XXII. Del Coral

Del coral me convient descrivre Ce que j'en hai trové ou livre.

Coral, ce savons sans doubtance,

792 Est vert, une longue substance

Qui en mer croist et en mer vient Et près des grans roches se tient.

Cil qui pensent comment en haient

796 A lor engins de mer l'estrayent ; Fors de la mer tost aperist.

Li ars le serre et endurcist, Color vert en vermel li mue

800 Et sa nature li remue.

Lrmaistre dient et li sage Que de tempeste ne d'orage Ne reçoit cil perte ne mal

804 Qui sor li porte le coral.

Tempeste n'ait pouoir que viegne En champ, n'en meson, ne en vigne Ou ha coral, ançois s'en fuit.

808 Coral multeplie le fruit

De la contrée ou on le gete; Les deables chace et degete Et fantosmes qui de nuit vont.

812 Cil qui de coral garni sont

Comencent bien et bien fenissent Lor besoigne ains qu'il laguerpisseiî ! .

790 ha trouer— 785 quil — 805 qui — 807 c. anuis 812 quil — 814 besoignes, lor