictes, pour regarder et adviser en quel estat elles seront et commander et ordonner tout ce qu’il cognoistra que besoing sera pour la deffense et conservation d’icelles, et y, mectre telz cappitaines et nombre de gens qu’il advisera, pour le myeulx, en manière que inconvénient n’en puisse advenir, de [....] et ordonner de tous voyages, sallaires et vaccations qu’il conviendra faire pour l’effect que dessus, et sur ce baïller ses ordonnances signées de sa main et scellées de son scel, suyvant lesquelles nous ferons expédier acquictz suffisans et vallables à ceulx qui feront lesdicts payemens, et génerallement de faire en ceste présente charge, ses circonstances et deppendances, tout ce que ung lieutenant général et bon chef doit faire, en telle forme et manière que nous mesmes ferions et faire pourrions si présent y estions en personne, jaçoit que la chose requis mandement plus espécial ; et ce jusques à ce que par nous autrement en soit ordonné. Sy donnons en mandement par
cesdictes présentes à tous nos lieuxtenans, baïilliz, seneschaulx, gouverneurs, cappitaines et autres noz justiciers, officiers et subjectz, que à nostredict cousin le seigneur de La Trémoille ès choses dessusdictes ilz obéissent et facent obéyr et entendre dilligemment tout ainsi que à nostre propre personne, sans y contrevenir en quelque manière que ce soit, car tel est nostre plaisir. En tesmoing de ce avons signé ces présentes de nostre main et à icelles faict mectre nostre scel.
« Donné à Fontainebleau, le neufiesme jour de janvier, l’an de grâce mil cinq cens quarante et ung et de nostre règne le vingt huictième.
« FRrançoys.
« Par le Roy, le conte de Buzances, admyral de France, présent,
« Bayanr». »
« Leues et publiées en jugement en la court ordinaire de la séneschaussée de Poictou tenue à Poictiers par nous François Doyneau, lieutenant-général, et enregistrées au greffe de ladicte court, ce requérant le procureur du Roy comparant par maïistre Philippes Arembert, le derrier jour de febvrier l'an mil
cinq cens quarente et ung.
« P. Rosx, greffier. »
Chartrier de Thouars. Original parchemin. Sceau perdu.
1542. 7 mai.— « S'ensuyt ce qui a esté dict à propous de la part de madame de La Trémoille en présence de monsieur le lieutenant général de Poictou, et des principaulx gentilzhommes, conseil et serviteurs de la maison le VIT jour de may mil V:XLITI.
« Suyvant ce que monseigneur monsieur de La Trémoille veut entendre et scavoyr les droictz qui apartiennent à madame madame sa mère, qui seront icy
après mys par déclaration. Item que ladicte dame aïct voulloyr ne intencion départir ou diviser la maison mays icelle entretenir en son entyer et augmenter, se elle peult, et vyvre avec madame de Taillebourg, sa mère, monsieur son filz et ses aultres enffans, et du tout faire selon le bon plaisir du Roy auquel elle entièrement s’en soubzmect pour faire ce qu’il luy plaira ordonner.
« Premyèrement, appartient à madicte dame la moictié des meubles desquelz elle a commancé à faire faire inventaire par les officiers de Thouars, en présence des principaulx gentilzhommes et serviteurs de la maison, du voulloir de mondict seigneur son filz, lequel reste à parachever et le faire recoller en présence dudict seigneur ou de gens qu’il vouldra commectre. Et affin que lesdicts meubles demeurent perpétuellerment à la maison, ladicte dame s’en départira vouluntiers mays qu'elle ne soit tenu aux debtes, et de ce faire prie et requiert mondict seigneur son filz bien instamment.
« Plus, appartient à ladicte dame son douayre coustumyer ou préfix par provision, tout ainsi qu’il sera advisé par les encyens serviteurs et conseil de la maison et aultres gens de bien qu’ilz verront.
« Plus, luy appartient la moictié des acquetz et conquestz faictz constant le mariage de feu monseigneur et de madicte dame, qui sont la moictié de deux mil sept cens livres de rente qui auroient esté constituez à madame de Busset pour son dot et assignation de denyers, et pour ses acquestz qui luy appartenoient par le mariage de feu monseigneur Loys de La Trémoille et d’elle, laquelle rente a esté acquise et rachaptée par feu mondict seigneur de La Trémoille constant le mariage de luy et de madicte dame.
« Plus, la moictié de la terre et seigneurie de Bourgnouveaulx qui a esté retirée au nom de madicte dame, comme parente de feu monsieur de P[......] qui l’avoit vendue.
« Plus, la moictié de la terre et seigneurie du Pressouer-Bachellier, acquise par feu mondict seigneur constant ledict mariage, et d’aultres acquestz et droictz qui seront plus aplain mys par déclaration, et d'iceulx fera aparoir par les contractz qui sur ce ont esté faictz et passez, et du tout ladicte dame s’en rapporte aux enciens serviteurs de la maison, à monsieur le lieutenant de. Poictou et aultres gens de bien que mondict seigneur son filz vouldra choisir pour y veoir et le prie qu’ilz vivent ensemble comme ilz ont acoustumé.
s Et ce néantmoins pour le grand désir que ladicte dame avoyt de faire service à madame de Taillebourg, demeurer avec elle et messieurs ses enffans, offrit que tout ce qui luy apartiendroit feust receu par leur recepveur général, comme il avoit de coustume, pour contribuer à la despence de la maison, selon les gens qu'elle retiendroict, et le surplus estre amployé aux affaires de ladicte maison sans rien diviser.
