COCHE

Chacun me peiilt tenir en cesîe sorte, Pais que la Mort [qui seule me conforte]

Je veux fouir.

Cest tout mon bien; mais je n'en veux jouir Qiie leurs deux corps je ne voye enfouir Avecques moy en noire sépulture.

Noz trois malheurs me feront resjouir D'esîre assemblez soubs une couverture.

Lors un despit et courroux nomparcil Fcirent soudain son visage vermeil, Et la douleur sa parole coupa, Tant qu'à peu près elle ne sincopa :

Car par trois fois je la vit défaillir. Sans que des yeux il peust larmes saillir.

Le cœur serré, jeîU si piteux crys, Qu'à les monstrcr défaillent mes escritz. Mais en voyant la tierce que la place Luy demouroit, me dit de bonne grâce : Ma Dame, autant que douleur les tourmente, Souffrans l'ennuy de leurs ingrats amys, L'Amour parfait qui dens mon cœur s'est mys Fait que n'ont mal qu'ainsi qu'elles ne sente : Car mon vouloir au leur est si uny Que si leurs cœurs ont peine pour aymcr Ceux que l'on peult cruelt amys nommer, Le mien en est comme les leurs puny.

Comme elles j'ay creu leurs amys loyaux, Lesquelz j'aymois comme le propre mien, Participant en leur plaisir et bien Comme je veux avoir part en leurs maux. Si j'ay eu part en leur félicité, Où si bien fut nostre union gardée, Serait donc bien maintenant retardée Ceste union pour leur nécessité?

Non, mais courir veux aussi viste qu'elles A leur malheur, sans jamais départir, Jusques à ce que l'Ame pour partir Aura reprins ses ailes immortelles.

Peine, tourment, voire dix mille morts.

Ne me feront peur de nï'en tenir près. Si mort les prend, pourrois je vivre après,

Sentant mourir les deux parts de mon corps ^

Si j'avois mal, et les deux eussent bien,

Il suffirait pour me reconforter.

Car leur Amour pourrait mon mal oster :

Contre une deux ont grand force et moyen.

Si mon ennuy perdais pour leur plaisir.

Pour leur ennuy perdre je doy aussi

Tout mon plaisir, sans point avoir mercy

De cœur, de corps, d'Amour ny de désir.

Or je le veux, et ainsi le cancluz :

Puis que je voy leur mal intolérable,

Je veux le mien faire irrémédiable,

Et que de moy tout plaisir soit f ardus.

Pleines d'ennui sont, que porter leur fault.

Non pas pour moy, mais contre leur vouloir;

Moy de plaisir, auquel pour mon devoir

Hors de mon cœur je fais faire le sault.

Ma Dame, helas! pensez l'extrémité

Là où je suis; ayez pitié de moy.

Voyez mon mal, mon trouble, mon esmoy ;

Voyez Amour par Amour limité.

L'Amour des deux me dit : 0 meschant cœur,

Vous voudriez vous tant à plaisir donner.

Et ces Dames ainsi abandonner

En leur malheur par un seul serviteur?

Las! rirez vous quand elles pleureront,

Et à plaisir tiendrez les yeux ouvers

LA COCH E. 227

Quand de douleur verrez les leurs couvers,

En regardant leur Amour qui se rompt!'

Jouyrez vous du voir et du parler

De vostre Amy, par grand esjouyssance,

Quand elles n'ont d'un tel bien jouyssance ^

Les lairrez vous? ne le vueillez celer.

D'autre costé, l'Amour du plus loyal.

Du plus parfait qui soit dessus la terre,

Me vient mener une cruelle guerre,

En me disant : Pensez au plus grand mal.

Vous sçavez bien qu'en laissant vostre Amy,

Duquel si bien avez esté servie,

Vous luy ostez soudainement la vie,

Car son cœur est du vostre le demy.

Que fera il se voyant séparé

De sa moytié? Croyez qu'il ne peult vivre.

Sera chacun des cœurs d'elles délivre

De leur ennuy le voyant esgaré?

Si vostre mort leur apportoit secours,

Droit à la mort il vous faudroit courir.

Mais un Amy loyal faire mourir

Sans leur servir, c'est estrange discours.

Lasl quel Amy est ce que vous laissez?

Vous n'en sçavez au monde un plus parfait ;

Et nul bien n'ont les deux en ce beau fait,

Fors que leurs maux par le vostre oppressez.

Voilà comment les deux Amours ensemble

M'assaillent, las! en grand confusion.

Si m'y fault il mettre conclusion.

Je le diray, bien que le cœur m'en tremble :

Puis que leur mal est ma Mort, et leurs vies

Ma vie aussi, si j'ay receu plaisir

De leurs plaisirs, je n'ay moindre désir

Qu'en leurs malheurs de moy soient suyvies.

Or ont perdu, sans sçavoir bien pourquoy,

Leurs deux Amys, soit par fault e ou malheur ;

Mais moy je perds, sans raison ny couleur,

Celuy qui n'a jamais faulsé sa foy.

