XIX. La Chélidoine

Gelidone n'est pas li pire;

De li puet on mervelles dire.

En un oisel, en Parondete, 582 Commence a croistre petitete :

En son ventre cel trésor porte.

Bien est digne qu'ele soit morte

Por si rice trésor avoir ; 586 Mais tôt ne sevent pas l'avoir.

Ele n'est pas des cleres pieres,

Mais bien puet estre des plus cieres.

Povre samble, petite et laide, 590 Mais se bontés molt en manaide ;

Molt resamble povre conques t:

Teus est molt clere qui pire est.

Nient plus deus manières en sont, 594 Et deus diverses colors ont :

L'une est noire, l'autre vermelle ;

Li rouge ouevre par grant mervelle:

De cel mal, passion lunage,

5'jG Gaiïst, n'ert ja de tel eage ;

Ces gens malades hors del sens

Refait venir a lor buens sens,

Et ces langors de cascun jor 600 Sane et garist sans nul sejor.

Parler fait acceptablement

Et miels plaisir a toute gent.

En toile de lin l'estuet mètre, 604 Et puis porter, ce dist le letre,

Dedesos l'aissele senestre ;

Sa nature vuelt ensi estre.

Et li noire autretel demande, 608 Tôt ausi porter se commande.

Si n'arés ja besogne a faire

Que buene fin n'en puissiés traire ;

Molt aïe envers segnerage:

612 Soit quens, soit rois tôt asouage.

Et li eve ou ele ert molue

Puet molt aidier a le veùe.

Qui li vuelt croistre se vertu 616 Plus grant que ele ançois ne fu

D'un gausne drapelet le cuevre

Sor cel de lin ; adonques l'uevre :

Fièvre destruit, sempres le lait, 620 Por qu'on le piere sor lui ait.

Des mauvaises humeurs délivre,

Et vivre fait tout a délivre.