« Ou bien que s’il sembloit mieulx audicte seigneur son filz que ladicte dame sa mère, feist sa despance à part, qu'elle le feroit vouluntiers pour seullement demeurer en la compagnie de madicte dame de Taillebourg et sesdicts enffans. A quoy ledict seigneur son filz aisné ne voulut entandre et déclara qu’il voulloit vyvre avec madicte dame de Taillebourg et prandre avoyr et jouyr des droictz d’icelle et des siens et faire partaige des meubles, dont ladicte dame s’en soubzmist à en croyre et accorder tout ce qui seroit advisé par mondict sieur le lieutenant, les gentilzhommes de la maison et aultres gens de bien, pendant qu’il plairoit au Roy et à la Royne de Navarre d’y faire veoir et en ordonner à leur bon voulloyr et plaisir pour le bien et entretenement de ta maison.
« Et le landemain, en présance de mondict sieur le lieutenant, des gentilzhommes et damoiselles de la maison et aultres gens de conseil, en passant l’appoinctement d’entre eulx, ladicte dame en plorant requist audict seigneur son filz et le prya, puisqu'il luy avoyt desnyé vyvre en la compagnye de madicte dame de Taillebourg, de luy et de ses frères, qu’il eust considération ad ce qu'il la faisoit renuncer à son douayre costumyer à elle apartenant par la coustume du pays après le décès de madame de Taillebourg, qui se pouvoyt monter deux foys autant que son douaire préfix. Et aussi qu’on luy retenoit douze cens cinquante livres de rente que à elle appartenoient de ses acquestz, soubz coulleur de quelque reddicion de compte de l'administration des biens de ladicte dame de Taillebourg faicte par feu monseigneur, son père, qui est une invention desraisonnable, que ledict seigneur son filz luy feist quelque suplément de son douayre de huict cens ou mil livres de rente, comme feu monseigneur son père avoit faict à madame de Busset, sa belle-mère ; et toutesfoys n’eurent aulcun effaict ny la remonstrance et prière ny les pleurs de ladicte dame à l’endroict dudict seigneur son filz, ains fut au contrayre passé
et ordonné, par l'appoinctement faict entre eulx, que ladicte dame fut contraincte accorder voyant que aultre raison elle n’en pouvoyt avoyr, comme du tout ladicte dame s’en rapporte à mondict seigneur le lieutenant, aux gentilzhommes, damoiselles et aultres gens de bien qui estoient présens.
« Et combien que, par ledict appoinctement, feust dict et accordé que ladicte dame auroit quatre mil cinq cens livres de rente en assiette pour son douayre, toutesfoys deppuys on ne luy a voulu faire délivrance, si non à la valleur des fermes, des terres, et plus hault que lesdictes fermes ne montent, comme du tout apert par les appoinctemens sur ce faictz, que ladicte dame a esté contraincte accorder soubz les protestacions qu’elle a faict à part voyant qu’on ne luy voulloit mieulx faire et que ledict seigneur, son filz, avoit déclaré qu'il n’en feroit aultre chose, et qu’elle le mist en procès, si bon luy sembloyt, comme du tout elle s’en rapporte aux gens de bien qui estoient présens, combien que ladicte dame eust faict offrir audict seigneur, son filz, qu’elle prandroit voluntiers, néanmoins qu’elle ne fust tenue, l'assiette de sondict douaire, scelon la valleur des terres à estre compté et calculé par les comptes de neuf années ainsi qu’il avait esté faict à ladicte dame de Busset.
« Et bientost après ledict seigneur emmena ladicte dame de Taillebourg et les aultres enfans à Berrye, délaissa ladicte dame, sa mère, seulle audict lieu de Thouars et feyt fermer le Parc Chalon, où l’on prend le boys pour la provision de la maison.
« Et quelques jours après ledict seigneur de retour de Berrye audict Thouars pour ses affaires, ladicte dame sa mère luy remonstra comme il avoit faict fermer ledict parc et qu’elle ne scavoit ou prandre de boys, d’autant que le pays en est stérile, et que c’estoit ung estrange traictement faict du filz à la mère; à quoy ledict seigneur feyt responce que cela n’estoit poinct en son contract, et a convenu à ladicte dame jusques à son partement dudict Thouars achepter le boys et ses aultres provisions au marché et vivre à part toute seulle car ledict seigneur de La Trémoille faisoyt aussi sa despence à part, et a esté ladicte dame ainsi toute seulle ung moys et demy en assez piteux estat, comme peuvent scavoir les gens de bien et d'honneur qui la peurent veoir ausquelz elle s’en rapporte.
« Et encores auparavant avoyt ledict seigneur deffendu à son recepveur de
Thouars de ne bailler aucune chose de sa recepte fors audict seigneur seullement et par son commandement et non à aultre.
« Et deppuys ledict seigneur feyt faire partage des meubles et manda quérir ung orfevre à Tours pour faire extimer les bagues, et contragnyt ladicte dame sa mère, inventorier et réprésenter ses abillemens combien qu’elle voulut et offrit que les abillemens dudict seigneur, son filz, qui estoyent de plus grande valleur luy demeurassent, en délaissant aussi à ladicte dame, sa mère, ses abillemens sans les faire inventorier, ce néanmoins fut proceddé, à l’instance et refus dudict seigneur, à l’inventaire, exibicion et représentation desdicts abillemens et fut contraincte ladicte dame de La Trémoille de exiber jusques à ses manchons.