Sa loyauté est vraiment nompareille ;

Il n'a rien fait qui jamais me despleust :

Sa grand' Amour, que chacun cercher deust.

Je laisse et fuys : n'est ce pas grand' merveille?

Je le tiens tel, si parfait et si bon.

Que je voudrois le mettre en trois parties.

Et si serions toutes trois bien parties,

Qiiand des deux parts je leur ferois le don.

Vhonneste amour de parler et de voir.

Là où l'honneur trouve contentement,

Se peult partir, quand volontairement

Le bien on laisse où l'on ha tout povoir.

J'ay le povoir de bien les contenter ;

De chasque jour les deux pars je leur donne.

Et mon plaisir toutesfois n'abandonne,

Ciir par le leur il pourra augmenter.

Las ! en sentant de chacune d'eux l'ayse,

y en auray plus que je n'ay de la mienne;

Et mon Amy aussi aura la sienne,

Ne faisant riens qui bien fort ne me plaise.

Mon Amy seul, qui en vault plus de trois,

Sera des trois Amy. 0 quel lien,

Qui quatre cœurs unira sans moyen

Et un vouloir! Helas! je le voudrois,

Mais j'ay grand peur que pour ces deux folâtres.

Qui sont payez trop d'une larme d'œil

Vueillent plustost ainsi mourir de dueil,

Que d'avoir mieux, tant sont opiniâtres.

Puis qu'elles n'ont cure d'un tel party,

Mon cœur au leur est uny si tresfort,

Que, sans avoir esgard à peine ou mort

De mon Amy, il sera depariy.

Las! qu'il est dur ce mot à prononcer !

Laisser ainsi mon bien, mon heur, ma vie !

Helas! Amy, à la mort te convie.

Lors qu'on t'ira cest Adieu prononcer!

Que diras tu, Amy, de ton Amye?

Ou que l'Amour luy ha trop cher cousîé.

Ou tu pourras juger d'autre costé

Qu'elle te hayt, la nommant ennemye.

Amour me met en un merveilleux trouble,

Qui d'un costé loue ma fermeté,

Et d'autre part défait de seureté

Le vray lyen, qui rendait un bucoubic.

0 que la mort viendroit bien à propos! Car luy ne moy, en ce département, N'aurons jamais qu'à son advenement Contentement, bien, plaisir ne repos.

Or venez donc, et par compassion Mettez noz corps uniz en terre obscure, Avant souffrir qu'au départir j'endure Si très extrême et dure passion.

Ainsi parlant, s' appuyant contre un arbre. En la façon d'une femme de marbre.

Qui n'ha chaleur., vie ne mouvement.

Les yeux fermez, les dcntz pareillement,

A ses soiispirs defailloit son haleine.

Moy, qui la veis en si cruelle peine.

Je prins ses mains à frotter et tenir, Tant qu'un petit je la feis revenir.

Et, en tournant son œil triste vers nous. Nous dit : Helas ! que vostre ennuy est doux Au prys du mien, qui ne peult plus durer!

Ce que ne peult la première endurer :

Vous n'avez mal [dit elle) qu'un tout seul, C'est de laisser pour nous vostre plaisir ; Mais j'en ay deux qui agravent mon dueil. Las ! je n'ay pas seulement le loisir De regretter de mon Amy la perte.

Que le second ne me vienne saisir.

Amye, helas! si ma douleur couverte Sentiez, qui est fondée en ignorance, Dont ne m'est point la vérité ouverte.

Vous jugeriez n'avoir point la puiss-ance De la porter, car elle est par trop grève. Or Dieu vous gard de telle congnoissance! Puis que l'honneur met à vostre amour trêve. Plaisir avez gardant la longue Foy, Que nous devez de la rendre ainsi brève. Si vous sçaviez aussi bien comme moy Que c'est de vivre en doute et en suspens. Peu vostre mal estimeriez, je croy.

S'il me disait : D^aymer je me repens,

fen osterois mon cœur, qui de douleur Perpétuel en paleroit les despens.

J'estimerois à grand heur ce malheur, Bien que ce n'est peu de despit ou honte D'estre laissée ainsi d'un serviteur.

Le déplaisir en est tel, et tant monte, Que d'en laisser Cent de sa volonté, Ce n'est ennny dont l'on deust tenir compte. Vostre cœur est de desespoir tenté Pour vostre Amy, c'est chose raisonnable ; Aussi est il d'honneur bien contenté, Rendant l'Amour de l'union louable D'entre nous trois ; la gloire en recevez. Qui vostre ennuy doit rendre tolerable.

Certes le mien, si bien l'appercevez.

Verrez plus grand que le vostre trois fois, Si par saveur vous ne vous décevez.

Le moindre ennuy, dequoy compte ne fois, C'est de fuyr le plaisir d'estre aymée D'un treshonneste et parfait : toutesfois L'autre ennuy est que je voy abymée En desespoir celle que j'ayme tant.

Par celuy seul dont je suis estimée.

