L'UMBRE

Car à soy seul non à autre ressemble.

Or sommes nous si fort liez ensemble, Qu'en tous les lieux où il va je le suys. Sans moy il n'est, et sans luy je ne suis. S'il va je vois, et si tost qu'il s'arreste. Chacun me void de demourer trespreste.

Si teste, ou bras, ou piedz il veult mouvoir, Moy comme luy fais tout pareil devoir.

Bref, de son corps il ne fait contenance, Que l'on ne voye en moy telle apparence : Tant que l'on voit au mouvement commun. Que luy et moy ne pouvons estre qu'un. Si le Soleil le regarde à la face.

Garde je n'ay qu'empeschement luy face.

Car pas à pas en me tenant derrière, Suyvre le veux comme sa chamberiere.

Mais si derrière il voulait regarder.

Devant me tiens, à fin de le garder De se heurter à muraille ou à boys.

S'il me fait signe ou des mains, ou des doigts, Et moy à luy , ou si la main me tend, En mcsme instant la mienne aussi s'estend. Et quand il tend ses bras pour m'embrasser. Et moy les miens sans m'en pouvoir lasser. Tant suis à luy qu'où il va je l'ensuis : Mais quand il vient à moy, tousjours le fuis, Sinon que lors que contre un mur m'aculle

l'umbre. 26j

Pour me baiser, car lors ne me recuite.

S'il approchoit tout du long de mon corps,

Je ne sçay plus que je deviens alors,

Là je me perds : ô qu'heureuse est la perte

Par laquelle est telle aise recouverte !

Et ne suis riens par ceste charité,

Qui met en un fumbrc ei la vérité.

Et si sens bien par ceste union forte

Celuy duquel la semblance je porte.

0 que ce m''est grand plaisir de rien estre,

Et qu' estre toute à mon amy et maistre!

Bien folz sont ceux qui me tiennent perdue,

Quand de mon Rien en tous biens suis fondue ;

Et si je suis de leurs yeux divertie,

Pour en mon Tout toute estre convertie,

Ce m'est plaisir d' estre Rien estimée

D'eux, en estant en mon Tout transformée.

Car quand je suis de leur veiie apperceiie

Je ne suis rien, et leur veiie est deceiie :

Car je n'ay corps, ny os, ny nerfz, ny veine.

Voix ne propos, et je suis chose vaine,

One rien ne puis penser ny estimer.

Mais quand celuy que tant je dois aymer.

En s'approchant de moy me met à riens.

Alors je suis remplie de tous biens.

S'd s'en eslongne, lors je poursuis ma queste

Et toutesfois jamais à ma requestc

264 l'umbre.

Je ne l'ay peu ny arrester, ny prendre, Ny quand il vient à inoy je l'ose attendre. Or est ce donc par sa puissante main, Par son bon cœur gracieux et humain, Quand il luy plaist qu'à la fin où je tends, Il me remet où tous cœurs sont contens. Tant qu'il luy plaist devant luy je demeure. Et près de luy je me tiens à toute heure. Veiïe je suis et de nully touchée, Fors quand je suis toute en luy approchée : Toucher me peult chacun en le touchant. En luy se peult ma parole et mon chant Tresbien ouyr, car de moy un seul mot Nully n'aura, tant soit il fin ou sot. Hors d'avec luy ne puis voir ny parler. Ne riens penser, fors sans cesse d'aller, Et sans propos poursuyvre à retourner Au lieu heureux où je veux séjourner : Car en luy seul je retrouve ma vie.

Qui hors de luy par ennuy m'est ravie. Je ne sens mal si on ne luy en fait. Et si ne sens ne plaisir ne bienfait.

Sinon celuy qu'il sent, et n'ay désir, Crainte, travail, ny joye, ny plaisir.

Sinon le sien : son honneur est ma gloire. De moy ne veux que l'on face mémoire, S'elle ne sert à fueillc ou A couleur,

l'umbre. 265

Pour mieux monsircr sa trcsgrande valeur. C'est bien raison ^ue chacun s'esmerveille De moy, qui riens à luy ne suis pareille {Car riens à tout n£ scauroit ressembler) . Me voir à luy si tresbien assembler.

Que mon Rien est par son Tout honoré, Et son Tout est par mon Rien adoré.

Je consens donc à mon infirmité.

Et à mon rien et mon humilité :

Parlant d'amy tant digne d'estre aymé, Estant de tous loué et estimé O vrays Amans., si jamais vous sentistes Que c'est d'Amour, et si peine vous meistes De parvenir au bien qui est promis En bien aymant à tous parfaitz amySy Jugez jamais n'avoir veu Amour tel Que cesîuy cy que voyez immortel, Puis qu'immortel en est le fondement.

Jugez aussi et jurez hardiment Que digne il est, et mérite à tousjours D'avoir l'honneur sur tous autres Amours. Laissez moy là toutes histoires, fables. Lesquelles sont feintes ou véritables :

Quoy que ce soit, confessez n'avoir leu En livre aucun, ne en ce monde veu Amour qui soit semblable à cestuy cy, Ne que louer on peult d'estre sans sy,

l'umbre.

Comme de moy Umbrc tresinutile, Et qui pays tout par cest amour gentilc De mon amy, duquel pour fin je dis Que l'union c'est mon vray Paradis.