« Et en faisant partage desdicts meubles fut à ladicte dame reproché par Jacques, certain serviteur dudict seigneur son filz, et en sa présence et en grande et bonne compagnie, que icelle dame ne aymoit poinct ses enfans, qui est une trop grande injure à elle faicte par le soustien et souffrance dudict seigneur son filz.
« Item, et comme au moyen de la division, aulcunes des damoyselles de la compagnye de ladicte dame se retirassent et fussent emmenez les coffres de leurs abillemens et aultres besognes, après ce que les coffres de la dame du Cluzeau furent chargez et jà charroyez jusques au meillieu de la ville de Thouars, furent en la place pubkcque du marché, par les gens dudict seigneur, arrestez, sequestrez, ouvertz, visitez et detenuz jusques au lendemain pour veoir si ladicte dame de La Trémoille y avoit rien faict mectre de meubles de la maison pour les receller.
« Item, et non content de ce ledict seigneur envoya toute suicte de Berrye à Thouars troys gentilzhommes pour faire le guet au chasteau, lequel feyrent par deux ou troys jours et nuictz en habitz dissimulez que aultrement, néanmoins que dez le premier jour que ladicte dame en feust advertye eust offert aux gens et officiers dudict seigneur, son filz, ouvrir ses coffres qui de faict furent ouverts et ses meubles mys en évidence pour veoir s’il y avoit aultre chose que ce qui luy estoyt tombé en son lot.
« Îtem,et nonobstant tout ce, fut reproché à ladicte dame que sans avoir faict faire ledict guet et y avoir bien prins garde elle eust faict tout emporter et
emmener lesdicts meubles, dont ladicte dame requist acte qu’elle ne peut avoyr.
« Item, et pour faire plus grande injure à ladicte dame, comme elle eust, par l’advis du conseil et anciens serviteurs de la maison, affermé la terre de Craon, ledict seigneur son filz, estant à la court, pour luy sourvenir tant pour ses despenses et à ses aultres affaires, icelluy seigneur, de retour de la court, envoya audict lieu de Craon et feyt à cry public inhibitions et desfenses de non payer les droictz de ladicte seigneurie au fermier et à luy de ne se ingérer en sadicte ferme, et ce néanmoins deppuys luy a baïllé ladicte ferme à mesmes pris et à plus grands avantages que ne avoit faict ladicte dame.
« Item, et oultre, a envoyé ledict seigneur ès terres de madame la contesse de Taillebourg et faict faire à son de trompe et cry public inhibition et desfenses que les subjectz n’eussent à payer les devoirs aux fermiers à qui feu monseigneur de La Trémoille avoit affermé lesdictes terres et ausdicts fermiers de non plus se ingérer et entre mectre ès lesdictes fermes.
« Et à la fin commença ladicte dame s’en aller toute seulle à chevaulx d’emprunctz et de louage, sans ce que ledict seigneur, son filz, luy ayt faict raison des siens et de ceulx dudict feu seigneur de La Trémoille, son père, ny luy avoir offert de luy en ayder et en pre’ter aucun d’eulx, ny de l'argent, si elle en avoit deffault, ainsi la laissa aller toute seulle avec les gens d’elle seullement de la ville de Thouars, et après la trouva à une lieue de Thouars et la conduisit jusques à Berrye et non oultre, ouquel lieu ladicte dame de La Trémoille alla prendre congé de ladicte dame contesse de Taillebourg et dire adieu à son petit filz le jeune.
« Et où ledict seigneur, filz de ladicte dame, se vouldroict plaindre de ce que les gens d’elle auroient vendu sa part des meubles, de boys, du chasteau de L’Isle-Bouchart, ce a esté après que ladicte dame auroict offert de les laisser audict seigneur, son filz, en les prenant pour le prix qu’ilz avoient esté extimez par les officiers dudict lieu, officiers dudict seigneur, et encores de luy en bailler rescompense en aultres meubles qu’il ne voulut accepter, ains feyt escripre à ses gens estans audict lieu de L'Isle Bouchard, qu'il n’en vouloit poinct.
« Et ou par le semblable il se vouldroict plaindre et faire [.....] comme ladite dame du partage qui a esté faict du manteau de l’ordre dudict feu sei-
gneur, ladicte dame l’eust voluntiers quicté, n’eust esté l’injure qui luy avoit esté faicte de luy faire exiber et représenter ses propres habillemens et jusques à ses manchons et abillemens de teste, et davantage que ladicte dame n'en sceut jamais avoir récompense en aultres meubles, comme elle n’en a poinct eu de la pluspart des meubles, de boys, des chevaulx dudict feu seigneur de La Trémoille et dudict seigneur, son filz, ensemble de ses abillemens, ains quant il veyt que sesdicts habillemens estoient de plus grande valeur [..... ] et oultre la moictié, feyt rapporter à ladicte dame sa mère [..... ] luy avoit faict exiber et inventorier ses robbes et abillemens n’estoit pour en avoir sa part et n’en peult avoyr aultre raison ladicte dame de La Trémoille. »
Chartrier de Thouars. Pièce papier.
1543 (v.s.), 3 février. — Enquête au sujet d’un combat naval entre Olonnais et Espagnols.
« Faict par nous Jehan Chambret, escuyer, licencié es loix, senneschal de Noirmoustier, prins pour adjoinct avecques nous Jacques Gaillard, greffier de Thouars, le tiers jour de feubvrier, l’an mil cinq cens quarente troys.
