XVII. De la Jacincte

Après ceste pierre despite Vos sera jacincte descrite, Quar ne le vuel pas mètre arriéres.

572 Jacincte sont de trois manières ; Mais li granat et li citrin Sont assés meillor et plus fin.

Si grant vertu jacincte porte

576 Que les membres tient et conforte ; De tristor et de cuisençom Et de malvese sospeçon Garde jacincte, et bien conduit

555 Ceste p. — 536 Essi — 560 je manque — 561 archise - 563 fert — 568 trouer — 575 vertus — 579 bien manque, esduit

580 Celui qui l'ait et jor et nuit.

Jacinctes est de tel manière Que clers est et fait bêle chiere Quant li airs est et clers et purs,

584 Et quant il pluet, si est oscurs.

Tex est ses drois et sa nature

Que dedans boche hat plus froidure

Que il n'avroit en autre guise.

588 Fers ne aciers pas ne le brise,

Mais des pièces de l'aymant

Le puet on faire recréant.

En jacincte ha riche juiel, 592 Bien est digne d'estre en anel,

Quar cil qui le porte sor soi

Pendue au col ou en son doi

Seûrs puet estre, ce m'est vis, 596 Par la terre et par le païs :

Pestilance et corrupcion

Ne autre tribulacion

Ne li nuist por terre changier 600 Ne por son païs estrangier ;

Et si hat si grant avantage

Qu'a prou le tienent et a saige

Si oste, et grant honour li font 604 Et li présentent que il hont ;

Certes ice n'est mie fable :

S'il quiert peticion regnable,

Ja ne li sera escondite 608 Ne veée ne contredite.

En Ethyope sont trové

Li riche jacinte esprové.