Le tiers ennuy trop cruel, qui prétend Me mettre à Mort, c'est la doute craintive, Aymant tresfort, de n'estre aymée autant. Que dis je, autant? mais que l'Amour naïve

Soit morte en hiy, ainsi que je la sens Dedens mon cœur plus parfaite et plus vive: Ces trois ennuys me mettent hors du sens, Et si ne voy moyen de m'' en défaire.

Sinon mourir : à quoy je me consens.

Et n'est ennuy qui tant de mal sceust faire, S'il est congnu, qu'on ne treuve moyen Pour quelque peu aumoins y satisfaire; Mais mon mal est incapable de bien, Car je le sens, et n'ay nulle asseurance Si mon Amy tient ou rompt ce lien.

Si juger veux par tresseure apparence, Je dis qu'il est rompu; mais son jurer Me vient donner du contraire espérance.

Las ! mon ennuy est pour long temps durer; Car le suspens de la conclusion, Qu'il fait d'aymer, me contraint d'endurer. Son doux parler m'est une illusion.

Qui m'aveuglist sens et entendement, Et de l'aymer me donne occasion.

Helas! ses faits parlent bien autrement! Par eux je voy que de luy suis laissée. Il dit que non : vérité dit qu'il ment. Par ses effectz ma joyc est rabaissée, Par son parler elle se resuscite; Ainsi des deux, sans cesser, suis pressée. Si grand douleur grande pitié incite.

IV 3o

Plus que de vous ayez compassion De mon malheur, qui à la mort me cite. Celle qui n'ha riens qu'une passion.

Dont la cause est congnue et bien certaine, 0 queir est près de consolation !

De Si et Non j'ay la teste si pleine, Que si le pis des deux povois sçavoir, Je le tiendrais à grâce souveraine ,• Mais le suspens surmonte mon povoir.

Comment ? comment ?

Soustenez vous estre plus grand torment Douter l'Ouy ou Non de vostre Amant

{Dit la seconde), Que de sçavoir par espreuve et par sonde Que changement au plus profond abonde

De son faux cœur?

Estimez vous souspeçon, doute et peur Comme un sçavoir certain, sans nul erreur?

C'est cas estrange.

Mais moy, qui sçay de mon Amy le change, Que je t'envoye aussi parfait qu'un Ange,

Que puis je faire ?

Puis qu'il m'a dit, sans point se contrefaire, Qu'il se vouloit de mon Amour défaire.

Pour la remettre Du tout en vous, ce que jamais permettre N'avez voulu, mais bien vous entremettre.

Par la pitié Qu'aviez de moy, rabiller l'amitié Dont je retiens moy seule la moytié.

Si vous avez Peine à fuyr ce cju'aymer ne devez, Que doy je avoir, sinon les yeux crevez

De lamenter Celuy qui tant me souloit contenter, Qui ne me veult plus aymer ny hanter^.

Las l je le perds ^ Qui fut tout mien, et à beaux yeux ouvers Le voy fnyr^ non pas par les desers

Ny lieu sauvage, Mais droit à vous; et devant mon visage Il ha trouvé son saint pèlerinage.

Il auroit bien Changé en mieux, s'il ne sçavoit combien Nous nous aymons, et que ce qui est mien

Est vostre aussi.

Il fuyt de moy, cerchant de vous mercy : Pour vostre Non, // perd de moy le Si,

0 cruauté!

En mon endroit par sa desloyaulé, Et dens son cœur par vostre grand beauté.

Car un seul compte Vous n'en tenez. 0 mon Dieu ! quelle honte Il doit avoir, et peur que je racompte.

A VOUS, amye, Et vous à moy, le discours de sa vie! Car entre nous sa trop faulse alquemic

Est descouverte, Dont à moy seule en demeure la perte.

Vous ne sçavez si elle est meure ou verte.

Geste douleur.

Plus il vous dit sa peine et son malheur, Plus vous moquez de son mal, et couleur

Point n'en changez; El puis de luy si fort vous estrangez. Que je voy bien que mon tort vous vengez

Tout en riant.

Et je m'en vois à part, pleurant^ criant, Et Dieu et Saints requérant et priant

Pour mon aide, Car je n'y voy sans miracle remide.

Je l'ay perdu, et n'y ha croix ne guide

Qui radresser Le sceust vers moy. Je ne le veux presser; Et si ne piiys son amour délaisser,

Qui est plantée Dedens mon cœur et sy tresfort entée Que, bien qu'il m'ayt du tout mal contentée.

Je n'ay vigueur, Force ou povoir de Poster de mon cœur , Qui est nourry et plein de sa liqueur,

Et transmué En cest Amour tant que, s'il n'est tué, Il n'en sera séparé ne mué.

Or donc pensez Quel vostre ennuy est, que vous avancez Plus que le mien , en quoy vous m'offensez

Le pis de vous, Cest le douter. Las, qu'il me seroit doux! Je jugerais mon amy tous les coups

Avoir le droit.

Ce souspeçon pour un temps me vaudrait, Et, contre Non, Ouy me soustiendrait.

Mais de ce Non Certaine suis, non point par faux renom. Car toutes trois pour meschant le tenon.

