ET LES QUATRE HOMMES
La première Fille commence.
)OUT le plaisir et le contentement Qiiepeult avoir un gentilcœur honneste, C est liberté de corps, d'entendement, Quirendheureuxtout homme, oyseau ou beste.
Malheureux est qui, pour don ou requeste,
Se veult lyer à nulle servitude.
Quant est de moy, j'ay mise mon estude
D'avoir le corps et le cœur libre et franc.
Il n'y ha nul qui par solicitude
Me sceust jamais oster ce digne ranc.
COMEDIE. lOJ
La seconde Fille.
O cju'ilz sont sotz et vuydes de raison, Ceux qui ont dit une amour vertueuse Estre à un cœur servitude et prison, Et, pour aymer, la Dame malheureuse !
Leur faux parler ne me rendra paoureuse D'aymer tresfort, sachant que tout le bien, Au prys d'Amour, se doit estimer rien : Car qui Amour ha dans son cœur enclose. Il trouvera liberté son lyen.
Et ne sçauroit désirer autre chose.
La \. Fille.
Mieux me vaudrait tenir la bouche close Que soustenir qu'il vault mieux à un cœur D'estre vaincu, que d' estre le vainqueur De ceste Amour que vous louez si fort.
La IL Fille.
Comme vaincu? Mais il en est plus fort : Car le cœur seul, sans Amour, n'est que glace ; Amour est feu, qui donne lustre et grâce. Vie, vertu, sans qui le cœur n'est rien.
La L Fille.
La liberté est suffisant moyen
Pour dechasser du cœur et paour et honte, Et, quand à moy, je ne puis faire compte De riens qui soit qui le puisse arracher Hors de mon cœur.
La II. Fiile.
Je ne veux point taschcr De vous oster ceste vertu aymée :
Mais je dis bien, que liberté aymée Doit estre Amour.
La L Fille.
Or, pour conclusion, Vous soustenez Plaisir et Passion Estrc tout un, ce que ne puis entendre; Mais Liberté m'a tresbienfait apprendre Que tout plaisir en elle on peult trouver.
La II. Fille.
Mais c'est Amour qui le fait renouver.
Car quand je puis auprès de moy tenir Celuy que j'ayme, mal ne me peult venir, Et tous les maux qui me sont advenuz.
Je ne sçay plus lors qu'ilz sont devenuz. En ceste Amour et en ce grand plaisir, La Liberté seule se peult choisir.
La I. Femme mariée
// fait grand mal à femme honneste et sage, Qui craint son Dieu et ayme son honneur. Quand son Mary par un meschant langage Ignorer veult la bonté de son cœur.
Si ma beauté mérite un serviteur De qui je suis honorée et aymée, En dois je moins [pourtant) estre estimée, Puis que mon cœur n'est de vice taché? Non : mais plustost devrais estre blasmée Si je faisais de non pécher péché.
La H. Femme mariée.
De vraye Amour autre Amour réciproque, C'est le parfait de son plus grand désir. Mais si Amour de l'autre Amour se moque Pour autre Amour trop moins digne choisir, C'est un ennuy qui ne donne loisir.
Temps ne repos pour trouver reconfort.
Le desespoir est pire que la mort, Et jalousie est un vray desespoir.
0 Foy rompue et trop apparent tort , Par vous me fault pis que mort recevoir!
La I. Femme.
Or sus, ma sœur, vous pensez donc avoir
Vf 14
Un plus grand bien, que nommez jalousie ; Mais ce n'est riens que d'une fantasie, Au prys du mal que maugré moy je porte. Cent fois le jour je souhaite estre morte , Car mon Mary si tresfort me tourmente.
Et sans raison, qui plus me malcontente : H ha grand tort.
La II. Femme.
Vostre mal n'est qu'au corps.
Il est bien doux, puis qu'il est par dehors , Car vous n'avez peine que d'escouter.
S'il vous failloit dens vostre cœur gouster L'amer morceau que je mâche à toute heure, Vous diriez bien que, si je plains et pleure, J'ay bien raison.
La I. Femme.
Raison, que dites vous ?
Estre au matin, au seoir, à tous les coups Injuriée, blasmée et plus reprise Qu'une vilaine en adultère prise, Moy qui suis tant femme de bien, helas ! Me nommer telle ? Ah! je ne le suis pas : Le cœur m'en part.
La II. Femme.
