XXIV. L'Aétite

Entre autres pieres preciuses

Sunt les echites merveilluses.

En la mer de Occeanun 624 Ou en Perse la regiun

Ou el ni d'aigle la querrez ;

En un des trois la troverez.

Kar l'aigle en aliène terre 628 Va ceste pierre mult loin querre,

Puis en son ni la va poser

Pur toz ses oiselez garder :

Ja pur tant com éljii sera 632 Uns des oisaus jus ne charra.

Geste piere est ruge muée.

Pur çoe est echite nomée

Qu'une autre piere a dedenz soi, 636 Çoe dit li livre, et joe le croi.

E a la femme est mult vaillant Ki va mel de son enfant :

En la maison ou el sera 640 Ja femme n'i avortera,

Ne mel nen ira longemenî,

618 nillanz — 635 Qun — 636 liures

Qui al senestrel lez Tapent.

Ki sur lui l'a cil iert amez, 644 Ses aveirs creist, il est sauvez;

Toz tens ses enemis sanz faille

Vaint en toz lius et en bataille.

Cil ki de passion charra 648 S'il l'a soz soi tost en garra ;

Et se vos avez suspeçon

Que nus vos voille se bien non,

Que il. vos voille envenimer 652 Ou entochier ou afoler,

Se vos esprover le volez

Al disner le me semonez

E puis pernez une escuele 656 Qui mult soit et bone et bêle,

De quel mangier ke vos vodroiz,

La piere dedenz poseroiz :

Se culpable est n'en gustera, 660 Ja si grant peine n'i metra ;

La piere ostez, tôt erralment

En mangera hastivement.

Dui jomel soloient porter 664 La piere dont m'oez parler :

Nomé estoienta celjor

Li uns Pollux, l'autre Castor.