Pour variable, Traytrc et menteur ; et moy, pour immuable En fermeté, honorable et louable :

Qui me contraint Qu'autant de temps qu'en amour juste et saint Je l'ay porté dedens mon cœur empraint

Par amour forte , Autant de temps pour meschant je le porte. Impossible est que jamais il en sorte.

Sa lascheté Donnera farce à ma grand' fermeté, 0 que l'honneur sera cher acheté

De ne partir Hors de l'amour dont le voy départir ! Où est r esprit comme le mien martyr?

Il n'en est point. Loyauté Plia si fort en moy conjoint, Que mon cœur sien n' est plus ; mien, c'est le poinct.

Et si mourir Me fault sans cœur, à la mort puis courir : Car arrachant celuy qui peult nourrir

En luy la vie, De luy bien tost elle serait ravie.

Las, f aurais bien de ceste mort envie :

Mais luy en moy Vivre me fait en tel dueil et esmoy Qu'il me faisait vivre d'Amour et Foy

En grand plaisir, Durant le temps que par heureux loisir Me racontait son hanneste désir.

Or est passé Tout ce beau temps, oii je n'ay amassé Rien que regret et espoir que son tort M^ apportera, bien congnu par ma mort, De tous Amans requiescant in pace.

La tierce, ayant leur gracieux débat, Plus par cnmiy que par plaisant esbat, Dit : Je vous pry et requiers toutes deux N'estimer tant Ihine sa peur et doute.

L'autre son diieil, qiiim peu Pon ne ni'escoutc,

Puis que pour vous de bon cœur souffrir veux.

Voz maux sont grans, nulle doute n'en fais :

Vivre en suspens, sans resolution,

Par Vamy plein de toute fiction !

Mais le mien n'est pas moindre toutesfois,

Car mon amy loyal et véritable,

Où j'ay trouvé tout ce que ]e désire.

Me fault laisser, pour me faire en martyre

Et en malheur à vous autres semblable.

Las, si en luy sçavois rien d'imparfait.

Ou qu'envers moy en quelque cas eust tort,

Nosire lien, qui en serait moins fort.

Sans grand douleur plus tostscroit deffait.

Mais il n'y ha occasion aucune

Entre nous deux : qui double mon tourment,

D'ainsi laisser un si parfait Amant

Pour recevoir part en vostrt infortune.

S'il ne m'aymoit, il me serait aisé

De le laisser ; ou bien si en doutance

J'estais de luy : par si grande inconstance

Mon dueil serait doucement appaisé.

Helas! il n'ha rien d'imperfection,

Car son corps est et son cœur sans nul vice;

En tout honneur m' ha fait loyal service.

Las, dure en est la séparation !

Laisser celuy de qui ne suis aymce,

Qui ne le vanlî, qui est feint et mcschani ,

Ou qui de nous la honte va cerchant,

Je n'en pourrois estre mal estimée ;

Mais d'un parfait qui m'ayme tant, helasl

Le départir m'en est trop importable,

Car son Amour demourra pardurable

Dedens mon cœur, qui de l'aymer n'est las.

Je perds de luy la parole et la veiie,

Et tout le bien dont je soulois jouir ,

Et ne retiens rien pour me resjouir

Que son Amour, dont je suis biens pourveue.

C'est bien raison qu'après le congé pris,

Que dis-je pris ? mais donné sans sa faulte.

Sa grand' Amour tant vertueuse et haulte

Se met ailleurs; jà n'en sera repris.

Mais ceste là que j'ay par luy conceiie

Me demourra pour douce nourriture,

Dedens mon cœur de tant ferme nature

Nulle autre Amour ne sera plus receue.

Vous deux perdrez l'Amour de voz amys ,

Mais d'eux avez la parole et la veiie.

Moy, j'ai l'Amour trescertaine et congnue,

Mais tout plaisir pour vous j'ay dehors mys :

Car le parler et le voir j'ai quitté;

Cest tout mon bien que pour vous j'abandonne.

0 quel thresor, Amyes, je vous donne !

Fault il qu'Amour ainsi vers vous m'aquittc!'

L'on tient qu'il n'est nul plus cruel martyre

Qiie pour son Dieu d'un propos volontaire

Fuyr plaisir , et en lieu solitaire

Soy séparer du bien que l'on désire.

Car le martyr, souffrant cruel tourment

Par main d'autruy, met toute sa science

De soustenir son mal par Patience,

Qui de tous maux est le soulagement.

Vous endurez, par le tort et le vice

De voz amys, en dépit de voz cœurs,

Pis que la Mort : è petites douleurs,

Mises auprès de mon grand sacrifice!

Pour vous aymer, celuy où je me fie

Trop plus qu'à moy, que fayme, que j'estime^

Mon bien, mon heur, j'en fais une victime ,

Et volontiers pour vous le sacrifie.

Non pas que mort le vueilic présenter.

Mais tout vivant, qui m'est plus grand regret,

Sans retenir un seul bien en secret,

Ny d'un seul mal me vouloir exempter.

Avecques luy, tout plaisir je renonce

De voir, d'ouyr, de penser, de parler.

