LA MORT ET RESURRECTION

Et des plus crespelets faisait ses rethz et forts ^ Où chacun il prenait, nonobstant ses efforts : Or les voyje cachez, sans ordre, et non peignez En desdaignant chacun, d'un chacun desdaignez, fay veu les tant bien faites et petites oreilles Ouvertes, cler oyantes, blanches, un peu vermeilles, Sarbatannes d'Amour, pleines de sa leçon, Qui les gardait d'ouir autre parole ou son : Or les voy je fermées sans plus ouvrir leur parte Aux chants, ditz, ne propos qui du petit Dieu sorte. J'ay veu les blanches mains, les doigts longs et subtils, Desquelz souloit Amour faire ses fins oustils. Pour arracher les cœurs du plus profond du corps. Les uns mettre captifz, les autres pis que mors : Or les voy je sans force de tenir n'arracher, Sans estre plus touchées ne pouvoir plus toucher. J'ay veu les pctis pieds, beaux, légers et pénibles. Faisans pour leur Seigneur choses tant impossibles, Q^ue roues de son char tant triomphant estaient, Qui en danses, tournois et plaisirs le portaient : Or les voy je impotens sans plus bouger d'un lieu. Sans plus estre marchez, ne marchans pour leur Dieu. J'ay veu le corps parfait et de telle grandeur. Auquel tout le rebours se trouvait de laideur, Qu'Amour avait choysi pour sa tresferme tour, Et son doux Paradis pour éternel séjour : Or les voy je changer de nature et de maistre,.

d'amour. 269

De vie et de beauté, de sentement et d'estre. Que ferez vous (Amour) (juand plus ne pourrez voir Des beaux yeux par Icsquelz sur tous avezpovoir? Quand ne povez ouyr de F oreille fermée, En qui vostre parole fut recède et aymée ? Quand ne povez parler par ceste bouche close. Par laquelle en parlant vous poviez toute chosei' Quand ne povez des mains mortes plus tourmenter, Ny asseurer tous ceux qu'avez fait lamenter! Quand ne povez des pieds vostre char plus tirer, Ne par eux en plaisirs voz scrvans attirer? Quand ne povez au corps qui fut vostre demeure, Le voyant ruiné, plus demeurer une heure.'' Mourez donques. Amour, en celle départie. Ou, si vivre voulez, cercliez autre partie, Dont vous puissiez tirer autant d'honneur et gloire, Et qui de tous les cœurs vous donne la victoire. Comme ha fait ce corps cy, cause de tous voz biens, Que vous voyez tout mat et converty en riens. Si mieux vous ne trouvez, mourez dedens son cœur : Car de changer en pis vous seroit peu d'honneur. Scpulchre il vous sera, vous relique honorable : Il vous fera honneur, vous le rendrez louable. Et puis, quand serez mort, un bien devez attendre, Que de vous Amour mort, et vostre froide cendre Suscitera l'Amour, qui tousjours sera vie Du mort, duquel par luy sera la mort ravie,