Le mien aussi me crevé ;
Car ceste Amour, qui ne fait jamais trefve,
Me fait aymer, qui aymée ne suis.
Il ayme une autre, et souffrir ne le puis.
La I. Fille.
Mais que peuvent ces deux femmes tant dire ?
La H. Fille.
Mais d'où leur vient si triste contenance ?
La \. Femme.
Quelle raison fait ces filles tant rire ^
La H. Femme.
D^ avoir plaisir monstrent grande apparence.
La l. Femme. Sachons un peu la cause de leur joye.
La IL Femme.
Je le veux bien.
La l. Femme.
Filles, celuy vous voye Qui peult donner tout bien d'un seul regard f
i08 COMEDIE.
La I. Fille.
Dames, aussi celuy mesmes vous gard!
En vous pensons régner mélancolie.
La II. Femme.
Et nous voulons sçavoir si de jolie Ou de vertus vous parlez en riant.
La II. Fille.
Mais nous voyant ainsi pleurant, ayant Voudrions sçavoir si plus grand vostre riz Est que l'ennuy, qui fait nos cœurs marriz.
La Vieille.
Le temps, qui fait et qui défait son œuvre, M'a, cent ans ha, à son escolle prise. Son grand trésor, qu'à peu de gens descœuvre. M'a descouvert, dont je suis bien apprise. Vingt ans aymay liberté, que l'on prise. Sans point vouloir de serviteur avoir.
Vingt ans après, d'aymer feiz mon devoir ; Mais un tout seul, pour qui seul j'estois une, Me fut osté, maugré tout mon vouloir, Dont soixante ans j'ay pleuré ma fortune.
La I. Femme.
Voilà une Dame auîentique :
Quel habit ! quel port! quel visage l
La IL Femme.
Helas, ma sœur, qu'elle est antique!
La L Fille.
Voilà une Dame autentique.
La II. Fille.
Cent ans apprend bien grand' pratique.
0 qu'elle devroit estre sage !
La I. Femme.
Voilà une Dame autentique.
Quel habit! quel port! quel visage!
La II. Femme.
Or, faisons vers elle un voyage :
Nous n'en pouvons que mieux valoir.
La I. Fille.
En bonne Foy, j'ay grand vouloir D'escouter sa sage doctrine.
IIO COMEDIE.
La II. Fille.
Mais comme elle tient bonne mine !
Allons luy donner le bon jour.
La I. Femme.
Celuy qui au Ciel fait séjour, Et en terre ha l'autorité, Vous doint toute prospérité !
La Vieille.
Mes filles, luy, qui ha puissance.
Donne à voz cœurs la congnoissance De luy, et de vous mesme aussi !
Qui vous ameine en ce lieu cy ?
Je vous requiers ne le celer.
La II. Femme.
Désir de vous ouyr parler Et de vous quelque bien apprendre, Et aussi pour vous faire entendre Quelque débat en quoy nous sommes.
La Vieille.
Helas ! j'ay des ans si grans sommes Que je croy que mon vieil langage N'est plus maintenant en usage, Et qu'à peine l'entendrez vous.
COMEDI E.
La I. Fille.
Ne prenez, Madame, de nous Ennuy à noz débats ouyr.
La II. Fille.
Nous espérons nous resjouir Par vostre îressainîe parole.
La Vieille.
Afin donc que je vous console.
Chacune face son devoir De me dire et faire sçavoir Son cas pour y donner conseil. Hastez vous comme le Soleil, Car le serain est dangereux A mon vieil cerveau caterreux.
Et, par ma grande expérience.
Je vous diray en conscience Ce que faire il vous conviendra, Et qu'à chacune il adviendra.
Toutes ensemble.
Qui commencera de nous quatre •■
La Vieille.
La plus sage, sans plus debatre.
1 12 COMEDl E.
La I. Femme.
Ce sera inoy.
La H. Femme.
Et moy aussi.
La l. Fille.
Vraymcnt, mes Dames, grand mercy.
Vous estes sages, et nous foies.
La IL Fille.
Sages se disent de paroles ; Mais nous le sommes par effect.
La Vieille.
Pour mettre ordre sur tout ce fait, Vous, la première en mariage, Me déclarez vostre courage.
La L Femme.
J'ay un Mary indigne d'estre aymé :
Je l'aymc autant que Dieu me le commande.
Un Serviteur, d'autre part, estimé
Sans fin me cerche et ma grâce demande.