Parquoy d'ennuy (point ne le fault celer)

J'en ay le marc, si vous en avez l'once.

Sa grand' beauté et sa perfection

Entretiendront en moy ceste Amour forte ,

Qui n'aura fin tant que je seray morte.

IV il

242 LA coche:.

En ce poinct seul j'ay consolation, Car d'espérer jamais plus le f avoir, V ayant laissé, ce serait grand folie.

Ou il mourra par grand' melencolie, Ou il fera d'aymer ailleurs devoir.

Las! s'il en meurt, je perds mon espérance; S'il ayme ailleurs, plus à moy ne viendra, Car, où l'Amour le lyera, se tiendra.

Je congnois bien sa grand' persévérance. Mort ou aymant, je le perds sans espoir De le ravoir; ma perte est toute entière. Mais vous avez. Dames, d'espoir matière, Ce que je veux bien cler vous faire voir. Si l'une voit les effects accorder De son amy avecques sa parole, Je ne la tiens si sotte ne si foie Qu'elle voulust ses fautes recorder.

A l'autre aussi, l'amy qui s'en viendrait Luy demander en grande repentance Pardon en lieu de dure pénitence, Plus de ses maux il ne luy souviendrait. Or tous ces biens vous peuvent advenir, Car vous n'avez pas eslu vastre peine ; Mais moy, je suis de ma perte certaine , Sans nul espoir qu'il puisse revenir.

Que perdez vous ? Un mauvais et un feint ; Et moy, un bon, sans vice ne sans feinte.

Lequel perdant, mourir je suis contrainte, Laissant le bien que perdre j'ay tant craint. Fortune ou Dieu ce bien icy ne m' ouste , C'est inoy sans plus qui de mon cœur l'arrache, A fin que mieux unie je m'attache A voz malheurs. 0 que cher il me couste ! Bref, voz espoirs et ma désespérance, Les mesclians tours de voz cruelz amys, Et les vertus que Dieu au mien ha mys, Font de voz maux au mien la différence.

Plus tost le jour nous eust peu défaillir Que ces Dames de leurs propos saillir, Qui me semblait cstrc à recommencer.

Mais, regardant la nuicttrop s'avancer, Contrainte fiiz if enipescher le discours De leurs propos, que je trouvois trop cours; Car je n'ouy oncjues femmes mieux dire, Pour sentir tant qu'elles d'ennuy et d'ire. Et si le lieu où failloit retourner Eust esté près, voluutiers séjourner Qu'on nous eust veu jusques au lendemain. Passant la nuicî à ce doux air serain ! Celles en qui serain, travail, sommeil, N'estoit seniy, et du trescler Soleil L'absence estoit de leurs yeux incongnue, Et de la nuict la soudaine venue, Congnurent bien, escoutans ma raison, Que du partir estoit heure et saison : Qiii leur dcsplcut ., Car chacune n'avoit De son ennuy dit ce qu'elle sçavoit.

Parquoy en pleurs voulurent révéler Ce que le temps les contraingnoit celer. Et de souspirs et larmes f cirent langues Pour achever sans parler leurs harangues. Las ! ce pleurer me monstra le tourment Dont ne sçavois que le commencement.

Par leur parler les larmes confermerent Quel fut l'cnnuy de celles qui aymerent. Je ne croy pas que perdre père et mère Sceust engendrer passion plus amerc

Que je leur veis porter et soustenir.

Mais, sur le poinct de nous en revenir, Prindrent leurs crys et pleurs à redoubler, Tant que soudain feirent le ciel troubler , Qui d'elles print telle compassion Que sa douceur par grand' mutation Se convertit en tonnerre et tempeste, Enpluye et vent, tant qu aux champs n'' y eut b este Qui ne cherchast caverne ou couverture Pour se cacher. Voyans telle aventure, En essuyant leurs yeux et leurs visages, Toutes les trois, tant honnestes et sages. D'abandonner ce pré furent contraintes, Laissans au ciel achever leurs complaintes. La pluye en creut. Lors chacune descoche,

Et toutes trois nous mismes en la Coche Qui attendait nostre département , Courants après les autres vistement.

Mais en allant pour oster le discord De leur propos et les mettre d'accord, Je leur requis vouloir un Juge prendre^ Qui leurs débats voulust et peust entendre. Car, aussi tost que l'une j'escoutois, De son costé soudain je me mettais ; Et puis^ quand l'autre avait compté son cas^ A qui ne fault bailler nuit advacats, Je me rendais à son opinion.

Pour les tenir donques en union, Un bon esprit leur estait nécessaire.

Et quant à moy, je m'obligeais de faire Tout mon povoir, que je sens trop petit Pour reciter non à mon appétit Tous leurs propos, mais au moins ma puissance N'espargneray à donner cangnoissance De leurs ennuys, comme leur ay promis, Sans qu'un seul mot de leurs dits soit obmis. Nostre débat [ce me dis la première) Met nostre esprit en telle obscurité Qu'il ne nous fault bien petite lumière Je n'en sçay qu'un qui, à la vérité, Puisse juger qui plus ha de douleur Et plus d'honneur par souffrir mérité :

LA COCH E. 247

C'est celuy seul duquel la grand valeur

N'ha son pareil^ et à tous est exemple

Des grands vertus par qui s'acquiert honneur.