« Honneste personne Lucas Droyneau, l’esné, demeurant à Noirmoustier, aagé de cinquante cinq ans ou environ, après ce que luy avons faict faire serment de dire vérité, a esté par nous interrogé et oy sur les charges et informations contre luy faictes ainsy qu’il est cy après. Confesse ledict Droyneau libérallement qu’il est natif dudict ysle de Noirmoustier et y avoir demeuré la plus grande partie du temps, comme encores faict à présent, et dict qu’il y a eu ung an, dès la feste de sainct Jehan, dernière passée, que Monseigneur luy baïlla la garde du chasteau dudict ysle de Nermoustier, ainsi qu’il dit aparoir par une
lectre ou deux, signées dudict seigneur, qu’il a en sa maison, et ad ce moyen a prins la garde dudict chasteau, et durant la guerre qui y a esté durant ledict temps a donné ordre audict chasteau par manyère que les Espaignolz ne aultres adversaires n’y ont entrez, combien que ordynairement y eust gallyons d’Espagne, challouppes qui alloyent par mer et passoyent tout le long de la couste dudict isle qui estoyent esquippés en guerre. Et encores dit que yena de présent nombre de gallions parce qu’ilz se retirent à l’isle Dieu, qui n’est que à quatre lieues dudict hisle de Nermoustier, et que de la terre dudict hisle l’on voyt ledict lieu de l’isle Dieu et gallyons y estans et en [.....]en ceste ville qui est despuys quatre ou cinq jours aperceut ung gallion qui estoyt au travers de sainct Jehan de Mons, en mer.
« Sur les informations enquys
« Dict que six ou sept jours auparavant la feste de sainct Mychel dernière, ne scet quel jour, luy estant au chasteau apersceut en mer du cousté devers l'isle du Pillier, deux grandes challouppes, qui sont navyres de guerre, avecques deux gallyons d’Espaigne qui estoyent près ledict Pillier en mer à l’ancre en actandant s’ilz trouveroyent quelque prinse, et dit que cedict jour apersceut, environ mydi, une flotte de navyres qui estoyent jucques au nombre de dix-huyt qui venoyent en mer par ung lieu que l’on appelle Belles-Eaux, droict à la Cheze qui est la terre dudict Nermoustier et où abordent les navyres quant les gens viennent en ladicte hille. A ceste cause, feit dilligence de faire assambler là, comme pour aller au davant desdicts navyres, parce qu’ilz ne scavoyent si elles estoyent francoyse ou du party au contraire. Et s’en alla ledict confessant," ensemble le commun des habitans de ladicte ville avecques luy, jusques au nombre de cinq censet plus enbastonnez, audict lieu de la Chèze, où illecques par lesdicts navyres leur fut montré une ensigne de France, au moyen de quoy les lessèrent aborder et congnurent que c’estoyent Aullonnoys, et vindrent les maistres des navyres jucques au nombre de sept ou huyt en leurs petis bateaux qui descendirent à terre, dont il congneut ung nommé Gendron et . aultres qui estoyent d’Aullonnoys, lesqueulx maïistres des navyres disoyent qu’ilz voulloyent aller descharger à Sainct Paol en Bretaigne et qu’ilz estoyent chargez de vins, mays qu’ilz voulloyent venir à la ville pour eulx repatrier, aussi que le temps estoit maulvays pour aller leur rotte.
« Dict que sur ce il commença à leur dire qu’il y avoit au Pillier, qui est à deux lieux de là, deux challuppes et deux gallions d’Espaigne qui actendoyent et que pour ce s’en prinssent garde, et qu’il y avoit ung des gallyons qui suyvoit une petite barcque dudict hisle pour la prandre, toutesfoys qu’elle avoyt gaingné terre. À ceste cause, lesdicts maïistres de navires parlementoyent ensemble et aussi luy confessant et advisoyent pour le myeux qu’ilz retourneroyent en leursdictz navires et n’oteroyent la voille, ce qu’ilz firent, et, en leur départant, luy dirent lesdictz maistres aullonnoys : si par fortune nous touchons à terre, qu’ilz eussent à leur secourir. Ce que ledict confessant dist qu’il le feroyt et actendroyent tout le jour, luy et lesdictz habitans, ce que aussi firent. Dict que ainsi que lesdictz Aullonnoys eurent drissé leurs voilles et qu’ilz s’en alloyent, apersceut lesdicts deux gallyons d’Espaigne qui s’en venoyent droyt ausdicts Aullonnoys, et lors il commença à dire à sesdictes gens que lesdicts Aullonnoys et Espaignolz se baptroyent voulluntiers. Et dit aussi que deux ou troys heures après aperceurent les deux challuppes qui s’en venoyent à ladicte flotte et estoyent du cousté du lieu que l’on appelle le Vieil, au moyen ledict confessant et ses gens s’en allèrent audict lieu du Vieil où illecques virent comment l’une desdictes challouppes se baptoit avecques lesdictz Aullonnoys, lesquelz ilz [...] et estoient sur les rochiers de distance d’une portée d’arbaleste où ils se baptoyent. Et dit que l’autre challouppe ne peult venir au secour de l’autre au moyen des rochiers qui y estoyent et n'estoyt si bonne à la voille comme l’autre. Dict qu’ilz furent plus de deux heures à leurs combatres et finablement