Honnesteté l'honneur me recommande,
Lequel je tiens ferme dedens mon cœur ;
COM EDIE. I I î
Mais ce Mary me fait payer l'amende
Où je n'ay fait ny péché ny erreur.
Devant chacun parle à mon Serviteur,
Qui ne me veult cju^obeïr et complaire,
Si sagement que, hors un faulx menteur,
Nul ne me peult accuser de mal faire.
Las, ce fascheux bien souvent me fait taire.
Où le parler me plairait beaucoup mieux,
Et destourner, pour mieux le satisfaire.
D'un lieu plaisant en grand regret mes yeux :
Car, s'il m'y voit parler, tout furieux,
Devant les gens fait myne si estrange
Que force m'est, suyvant les aymez lieux.
Qu'un bon propos en un fascheux je change.
C'est un cnnuy qui mon cœur ronge et mengc.
Mais quand je veux ce malheur éviter,
Et que du tout à son vouloir me renge,
Pour le garder de tant se despiter.
Sans faire rien qui le puisse irriter.
Il entre lors en plus grand rcsverie
De jurer Dieu, de Diables inviter.
De m'accuser de toute menterie.
Et si seroit folie ou moquerie
De le penser appaiser par douceur.
H n'a repos que de me voir marrie, '
Et mon repos augmente sa fureur.
Cent mille noms, pour croistre ma douleur.
Me va nommant, dont lemoindreest : meschanle.
Helas ! c'est bien sans raison ny couleur :
Car je suis trop de ce vice innocente.
Voilà le chant que nuict et jour me chante.
f endure tout, et si n'y gaigne rien.
Mais la vertu, et l'honneur, qui m'enchante,
Me font souffrir dire ne sçay combien.
Si seray je tousjours femme de bien.
Ce qu'il ne croit, dont il me tient grand tort.
Mais je ne puys trouver un seul moyen
Pour recevoir, ny donner reconfort
A mon amy, qui m'ayme si tresfort;
Car je crains trop honneur et conscience.
Durer ne puis sans secours, ou sans mort :
Je perds le sens, raison et patience.
La II. Femme.
Si mon ennuy il vous plaist d'escouter, Qui dens mon cœur ha prins source et naissance , Possible n'est que vous puissiez douter Que vous ayez jamais eu congnoissance De nul plus grand. Car j'ay eu jouissance Du plus grand heur qui m'eust sceu advenir. Mais quoy? le temps, par sa longue puissance, M'a fait cest heur tout malheur devenir. Car plus parfait ne sçauroit soustenir Que mon mary ceste mortelle terre.
COMED lE. I iS
Je le pensais toute seule tenir :
Las, je voy bien cfue trop folenient j'erre.
Il ayme ailleurs : voilà ma mort, ma guerre ;
Je ne le puys souffrir, ne comporter.
Je prie à Dieu qu'un esdat de tonnerre
Sa Dame ou moy puisse tost emporter.
Je ne voy rien pour me reconforter.
Par tout le cerche, et de le voir j'ay crainte.
Car je ne puys, le voyant, supporter
Qu'il ayme ailleurs à bon escient sans feinte.
Pour quelque temps je me suis bien contrainte
De l'endurer, celant ma passion,
Pensant qu'au jour il y ha heure mainte.
Et qu'amour fust jointe à mutation.
Rien n'a servy ma bonne intention,
Je l'ay perdu : il ha une maistresse
Qui de son cœur prend la possession.
Il est bien vray que le corps seul me laisse.
Son corps sans cœur augmente ma tristesse.
Plus j'en suis près, moins j'y prens de plaisir.
Sy j'en suis loing, mon cœur souffre destresse ,
Car de le voir sans cesser j'ay désir
Soit près ou loing, je n'ay que desplaisir.
Et le pis est que mon amour augmente
Tant, que ne scay lequel je dois choisir,
Voir ou non voir, car chacun me tourmente.
Toute la nuict sans dormir me lamente.
lié COMEDIE.
En regrettant l\imytié incongnue Que je luy porte, dont sa nouvelle amante La joye en prend qu'autrefois ay receue. Je brusle, et ards; je me morfonds, je sue, En fièvre suis : mais mon seul Médecin , Qui me pourroit du tout guarir, me tue. Et cy feray de ma pleinte la fin.
La I. Fille.
Liberté honneste A garder suis preste, Sans m'en divertir.
Amour et folie De mélancolie Ne se peult sortir.