C'est luy qui peult triompher en son temple,

Ayant passé par celuy de vertu.

C'est luy que Ciel, et Terre, et Mer contemple.

La terre ha joye, le voyant revestu

D'une beauté qui n'ha point de semblable;

Au prys duquel tous beaux sont un fesîu.

La Mer devant son povoir redoutable

Douce se rend, congnoissant sa bonté,

Et est pour luy contre tous favorable.

Le Ciel s'abaisse et, par amour dompté.

Vient admirer et voir le personnage

Dont on luy ha tant de vertu compté.

C'est luy, lequel tout le divin lignage

Des Dieux treshaults ont jugé qu'il doit estre

Monarche, ou plus, si se peult davantage.

C'est luy qui ha grâce et parler de niaistre,

digne d'avoir sur tous gloire et puissance ;

Qui sans nommer assez se peult congnoistre.

C'est luy qui ha de tous la congnoissance ,

Et un sçavoir qui n'ha point de pareil,

Et n'y ha rien dont il ayt ignorance.

De sa beauté, il est blanc et vermeil ,

Les cheveux bruns, de grande et belle taille.

En terre il est comme au ciel le Soleil;

Hardy, vaillant, sage et preux en bataille, Fort et puissant, qui ne peult auoir peur Que Prince nul, tant soit puissant, Fassaille. Il est hening , doux, humble, en sa grandeur Fort et constant, et plein de patience Soit en prison, en tristesse, ou malheur. Il ha de Dieu la parfaite science.

Que doit avoir un Roy tout plein de Foy; Bon jugement et bonne conscience.

De son Dieu garde et l'honneur et la Loy; A ses subjets doux, support et Justice. Bref, luy seul est bien digne d'estre Roy. Si pour l'enfant esteint par trop grand vice, A Salomon demandèrent les femmes Le Jugement par son Royal office, Vous ne povez encourir aucun blasmc Qiiand à ce Roy, plus grand que Salomon. Présenterez la douleur de voz aines.

Et s'il luy plaist lire ce long sermon, Il jugera qu'il sousticnt la plus grande. Aussi l'amour, dont point ne nous blasmon, Dames, le Roy pour Juge je demande , Qiii jugera en nostre affection L'honneur, aussi à nostre fiction Punition par honorable amende.

Qiiand je la vcis choisir sy hautement,

Crainte me print, en liiy disant : Vrafincnt Si devant l'œil d'un sy parfait esprit Failloit monstrer mon trop mal fait escrit, Vous pourrez bien prendre ailleurs secrétaire. faymerois mieux me desdire et me taire, Car d'empescher sa veiie et son bon sens Sur mes beaux faits, jamais ne m'y consens. Les plus parfaits, où n'y ha qu'à remordre, Liment leurs faits et les mettent en ordre Premier qu'oser, sans bien les acoustrer, Devant tel Roy sy sçavant les monstrer, En craingnant plus de luy le jugement Que du surplus de tout le firmament.

Moy donc, qui suis des escrivans le moindre, Et moins que Rien, ne doy je pas bien craindre Voz bons propos, bien dignes d'esire veux, Rendre par moy indignes d'cstre leuz Devant le Roy, où ne fault présenter Rien qui son sens ne puisse contenter ? Plus le louez, plus de crainte me prend, Car c'est celuy de qui chacun apprend, Qui sçait louer le bien en vérité, Et rendre au mal ce qu'il a mérité.

Or ciwisissez un Juge tel que moy; Car, s'il failloit monstrer devant le Roy Un si très bas et mal tissu ouvrage, Je n'aurois pas d'escrirc le courage.

Le Roy vrayment {Dit l'autre après) j'eusse eslu justement, Car qui est plus que luy parfait amant,

Ne qui entend Mieux qu'il ne fait où vraye amour prétende H ha aymé sy fort, sy bien et tant,

Qji'il peult entendre Ce qui en est et la raison en rendre Par son bon sens, qui à tous peult apprendre.

L'amour loyal, Ferme et parfait, dedens son cœur royal Ha fait son throne et son hault tribunal,

Pour juger tous Les vrays amants, sages, hardis et doux, Et se moquer des glorieux etfoulz

Qui font les braves, Oultrecuidez pensans faire les graves, Puis refusez. Bien sots sont les esclaves,

Car c'est le rolle Qu'il faut jouer, où default la parole Et le bon sens. Et quelque povre foie

Ou les craindra En bravegeant, ou pour morts les tiendra, Ne parlant plus : ce que point n'aviendra

A une sage, Qiii prend plaisir d'ouyr un bon langage, Dit d'un bon cœur vertueux, d'un visage

Plein d'une audace, D'une douceur et d'une bonne grâce Qui plaisî tousjours à chacun . Quoy qu'il face,

Celuy aura Du Roy l'honneur : bien choisir le sçaura Par luy chacun bien recevoir pourra

Juste sentence.