lesdictz Aullonnoys gaingnèrent ladicte chappelle à La Chèze où ilz retournèrent où pareillement ledict confessant et sesdictes gens allèrent. Et dict que incontinant amenèrent les blessez à terre pour les faire panser, dont entre aultres y en eut deux Aullonnoys, que ledict confessant fit porter oudict hille pour les pensser dont l’ung mourut le lendemain au matin et l’autre dix ou douze jours par après. Et quant est desdictz Espaignolz estans en ladicte challuppe ne furent mys à terre. Et parce qu’il estoyt tart s’en retira et sesdictes gens et s’en alla coucher audict chasteau. Dict que le landemain au matin, il s’en retourna en ladicte Cheze et trouva que jà lesdicts Aullonnoys avoyent mis à la terre lesdicts Espaignolz en ladicte hille, que voyant et aussi maistre Martin Moreau, procureur de la
court, et plusieurs aultres qui estoyent allez avecques luy, gardoyent lesdicts Espaignolz ne vinssent en la ville parce qu’ilz ne voulloyent qu'ilz y vinssent. Au moyen de quoy lesdicts Aullonnoys lhouèrent une barcque d’ung nommé Turcquet et luy baillent demy pippe de vin et deux cens pains pour emmener lesdicts Espaignoiz d’un aultre cousté à la grande terre. Et dit que lesdicts Espaignolz furent mys en la grand barcque dudict Turcquet, ne scet quelles voyes ilz prinsdrent ne quelle part, car tout incontinant qu’ilz furent en ladicte barcque ledict confessant et plusieurs s’en allèrent disgner et estoyt près de deux heures après mydi. Et dit quant il fut de retour en la ville qu’il sceut que les maistres des navyres desdicts Aullonnoys avoyent envoyez dès le matin ung desdicts Espaignolz, que l’on appelloit le cappitaine, en ladicte ville et qu’il estoyt blessé et estoyt cheuz le barbier où ilz se faisoyent pensser. A ceste cause, il s’en alla et plusieurs aultres avecques luy et entrèrent cheuz ledict barbier que l’on appelle André Veillet où il veyt ledict cappitaine espaignol et lesdictz Aullonnoys. qui avoyent esté pencez. Et ce faict, s’en retourna ledict confessant en la maison pour disgner. Et est ce qu’il confesse.
« L’avons interrogé si ledict cappitaine parloit bon françoys. Dict qu’il parloit quelque peu françoys et qu’il parla à luy lorsqu’il fut chez ledict Veillet et que de dix parolles on n'en entendoyt pas deux et oncques puyts ne parla à luy.
« Si ledict cappitaine luy dist qu’il estoyt filz d’un marchand qui avoit achapté des bledz du recepveur de Noirmoustier, filz dudict Droyneau, en l’an mil cinq cens quarente et ung, et dict qu’il ne luy en parla oncques, aussi dit que lesdicts bledz en ladicte année furent par luy venduz à deux marchans, l’un de Bayonne, l’autre de Bourdeaux, lesqueulx il avoyt achapté de monseigneur ladicte année.
« Quelz propoux il eut doncques avecques ledict cappitaine espaignol ?
« Dict qu’il luy demanda dont il estoit, lequel luy dist qu’il estoyt de Saïinct Sebastiano et ne meut aultres parolles ne propoux avecques luy.
« Si ledict cappitaine luy dist qu’il fournyroit de mil escuz de ransson et qu'il avoyt troys prinses à l’isle-Dieu tant de bledz que de vins ?
« À dict que ledict cappitaine ne luy en parla oncques et n’en sceut rien et ne luy en veit oncques tenir propoux.
« Quant ledict cappitaine alla hors de ladicte hille ?
« À dict que ce fut le jour de Sainct Mychel ensuyvant et qu’il l'apersceut sur ung cheval devant la porte dudict barbier, sur lequel il estoyt monté, mays ne parla à luy et qu’il y avoyt plus de quarente personnes autour de luy et que ledict barbier y estoyt.
« S’il y avoit deux hommes de l’isle Dieu ?
« A dict que ledict barbier s'en vint par devers luy qui luy dist que le greffier Faultrard, qui est contrerolleur, l'empeschoyt qu’il n’enmenast ledict cappitaine et qu’il y avoyt deux hommes de l’isle Dieu qui l’estoyent venu quérir.
« Lequel luy dist qu’il n’en avoit poinct de charge et ne s’en mesloyt et que monsieur du Boys-Catus estoyt illecques présent. qui avoit la charge pour mondict seigneur pour la mer et qu’il se retirast à luy.
« S'il veyt que ledict Faultrard parloit audict Villet et se oppousoyt à sa délyvrance ?
« A dict qu’il n’en veyt riens et ny estoit présent.
« S'il sceut que ledict Faultrard dist audict Villet pourquoy il emmenoyt ledict cappitaine hors ladicte hille et que ledict Villet dist que ledict Droyneau luy avoyt baillé en garde comme lieutenant du chasteau.
a À dict que non et que jamais il ne le baïlla en garde audict Villet ; aussy qu’il n’y estoyt lorsqu'il fut amené chez ledict barbier et estoyt à la Cheze comme dessus a dit. é
« S'il avoyt baïllé ung passeporte audict Villet ou cappitaine pour l’emmener ?
« A dict que non.
« Où il trouva lesdicts Faultrard et Villet qui partoyent ensemble et ledict Faultrard dict audict Droyneau qu’il se oppousoyt à la délyvrance dudict cappitaine et qu'il dist audict Faultrard qu’il ne scavoyt qu’il disoyt ?