Quand j'ay ouy parler, Venir, et aller Ces folz amoureux, Je me prens à rire, Et à part moy dire Qji'ilz sont malheureux.
Fy d'affection, Fy de passion Qui le cœur tourmente !
Mon cœur est à moy.
Je n'ay mis ma Foy En don ny en vente.
fay, quoi que je voye, Le cœur plein de joye Et de vray plaisir.
Si quelqu'un m'empesche.
Soudain m'en depesche Pour repos choisir.
J'ayme mon repas, Je fuy les propos D'amour et sa bande.
Et qui me priroit D'aymer, il n'auroit Rien que sa demande.
J'ayme vérité, J'ayme pureté De cœur et de corps.
Passion, Amour,
N'y fait nul séjour :
Je les metz dehors.
Des jaloux me rie :
Des fascheux marrie,
Tresbien mon temps passe.
D'un Amour transy
Qui requiert mercy
Contrefaitz la grâce.
Je me moque d'eux,
Et nully ne veux
Pour mon serviteur :
Il8 COMEDIE.
Car leur amytié, Hayne ne pitié Ne me touche au cœur.
Leur cachez secretz, Leur piteux regretz J'escoute tresbien ; Mais de mon courage Je suis bien si sage Qu'ilz n'entendent rien.
J'ay bien grand désir De faire plaisir A qui le mérite.
Désolation, Par compassion, A joye je incite.
L^orgueil je rabaisse; Les Amoureux laisse Sans point les hanter.
S'/7z pleurent ou prient, Tant plus fort Hz crient, Me prens à chanter.
Bref, je n'ay soucy Un seul {pieu mercy) Qui le dormir m'oste.
Qui ayme le vice, Folie ou malice, Las, que cher leur coste !
biberté garder Veux, sans trChazarder De jamais aymer.
Aymé qui voudra :
En fin les faudra Tous desestimer.
La IL Fille.
L'Amour vertueuse [Non point vicieuse) Je veux soustenir.
Qui n'est moins duisante Que belle et plaisante L'on la doit tenir.
Quand Amour s'attache Au cœur qui n'a tache De meschansetc, Il luy donne grâce, Parole et audace Pour estre accepté.
Sans Amour, un homme Est tout ainsi comme Une froide Idole.
Sans Amour, la Femme Est fascheuse, infâme.
Mal plaisante et folle.
Amour en tournois
Fait porter harnois Et rompre les Lances, Piquer les Chevaux, Faire les grands sauliz Et tenir les dances.
Qui n'ayme bien fort, H est salle et ort Et tresmal vestu, De bien est forclus Et ne vault pas plus Qu'un povre festu.
fayme et suis aymée, Prisée, estimée D'un honneste et sage, Lequel aymer veux.
J'en ay fait les vœux Le long de mon aage.
Tousjours en luy pense, Et n'ay contenance Ne bien qu'à le voir.
Loing de luy j'escritz, Et en pleurs et criz Fais bien mon devoii .
Puis, quand le revoy Assis près de moy, Escoutant ses ditz, fy prens tel plaisir
Que je n'ay désir
D'estre en Paradis.
Mon cœur n est plus mien.
Il s'en court au sien.
Mais le changement Me donne tant d'aysc, Que mes maux j'appaise Tout en un moment.
Quoy que l'on me face, Tourment ou menace^ Le tout en gré prens.
D'Amour mon cœur vole :
C'est la bonne escole Où tout bien j'apprens.
Je ne pense pas Faire tour ne pas Sans penser en luy.
H est de mes maux, Peines et travaux, Refuge et appuy. Qui tient donc Amour Pour prison et tour.
Il ha tresgrand ton.
Amour je sousticns Cause de tous biens Jusques à la mort .
Car la servitude,
La peine ou l'estude Qui est en Amours M'est liberté, joye, Pourveu que je voye Mon amy tousjours.
La Vieille.
Mes Filles, tous vos différent!
J'ai maintesfois veu sur les ranci ; Telz debatz nouveaux ne me sont, Assez y en ha qui en ont, Et de plus grans ont soustenus, Lesquelz devant moy sont venuz.
Et moy, qui congnois la racine De tous ces cas, la médecine Leur ay tresbien sceu ordonner.
Car à vous j'espère donner Advertissement profitable.
Vous, qui souffrez mal importable D'un mary fascheux et jaloux.