Luy seul congnoit l'estre et la subsistence D^ amour, le bien, aussi la pénitence

Qu'il peut donner.

Combien qu'il soit Roy et puisse ordonner, Son cœur humain n'ha craint d'abandonner

L'autorité De commander contre la charité.

Il ayme mieux souffrir l'austérité,

La passion Que donne à tous le Dieu d'affection.

Et, comme estant d'autre condition,

Vcult s'asservir Par ferme amour, par seur et long servir, Et par vertus, des Dames desservir

Bon traitement, En desprisant force et commandement.

S'il lui plaisait, il feroit autrement;

Mais son hault cœur Ha joint l'amour, la vertu et l'honneur. Qui F ha rendu de cruauté vainqueur.

Poiirqiioy la palme , Loucngc, et gloire, et renommée,- et famé, Liiy doit d'amour tout homme et toute femme .

Puis que luy seul Vous n'acceptez pour juge, dont j'ay dueil, Vous qui avez fait ce piteux recueil

De notre histoire, Vous en avez mieux qu'un autre mémoire, Et n'estes pas sans quelque expérience, Que c'est d'amour, je vous en vueil bien croire. Or jugez nous en bonne conscience.

Je ne veux point de mon sens abuser.

Mes Dames, dis je, ains tresbien m'excuser. Que je ne suis pour juger suffisante, Et aussi peu à escrire duisante Vostre débat; mais désir de sçavoir Tous voz ennuys, ignorant mon povoir, Mefeit soudain, sans y penser, promettre De les escrire et dens un livre mettre. Ma foy promise, aussi vostre prière, NI cirent ma peur et ma raison derrière. Cestc première et trop foie entreprise Veux mettre afin; mais, s' il vous plaist, reprise Je ne seray de la seconde erreur, Qui doit avoir de la première horreur.

Mes cinquante ans, ma vertu affaiblie, Le temps passé, commandent que j'oublie.

Pour mieux penser à la prochaine mort, Sans avoir plus mémoire ny remord.

Si en amour ha douleur ou plaisir.

Donques vueillez autre juge choisir, Qui justement vous puisse satisfaire : Je ne le puis ny ne le sçaurois faire. La tierce dit : Dames, voicy pitié, Quand celuy seul nous ne povons avoir Qui est l'abyme et source de sçavoir, Et qui congnoit la parfaite amytié.

Seure je suis que plus tost présenté N'eust à ses yeux ce livre pour le lire, Que tout soudain ne nous eust bien sccu dire Qui ha le cœur de douleur plus tenté.

Son œil défait toute feintise ruse.

Son sens entend la fin de tous propous, Et son cœur sent mieux qu'en touchant le poulx Qui ayme ou non : bref, nully ne l'abuse. Si nous perdons de luy le jugement.

Et de sa sœur, qui de luy doit tenir, Et ses propos vertueux retenir.

Un autre fay en mon entendement.

C'est ceste là, qui n'ha gloire petite De nostre temps, mais la plus estimée Est et la plus parfaitement aymée, Ce que tresbien par ses vertus mérite.

Si par beauté se congnoissent les femmes,

Allez où sont dames ou damoysellcs :

Comme un Soleil au mylieu des estoilles, Vous la verrez par my toutes les dames. Si par vertu son nom se doit congnoisîre, Voyez ses faits, qui ne sont point cachez, Tous pleins d'honneur, de nul vice tachez. Vous la verriez dessus tontes paroistre : De ses biensfaits chacun luy rend louenge, Ils sont congnuz de toutes gens de bien; Pour ses amys elle n'espargne Rien, Et des mcschants ennemis ne se venge.

Si on congnoit le nom par la fortune.

Des biens, d'honneur, de richesse et faveur, Voyez qui ha de son maistre et seigneur Ce qui luy plaist, sans luy estre importune. Mais tous les biens quelle en peut recevoir Ne luy sont rien : car seulement heureuse Se tient de voir par amour vertueuse Tenir les cœurs unis comme on peult voir Les cœurs du plus parfait et plus parfaite Que l'on peult voir; en qui Dieu et Nature N'ont Rien obmis de ce que créature.

Pour acquérir perfection, souhaite.

Acceptez donc ma dame la Princesse, Qui en vertus et honneur passera La plus parfaite qui fut ne qui sera, Ne qui fut onc ; à elle je m'adresse.

LA COC HE.

Elle congnoist que c'est de bien aymer; Le vray amant la tient en son escole.

On le peult bien congnoistre à sa parole Qui tant se doit priser et estimer.

Quand elle aura veu notre doux combat, Seureje suis que, sans favoriser L'une partie et l'autre despriser, Fera la paix de nostre long débat.

Toutes voyans sa bonne élection, A la Duchesse, où gist perfection, Le jugement ont remis de leur fait ; Et moy^ voyant que juge plus parfait L'on ne pourrait en ce monde trouver, Leur bon advis vouluz bien approuver.

