VII. La Sardoine

Molt est rice pierre sardone :

Ensi com fait li calcidone

Qui a deus pierres se resamble,

262 Ceste a color et non ensamble Et de la sarde et de l'onicle ; Dite est sardone u sardonicle.

De ces deus trois colors retient ;

266 Car auques noirete devient,

Puis est blancete un poi après, Qui le- regarde un poi de près, Et par defors un poi vermelle.

270 Bêle est li piere a grant mervelle. En cinc manières le devisent Cil qui en estoire le misent ; De ces quatre manières sont

274 Qui seulement trois colors ont, Ensi com cascune le siue:

Ces pueent faire grant aiue, Plus ont valor et segnerie.

278 Une en i a, clere n'est mie :

Que mains est clere tant vaut plus, Ce nos ont mis no maistre en us.

Qui le piere a tiegne le ciere:

282 Moult fait sambler de bêle ciere, Humlement le fait contenir, Et simple et caste devenir, Hardement molt li fait avoir ;

286 Autres vertus n'i puis savoir. En Inde et en Arabe sont: La les prendent cil qui les ont.