Je vous requiers, appaisez vous :
Car le temps l'ayde vous fera.
Et dedens son cœur deffera L'opinion, dont la beauté Est cause de sa cruauté ; Ou bien s'il est veau ou bcste, Qu'il n'ayt raison, cerveau ne teste
Pour recevoir nulle science.
Aussi, si vostre patience Ne peult plus endurer, d'un veau Faites un tresplaisant oyseau :
Car si ne le faites voiler, Il ne vous scauroit consoler.
Mais en chantant le temps, qui pleure, A tout le moins aurez une heure Qui vous fera les vingt et trois Supporter en oyant sa voix.
Car le soupesonneux meschant Mérite bien chanter ce chant.
Ne pensez pas pour vous tuer.
Et à bien faire esvertuer, A raison jamais le renger ; Mais il le fault du tout changer.
S'il est changé, et vous aussi, Vous sortirez hors de soucy.
Vous n'aurez consolation Qu'en ceste transmutation.
La I. Femme.
Ma Dame, j'aynie mieux souffrir, Et à tourment et mort m^offrir.
Nonobstant sa meschanseté ^ Que faire un tour de lascheté.
La vieille.
Bien, bien, le temps y pourvoira :
Car, quand bien laide vous verra, Autant qu'il en fait trop de compte, Vous laissera, dont aurez honte; Car d'un fascheux naïvement Ne viz jamais amendement.
La H. Femme.
Et moy, qui mon Mary desprise, Seray je point de vous apprise!'
La Vieille.
Ouy vrayement : c'est bien raison.
Vous voulez estaindre un tyson Avant la nuit; mais mieux vaudrait Le laisser bruslant que tout froid Vostre Mary plein de feu vif.
S'il ayme ailleurs d'un cœur naïf, C'est vray signe qu'il n'est pas mort.
Bien qu'il vous tienne un peu de ton En autre lieu tant séjourner, Au moins il vous peult retourner, Et ne vous en traite pas pis.
Le voudriez vous sur le tapis Tout le long du jour bien couche,
Et son œil à plaisir bouché Sans pouvoir nulle beauté voir ?
Laissez luy faire son devoir, Puis que rien ne vous diminue.
Ne craingnez point la continue, Le temps la tournera en quarte.
N'ayez peur que tant il s'escarte Qu'au logis groz d'enfant revienne.
Faites comme luy, qui tient tienne :
Car la loyauté vous tourmente.
S'il est Amant, soyez Amante.
Quand il n'aymera rien que vous, N'aymez aussi que vostre espoux :
Car il vous doit servir d'exemple.
Vostre Amour est un peu trop ample.
Et n'est pas égale à la sienne.
C'est fait en Juifve ou Payenne D'estre ainsi de son Mary serve.
Rien ne guérira vostre verve, Qiie de l'aymer tout en la sorte Qu'il vous aynie, ou vous estes morte : Où peu, peu ou prou ; où point, point. Et si vous ne gaignez ce poinct.
Vous ne ferez que tracasser Cœur et corps, et membres casser.
Le temps, par qui espérez mieux, Le vous rendra si laid, si vieux,
Que mal vous en contenterez, Et bien souvent souhaiterez Estre jalouze, et (]u' il fut fort.
Mais plustost trouverez la mort Que de retourner en jeunesse.
Toutesfois s' Amour ou vieillesse Mettoit à vostre douleur fin, Trompé y sera le plus fin.
La II. Femme.
Vous me donnez peu d'espérance.
Après une longue souffrance, Vous me promettez un tourment Ou un remède, promptcment, Que mon cœur ne sçauroit vouloir.
La Vieille.
Il ne vous fault donc plus douloir, Car j\iy dit ce qui se pcult faire.
La I. Fille.
Madame, et puis de mon ajfairc, Je suis bien, je m'y veux tenir.
Que sera ce de Padv^nir?
La Vieille.
Q ue ce sera? Helas! m'amyc^
Je voy que vous ne sçavcz myc
La grand' puissance qu'a le temps.
Hau, que j'en ay veu de contcns
Qui n^eussent sccu souhaiter mieux !
Mais tout soudain du hault des Cieux
Les ay veu descendre bien bas.
Je prise et loue voz estais.
La vertu, qui vous rend parfaite ,
Vous ha ainsi joyeuse faite.
Toutesfois, ne rautorisez
Tant, que les autres desprisez.