En leur disant : Possible n'est de mieux. Dames, choisir pour moy dessoubs les deux. Par son bon sens de Justice usera.

Et sa douceur ma faulte excusera.

Et s'il advient et que bon il luy semble Que le propos et l'escriture ensemble Devant le Roy puisse estre descouvert, Seure je suis qu'ayant le livre ouvert. Regardera les poincts où le lecteur Se doit monstrer advocat de l'Acteur.

Et, en louant vos entreprises haultcs, Excusera mon ignorance et faultcs; Et servira de douce couverture

Sa grand bonté à ma povrc escnhirc.

Et si povez croire que sa sentence Telle sera comme le Roy la pense.

Ainsi pourrez, par ce tresseur refuge.

Avoir le Roy, que desirez, pour juge ; Qui, sans refus ^ d''un cœur doux et humain, Regardera, venant de telle main.

Tout ce discours, qui est digne de luy ; Et l'Escriture aura pour son appuy Celle qui peult la défendre de blasme, Et l'excuser comme une œuvre de femme.

Ainsi pourra couvrir sa charité Devant les yeux de la sévérité Du Roy, qui fait à tous jugement droit. Ce que j'ay trop failly en chasque endroit.

Lors d'un accord, sur le poinct, nous irovasmes; Dedensla Coche au logis arrivasmes.

La nuict me feit aux trois donner l'Adieu, Non pour dormir, mais pour trouver un lieu Où, sans avoir de nul empeschemeni, Peusse acquiter ma promesse et serment.

Mais, en voyant du propos la grandeur, De mon langage et termes la laideur, Honte me fait finer ma mauvaise œuvre.

Mais vérité veut que je la descœuvre A celle là que je prends pour mon ayde. Pour mon secours et souverain remède.

C'est donc à vous, ma cousine et maistresse, Que mon labeur et mon honneur j'adresse , Vous requérant comme amye parfaite.

Que vous teniez cette œuvre par moy faite Ainsi que vostre, et ainsi en usez.

Et la monstrez, celez ou excusez.

Faites au roy entendre la substance. Pour à ces trois donner juste sentence. Vostre parler luy fera mieux sçavoir Tout le discours, que de luy faire voir Ce livre auquel mon escriture efface Tout le plus beau et la meilleure grâce De leurs propos, desquels j'ai bien suivie La vérité, mais la grâce et la vie, Qui est dedans, je l'ay toute souillée,

De fascheux mots empeschée et brouillée.

Tant que je doy, en lieu d'augmenter, craindre

La grand'valeur du propos faire moindre.

Quand est de vous, honteuse je ne suis

De vous monstrer le mieux que faire puys.

S'il y ha riens digne de moquerie,

Moquez vous en., point n^en seray marrie,

Car seure suis qu'à un second ne tiers

Ne monstrerez ma faulte volontiers,

Fors à celuy qui sur tous ha povoir ;

Envers lequel vous ferez tout devoir

De m' excuser, j^n suis bien asseurée.

Car ceste Amour, en noz cœurs emmurée.

Soit de monstrer ce livre ou le cacher.

Sera si bien qu'on ne pourra toucher

A mon honneur, qu'entre vos mains je metz,

Comme à la Dame en qui, je vous prometz,

J'ay mys cœur, corps, amour, entendement.

Où ne verrez jamais nul changement.

Parlant de moy, oublier je ne doy

Celles de qui la douleur, je le croy,

Mérite bien que vous vueillez entendre

Leur passion , car elles veulent tendre

A qui aura de bien aymer l'honneur,

Et d'avoir plus dans le cœur de douleur.

Ou ceste là qui en suspens demeure

Pour un Amy chassant l'autre à toute heure.

Ou ceste là de l'Amy délaissée,

Qui de regret importable est pressée;

Ou l'autre qui laisse un Amy parfait

Pour ressembler et en dit et en fait

Aux autres deux et l'union tenir

Où ferme amour leurs trois cœurs fait unir.

Et ceste là se tiendra bienheureuse

Que vous direz des trois plus doloreuse;

Et son malheur à iresgrand bien tiendra,

Quand sur les deux votre arrest obtiendra

De plus avoir qu'elles d'aspre douleur.,

Ennuy, torment, desespoir et malheur.

Les deux aussi, quand jugées seront

De vostre main, bien s'en contenteront ;

Et je serai trop plus qu'elles contente

Si mon labeur, lequel je vous présente,

Vous donne autant, en lisant, de plaisir,

Qu'en l'escrivant j'en ay eu de désir.

Or le prenez, et pensez qu'il procède

De qui le lieu à nulle autre ne cède

De vous aymer. Et, attendant le bien

Que Dieu, un jour, me donne le moyen

De vous monstrer par effect ma pensée,

Je luy requiers qu'ainsi que commencée

Il ha en vous fortune si trcsbonne.

Que maintenant et pour jamais vous donne

Autant de bien, d'honneur et de santé,

Comme il en fault pour estre contenté, A vostre cœur plein d'Amour et de Foy, Et tout autant que j'en désire au Roy.