XXI. La Magnète

Magnete, ceste puet molt faire :

676 Mal puet tolir, bien puet atraire.

En Inde fut primes trovée,

Et d'illueques fu aportée.

Par force le fer a soi trait, 680 Ausi com li aïmans fait :

Fer escumé cascuns resamble,

Et il et l'aïmans ensamble.

Uns encanteres Endor fu, 684 Qui molt ouvra de se vertu :

Primes vit qu'a enchanterie

N'avoit pierre sa segnerie.

Après lui le fille au solel, 688 Gircé, qui onques n'ot parel,

Fille au solel est appelée,

Car aine ne fu plus bêle née,

Molt ama le piere ensement, 692 Car molt savoit d'encantement.

Tant descouvrirent ses vertus

Qu'esprovance le mist en us,

Par ceus de Mede qui le seurent, 696 Tan t que nostre ancisseur en euren t

Qui de se feme vuelt savoir

Et son afaire apercevoir,

Une nuit avuec li se gise

68? Uns e. en .1. fu— 684 Que — 685 qu'a manque

700 Et desous le cief li ait mise Le magnete, adonques verra Que se feme vers lui fera.

Se li feme caste se sent, 704 Si com nature le consent Près de son mari se traira, Tôt en dormant racolera ; Et celé qui l'ara mesfait 708 Oies mervelle qu'ele fait :

Ne fait samblant de nul délit, Endormant se chietjusdel lit Ausi com s'on le boutoit fors.

712 Teus est li piere, et si est fors Qu'ensi démos tre et fait savoir De cascune espeuse le voir.

Se 1ère vuelt nui avoir prendre 716 Et ceus de le maison sosprendre, Face que dedens l'ostel soit :

U l'avoirs est, illuec endroit Carbons mete en quatre parties, 720 Fragne le piere et face mies, Ses esparge desor le fu.

Vés mervelle, qu'aine teus ne fu :

Lues que li caure ert esmeûe 724 Et li fumiere estra sentue,

Ce samblera tos ceus de l'estre Que vieus diable i doivent estre :

Tout s'en fuiront d'autel aïr 728 Que tous li mons deùst chaïr ; Ne preu ne saront u aler Ne la n'oseront retorner ; Tôt i pora prendre a seûr, 732 Ja mar ara de ceus peur:

A l'un fait preu, l'autre damage.

Buene est por garder mariage :

Lues a amor et pais dounée

718 U lauoirs en i. — 721 desos — 723 c. et esm.

LAPIDAIRE DK MODÈNK.

736 De l'espousé a l'espousée.

Qui l'a sor lui douçor li rent Et croist grasse vers toute gant; Sage le fait venir en plait,

740 Et bêlement parler le fait.

Li piere est de grant segnerie ; Molt est buene por faire aïe, A boire avuec eve molete,

744 A ydropikes li manete ;

S'est buene encontre escaudeûre ; Espargiés le deseur l'arsure :

Por cuir et por santé re traire

748 N'est mecine qui tantpuist faire. Molt peut et vaut en moite guise, Car li letre le nos devise.