Amour est un fin et faux Ange
Qui trescruellement se venge
De ceux qui de luy n'ont fait compte :
Car un orguilleux craint la honte.
Plus il vous voit lionneste et belle,
Envers luy cruelle et rebelle,
Plus il désire droit frapper
En vostre cœur et l'attrapper ;
Ce que jusques icy n'ha fait,
N^ayant trouvé nul si parfait
Qui meritast vostre amytié.
Si une fois vostre moytié
Amour met devant voz beaux yeux,
Onques personne n'ayma mieux
Que vous ferez, j'en suis certaine.
Ce sera la bonté haultaine.
Qiii par le temps y pourvoira.
Jusques là l'on ne vous verra Aymer : car vous estes trop fine, Je le voy bien à vostre myne, Car de rien ne faites semblant.
Amour, qui va les cœurs emblant, Et le temps, qui doucement passe Sans que vostre vertu s'efface , Vous feront changer de propos, Trembler le cœur, battre les poux, Et sentir le doux et l'amer Qiie l'on peult souffrir pour aymer.
La Fille.
Je n'en croy rien : je tiendray ferme, Ne jà n'auray à l'œil la larme Pour souffrir nulle passion, Ne d'Amour ny d'affection.
La Vieille.
Vous ne trouvez, par ignorance, A ma prophétie apparence ; Mais, quand le cas vous adviendra, De la Vieille vous souviendra.
La H. Fille.
Je crains, Madame, et veux sçavoir
Si le temps aura le pouvoir De changer ma grand' amytié.
La Vieille,
Fille, vous me faites pitié,
Car vostre grand contentement
Ne sçaurcit durer longuement.
Le cœur d'un homme est si muable,
Le temps est si tresvariable.
Les occasions qui surviennent^
Les paroles qui vont, et viennent.
Qu'impossible est qu'Amour soit ferme,
Combien qu'il le jure et afferme.
Las, ma Fille, il m'a bien menty !
Il me présenta un party.
Au printemps de ma grand' jeunesse,
Tel qu'au Ciel n'y avoit Déesse
A qui j'eusse changé mon lieu.
Mon amy j'ay mois plus que Dieu,
Et de luy pensois estre aymée,
Dont de nully n' estais blasmée.
Or voyez que le temps m'a fait :
Un serviteur si tresparfait
Il m'a osté sans nul respit,
Dont j'ay souffert si grand despit
Que, soixante ans ha, le regrette.
Vieille je suis, mais je souhaite
Souvent le bien que 'fay perdu.
Mon malheur avez entendu, Qui de mon cœur n'est arraché.
Vous n'en aurez meilleur marché :
Car le temps, qui vous fait présent D'aise et plaisir à présent.
Ainsi qu'il ha d'Amour le feu Dens vostre cœur mis peu à peu, Ainsi peu à peu l'estaindra :
Dont telle douleur soustiendra Vostre esperit et vostre corps.
Que l'Ame en saillira dehors, S'elle n'est de Dieu arrestée.
Helas! je vous voy apprestée De souffrir autant de tourment D'amour que de contentement.
La 11. Fille.
Hau., grand Vieille, qui vous croirait En grand' peine et douleur scroit.
Mais phistost la Mer haulseroit Et le hault Ciel s'abbaisseroit, Qu'il m'advint fortune pareille.
Je ne croy point ceste merveille.
La Vieille.
Ma fdic, par là passerez.
Et alors contrainte serez Dire : la Vieille le m'a dit.
La II. Fille.
Hau, de Dieu soit mon cœur maudit Si je croy en rostre parole!
La I. Fille.
Ny moy, je ne suis pas si foie :
Elle ne produit que malheur.
La Vieille.
Ha, vous aurez un serviteur Qui vous fera propos changer.
La I. Fille.
J'aymerois mieux vive enrager.
Mon cœur sans amour demourra, Et libre vivra et mourra. :
J'en fais la figue aux amoureux.
La I. Femme.
Mon cœur craintif et désireux Ne sçait quel moyen il doit prendre, Ou d'aymer un autre, ou d'attendre Le temps qu'elle me prophétise; Mais j'cstimerois à sottise
Refuser un bien qui est près Pour en attendre un autre après.
La Vieille.
Prenez le temps, si vous pavez, Car refuser vous ne devez L'occasion, quand elle vient.
Si aux cheveux Fon ne la tient, Elle s'enfuyt par violence, Et ne laisse que repentance :
Pensez sagement en ce cas.