« A dict qu’il ne parla audict Faultrard et ne luy feit responce et ne luy dist lesdictes parolles ains qu’il apersceut seullement ledict Faultrard après le diftérant de luy et dudict Villet et que l’on emmenoyt ledict cappitaine et ne parla audict Faultrard aultrement.!
« S'il dist audict Faultrard qu’il[......] à faire brusler ladicte hille comme par cy devant avoyt esté ?
« A dit qu’il n’en parla jamais, aussi ledict Faultrard ne parla à luy.
« Si lors que ledict Faultrard disoyt que ledict cappitaine estoit ung larron qui avoit desrobé plusieurs marchans et pillé et voulloyt rendre les navyres en l'isle qui estoyent chargez de bledz, ledict Droyneau luy dist qu’il vouldroyt qu’il n’y en fust dessendu un grain de bled ne aultre chouse et qu’il ne scavoit qu'il disoyt.
« A dict qu'il n’en oyt jamais parler, ne n'en parla audict Faultrard.
« Luy avons remonstré que en son dire ny avoyt propoux et qu’il y avoit plus de trente personnes, le sieur de Laubrays et aultres.
« Lequel a dit que véritablement il veyt ledict sieur de Laubroys sur le cay et parla audict de Laubroys et y estoit Jehan Duillard et aultres et furent assez long temps ensemble, mays ne oyt parler, ne feyt responce audict Faultrard, ne tint propoux soyt de dire qu'il ne vouldroyt qu'il y eust bleds ne aultres choses.
a S'il a eu de l'argent pour la délyvrance dudict cappitaine ?
« À dit que non et jamays ledict cappitaine ne luy baïlla ne feyt baïller ung denier, aussi n’en vouldroyt-il avoir.
a Si de l’Isle-Dieu furent apportées deux rondelles, et deux espées en la maison dudict Veillet qui despuys ont estez portées en sa maison ?
« À dict qu’il n’a eu ne receu rondelles ne espées et n’en a esté porté chez luy et ne sceit si on en a porté chez ledict Veillet.
« Si ledict cappitaine bailla six escuz audict Veillet ?
« À dict qu’il n’en scet riens et qu'il n’y estoyt.
« S'il a bien sceu que ledict cappitayne fut mené à l’Isle-Dieu ?
« A dict qu’il n’en sceut riens au vray parce qu’il ne sortit hors ladicte ville, toutesfoys dit avoir oy dire qu'il avoyt esté mené en l'Isle Dieu, ne scet en quel bapteau ne par quy.
« S'il a sceu que ledict Lucas, son fils, lors dist qu’il serait paié du reste du bled que luy debvoit le père dudict cappitaine pour le reste dudict bled vendu ?
« A dict qu’il n’en scet riens et ne le croyt que sondict filz l’eust dit parce qu’il avoyt vendu lesdicts bledz comme dessus a dit.
« S'il s’en veult rapporter audict Faultrard ?
« A dict que non et qu’il aymeroyt myeulx avoir perdu mil escuz.
« Pourquoy a dit qu'il ne vault riens d’avoir dit ce qu'il a dit car jamaysil n’en parla et s'en vieult rapporter à tous aultres gens de bien en ladicte hille et aultres tant grands que petits et plus n’en dict.
« Ainsi signé :
« J. CHausrer, et L. DROYNEAU. »
Chartrier de Thouars. Cop. Pap.
1544, 28 avril. Rouen.— Lettres patentes de François T° ordonnant la réduction du nombre des notaires dans la vicomté de Thouars et autres seigneuries de Louis III de La Trémoille.
« Françoys, par la grâce de Dieu roy de France, au premier de noz amez et féaulx maistres des requestes de nostre hostel et premier des conseillers de nostre grant conseil trouvez sur les lieux, sénéschal de Poictou ou ses lieuxtenans, à chascun de ses sièges, juge de Lodun ou son lieutenant, et chascun d’eulx premier sur ce requis, salut.
« De la partie de nostre cher et amé cousin Loys, seigneur de La Trémoille, viconte de Thouars, nous a esté exposé que ledict viconté de Thouars est de belle et grande estendue soubz laquelle ÿ a plusieurs baronnyes, chastellenyes et autres seigneuries audict exposant appartenans; pareillement luy appartiennent plusieurs autres belles baronnyes, terres et seigneuries, situées et assises tant en nostre pays de Poictou, gouvernement de La Rochelle, duché de Bretaigne que pays d'Anjou, et soubz umbre d’un article de la coustume dudict pays de Poictou, où seroit assise ladicte viconté et autres terres et seigneuries à luy appartenans, qui permect aux seneschaulx et juges chastellains des seigneuries subalternes de créer notaires pour passer et recevoir contractz,
ont par cy davant lesdicts seneschaulx et chastellains des baronnyes, chastellenyes et seigneuries, estans soubz ladicte viconté et autres, appartenans audict exposant faict, et créé desdicts notaires en si grant nombre et esfrené qu'il seroit intollérable, et mesmes que la pluspart desdicts notaires sont laboureurs et pouvres gens de mestier, imbécilles et ignorans qui ne scavent lyre ne bonnement escripre leur nom, dont plusieurs faultes et abbuz sont advenuz et adviennent de jour en jour tant par la contrariété des actes et contractz que falsiffication d’iceulx, et de ce sourdent plusieurs procès et différends entre les subjectz et justiciables desdictes seigneuries qui par ce moyen sont grandement vexez et travaillez, et vouldroit bien nostredict cousin, pour obvier aux faultes et abbuz dessudicts et pour le bien desdicts subjectz, faire réduction suyvant noz ordonnances à nombre certain et compectant desdicts notaires esdicts baronnyes, chastellenyes et autres terres et seigneuries à luy appartenans, tant oudict pays de Poictou que gouvernement de La Rochelle, duché de Bretaigne et d'Anjou et y commectre gens scavans, ydoines et capables pour exercer lesdicts offices, mais il doubte, pour la grande multitude de ceulx qu'il conviendra destituer et qui résident en plusieurs et divers ressortz, jurisdictions et pays susdict ausquelz y a plusieurs sièges royaulx, que s’il vouloit faire ladicte réduction de son auctorité qu’il feust pour ce contrainct de souffrir et soustenir plusieurs et divers procès par davant divers juges, qui feroit tomber le négoce en grande langueur, et luy conviendroit faire de grands fraiz à la poursuicte, humblement requérant sur ce iuy estre par nous pourveu de nostre provision et remède de justice à ce convenable.
