XXXIII. De VAmatiste

Amatiste grans los désert

Qui tantes creaturez sert.

Les ex oscurs sovent esclaire, 1016 Et qui le destrempe de glaire

D'oef, et de vin, et de migraine,

A iceux est et bone et saine

Qui par la bouche font escume, 1020 Tex est sa lois et sa costume.

Enfleûre restraint et saine,

Le sanc estanche et tient en veine,

Plaies restraint et menisons 1024 Et le mors des serpens félons,

Qui boit l'aiguë ou ele est lavée.

Ainsi com fers est colorée

Ou comme rose, et vient d'Aufrique 1028 Et d'Arrabe, ce dist fisique.