La L Femme.
Ha ! vrayment je n'y faudray pas.
La IL Femme.
Mon cerveau, mon cœur, ma m emoirc Est tout troublé, et ne puis croire Ceste Sibille prophétique :
Car plus mon esperit s'applique A espérer bien par le temps.
Comme elle dit, rien n'y entends; Car l'Amour que trop fort je porte A mon Mary me rendra morte Premier qu'autre Amour endurer,
COMEDIE. IJÎ
Et me gardera de durer Jusqu'au temps qu'elle vous promet Repos, dont en peine me met Plus grande que ne sentis onques.
La Vieille.
Si n'aurez vous repos qu'adonques.
On pourrait tel songe songer Qui ne serait rnye mensonger :
Le bon Docteur bien en parla.
Vrayment vous passerez par là Toutes quatre, mal gré voz dents.
Et moy, de peur des accidens Du serain, m'en vois retirer.
La l. Femme
Qjioy, nous lairrez vous souspirer Sans nous dire rien qui vaille ?
La Vieille.
Or appaisez vostre bataille, Je n'en puis plus porter le faix.
Je prie au Dieu de toute paix Remplir voz cerveaux de raison.
La II. Femme.
Elle s'en va en sa maison :
On ne la peult plus retenir.
La I. Fille.
Mais qui la feit icy venir Pour me dire une menterie ?
Que faymeray : c'est moquerie.
Amour en mon cœur ne sera.
La II. Fille.
Que mon amy me laissera ?
La faulse Vieille aura menty.
Jamais ne sera departy Moy de son cœur, ne luy du mien.
La I. Femme.
Rompre aussi mon chaste lyen, Ou devenir layde et hydeuse Comme nfa dit cestc fascheuse, Ha ! vrayment elle mentira.
Mon mary se convertira, Me voyant digne d'estimer.
La II. Femme.
Le grand feu vous puisse allumer,
Qjii vcult que j\iytne ou que j^attendc Q ue vieillesse ou foiblesse amende Mon mary 1 Mais 'fay espérance Qiie, par ma grand' persévérance, En brief retournera à inoy, Et lors seray sans nul esmoy.
La 1. Fille.
Leur grand ennuy et leur nécessité Leur feit chercher secours de créature.
Nostre plaisir par curiosité Nous feit vouloir sçavoir nostre adventure. Le temps, les ans, le sens et l'escriture De ceste Dame apparentement sage Nous feit ouvrir le secret du courage Dont riens quel mal n'avais peu recevoir. Nous concluons, par tout nostre langage. Que de sçavoir Fadvenir, c'est l'ouvrage De celuy seul qui sur tous ha pouvoir : Lequel prions, selon nostre devoir, Qji' ainsi que Roy en terre il vous fait voir, Vous doint régner au Ciel pour héritage !
Le Vieillard.
Ma bonne Dame, où allez vous ?
Où portez vous ceste jeunesse ?
La vieille.
En bonne Foy, mon Amy doux, Sur un lict par grande foiblesse.
Le Vieillard.
Je voy là bien grande jeunesse.
En venez vous^
La Vieille.
Ouy, le pas.
Vray leur ay dit comme la messe :
Mais quoy? Hz ne m'en croyent pas.
Le Vieillard.
fy vois parler par tel compas Que je croy que Von m'entendra.
La Vieille.
Leur cerveau donc s'amendera, Car je leur ay dit.
Le Vieillard.
J'cnîens bien.
Mais, confermant vostre entretien, Je leur en diray davantage.
La vieille.
.Vatîcndray voir si son langage Sera mieux que le mien receu.
Le Vieillard.
Dames, si je ne suis deceu, Trop grandement vous fourvoyez, Dont ceste Dame ne croyez.
Le L Homme.
Qiie veult ce Vieillard à ces Darnes^.
Qu'il est caduc et defailly!
Le H. Homme.
Pensez qu'il veult sauver leurs Ames^ Sans que de nous soit assailly.
Le ni. Homme.
Pas n'aurons le cœur si failly, Que d'un Vieillard poulser ne battre.
Le \Ul. Homme.
Menons les danser toutes quatre, Et vous les verrez bien tencer.
Le vieillard.
Tencer, non, mais bien vous combattre, Ma Vieille et moy, de bien danser.
Or dansons sans plus y penser :
Vous verrez leur orgueil rabattre.