«a Pour quoy nous ce considéré, désirans subvenir à nostredict cousin selon l'exigence des cas et pour ce que le négoce et matière dessusdicts requiert célérité et concerne le bien et utilité publicque de tous les habitans et subjectz de ladicte viconté de Thouars, terres et seigneuries dessusdictes, et autres qui contractent et négocyent sur les lieux de jour en jour, vous mandons et de nostre plaine science, plaine puissance et auctorité royal, commectons, par ces présentes, que appellez par davant vous en certain lieu de ladicte viconté et tous autres lieux desdicts pays de Poictou, gouvernement de La Rochelle, duchez de Bretaigne et d'Anjou, que adviserez pour le myeulx, tous et chascuns les notaires et autres qui s’entremectent et se disent avoir povoir de passer et
ee em Æ ee - = a —— — —
recevoir contractz soubz les sceaulx desdicts viconté, baronnyes, chastellenyes et scigneuries appartenans à nostredict cousin, ensemble les officiers d’icelluy nostredict cousin; vous enquérez du nombre effrené desdicts notaires et des sens suffisans d’iceulx, pour ce faict estre par vous pourveu, par l’advis et délibération desdicts officiers et du vouloir et du consentement de nostredict cousin, à la réduction desdicts notaires à tel nombre qu’il sera par vous et lesdicts officiers advisé et délibéré et que verrez estre expédient pour le bien et utillité des subjectz et habitants de ladicte viconté et autres seigneuries dessudictes ; et ce nonobstant oppositions ou appellations quelzconques et sans préjudice d’icelles, pour lesquelles ne voulons estre différé. Et faictes expresses inhibicions et deffenses, de par nous, sur certaines et grosses peines à nous à applicquer et sur peine de nullité des actes et contractz, à tous ceulx qui seront par vous trouvez incapables de faire et exercer tel estat et qui ne seront du nombre qui aura pour vous ainsi esté réduict et lymité, de ne doresnavant se ingérer de passer ou recevoir aucuns actes ou contractz ou autrement s’entremectre en aucune manière dudict estat et office de notaire esdict viconté, baronnyes, chastellenyes et seigneuries. Et en cas d’opposition ou contredict lesdictes inhibicions et deffenses tenues, renvoyez en nostre grant conseil, à certain jour, les opposans et contredisans pour dire les causes de leur opposition et contredict et sur ce procedder comme de raison ; auquel nostredict conseil, de nostre grâce et auctorité que dessus avons commis et attribué, commectons et attribuons, par ces présentes, la congnoissance, jugement et décision desdictes oppositions, circonstances et deppendances, et icelle avons interdicte et deffendue, interdisons et deffendons à tous autres juges. Car tel est nostre plaisir, nonobstant us, stille,.-coustume et quelzconques lectres, ordonnances, mandemens et restrinctions à ce contraires.
« Donné à Rouen, le XXVIIIe jour d’avril, l’an de grâce mil cinq cens quarante quatre et de nostre règne le trentiesme.
« Par le Roy en son conseil.
« DE LAUBESPINE. »
Chartrier de Thouars. Original, parchemin, scellé.
es er ee ms te ais 0 de ue
1545, 15 octobre, Paris. — Lettres de François I‘ autorisant le sénéchal de Poitou à décharger, après information, Louis III de La Trémoille de la tutelle de ses frères et sœur puînés.
« Françoys, par la grâce de Dieu, Roy de France, au seneschal de Poictou ou son lieuténant salut. De la partie de nostre cher et amé cousin Loys, seigneur de La Trémoille, viconte de Thouars, nous a esté exposé que, puis quatre ans en Ça, feu nostre cher et amé cousin Françoys, seigneur de La Trémoille, en son vivant, chevalier de nostre ordre et viconte dudit Thouars, est allé de vie à trespas, délaissé nostre bien amée cousine Anne de Laval, sa vefve, nostre dict cousin exposant, leur filz aisné et princippal héritier, et cinq autres enfans tous mineurs, desquelz la tutelle et administration aurdit esté baillée à nostredict cousin exposant qui l’auroit acceptée par certain accord faict entre luy et ladicte de Laval, sa mère, et a exercé et continué icelle tutelle et charge jusques à présent ; et pour ce qu’il congnoist qu’elle luy est onéreuse et pourroit tourner à grand préjudice il requerroit vouluntiers en estre deschargé et que autre soit en son lieu pourveu et créé tuteur et curateur desdictz mineurs, mais il doubte que feissez difficulté de ce faire ou qu’on ie voulsist empescher s’il n’avoit sur ce noz lettres de provision convenable, humblement réquérant icelles. Pourquoy, nous, ce considéré, vous mandons et, pour ce que estes nostre juge ordinaire desdictz enfans et que le domicille dudict deffunct seigneur de La Trémoille estoit situé en vostre jurisdiction et y est décédé, commectons par ces présentes, que appellez par devant vous ceulx que pour ce seront à appeller, mesmement ladicte vefve et aucuns parens tant du costé paternel que maternel desdictz enfans mineurs, et autres qu’il appartiendra et lesquelz nous y voullons estre adjournez à certain jour par le premier nostre huissier ou sergent que à ce faire commectons, s’il vous appert summairement de ce que dict est, mesmement dudict contract ou accord faict et passé entre nostredict cousin
Lee ee
exposant et nostredicte cousine Anne de Laval, sa mère, par lequel ladicte charge, tutelle et administracion de sesdictz frères luy ayt esté baïllée, que lors qu’il l’accepta il feust myneur de vingt cinq ans, comme il est encores de présent, et partant n'ait peu prendre vallablement telle charge par laquelle tous ses biens sont affectz et obligez à la reddiction du compte et paiement du reliqua qui est allienacion de ses immeubles ou de tant que suffice doye; vous, oudict cas, proceddez à nouvelle élection, créacion et dation d'autre tuteur et curateur desdictz enfans mineurs, frères et seur de nostredict cousin exposant, par l’advis et conseil desdiciz parens et amys assemblez, ainsi qu’il est requis et acoustumé faire en tel cas, et deschargez icelluy exposant de la tutelle et charge qu'il en a eue par cy-devant en rendant par luy compte audict nouvel tuteur et curateur de ce qu'il a receu et administré et payant le reliqua, si aucun est deu, en recepvant oultre nostredict cousin exposant, et lequel de grâce spécialle voullons par vous estre receu à faire et prandre contre qui il appartiendra, pour raison de ce que dict est et les deppendances, telles demandes et conclusions qu’il verra estre affaire par raison, et aux parties oyes en cas de débat faictes raison et justice, car ainsi nous plaist-il estre faict nonobstant ledict accord ainsi faict et passé,comme dict est, par nostredict cousin exposant par lequel il a accepté la charge et tutelle que ne luy voullons au cas dessusdict, actendu sadicte mynorité, nuyre ne préjudicier en aucune manière, ains en tant que besoing seroit l’en avons rellevé et rellevons, de grâce spécial, par ces présentes, us, stil, rigueur de droict et quelzconques lettres à ce contraires, pourveu que des foys et sermens par luy sur ce faictz et prestez il soit dispencé de son prélat ou d’autre ayant pouvoir à ce.
« Donné à Paris, le XVe jour d'octobre, l’an de grâce mil cinq cens quarante
cinq et de nostre règne le trente et ungiesme.
Par le Conseil. »
Chartrier de Thouars. Original parchemin.
1549, 29 juin. — Contrat de mariage de Louis [IT de La Trémoille, fils de François de la Trémoille et d'Anne de Laval, avec Jeanne de Montmorency, fille d'Anne, baron de Montmorency, connétable de France, et de Madeleine de Savoie, par lequel celui-ci donne à sa fille « la somme de cinquante mil livres... Et a ledict seigneur de La Trémoille doué et douc icelle damoiselle Jehanne de Montmorency, sa future espouze, de six mil livres tournoys de rente viaigière de douaire préfix...…. » Fait « en la présence et par l’advis de monseigneur le révérendissime cardinal de Chastillon, arcevesque de Thoulouse, évesque et conte de Beauvais, per de France, cousin de ladicte damoiselle future espouze, de hault et puissant prince François de Clèves, duc de Nyvernois, conte d’Eu, aussi per de France, de noble seigneur messire François Olivier, chevalier, chancellier de France, de révérend père en Dieu mes- sire Mathieu de Longuejoë, évesque de Soissons, conseiller du roy en son privé conseil, de haulx et puissans seigneurs messire François de Humières, seigneur dudict lieu aussi chevalier de l’ordre et chambellan ordinaire du roy, conseiller en sondict privé conseil et gouverneur de monseigneur le daulphin, de messire Honnorat de Savoye, chevalier, conte de Villars, gentilhomme de la chambre du roy, oncle d’icelle damoiselle de Montmorency, de François de La Tour, aussi chevalier, viconte de Turaine, gentilhomme ordinaire de la chambre du roy, nostre dict seigneur, beaufrère d’icelle damoiselle, de François de La Trémoille, conte de Bénon, frère puisné dudict seigneur de La Trémoille, de messire François de Colligny, pareïllement chevalier, seigneur d’Andelot, gentilhomme de la chambre du roy, son cousin, de nobles hommes et saiges messires Jehan Bertrand, aussi chevallier, conseiller du roy en sondict privé conseil et président en sa coùrt de parlement, de maïstres Thibault de Longue Joë, seigneur d’Iverny, conseiller du roy et maistre des requestes ordinaire de son hostel, de René Baillet, seigneur de Seaulx et de Tresmes, conseiller du roy en sadicte court de parlement, de Bernard Prévost, seigneur de Morsans, aussi conseiller du roy en sadicte court et président es requestes
du Palais à Paris, de Charles de Barbezières, escuyer, seigneur dudict lieu, et de Charles d’Availloles, aussi escuyer seigneur de Roncée, maistre d’hostel dudict seigneur de La Trémoille...… »
Chartrier de Thouars. Pièce parchemin.
