SATYRES ET NYMPHES

DE DYANE.

^«^.5>3>-» E mal qui est l'absence de tout bien,

^3k "rr^ Et qui se peult hors de tout nommer rien, Qui n'est créé ne fait : car le facteur Deîout n'est point de mal et vice authcur ;

Ce rien, lequel hors de tout fault vuyder,

N'est plus qu'un vain menteur, et Faux Cuyder,

Lequel produit un dépravé désir

Dessoubs Vespoir d'un incongnu plaisir.

Et n'ont Cuyder, Désir, ny espérance.

Nul fondement, qu'aveuglée Ignorance.

Ce mal icy, receu au cœur des hommes,

Au plus profond ha engendré grands sommes

D'inventions, moyens, subtiliîez,

Déceptions, feintes, habilitez,

i68 l'histoire des satyres

Pour parvenir au poinct jà prétendu.

Du bien, non bien, si bien feust entendu. Dont le désir, par espoir, sans propos Oste la paix de Phomme, et le repos.

Et si travail ha du commencement, Ne pensez pas moindre en fin le tourment : Car arrivé à la fin, où il pense De tous ses maux avoir la recompense, Son espoir vain, sans congé l'abandonne; Son fol désir tant de travail luy donne, Qu'en lieu d'avoir grand' joye de sa prise. Maudit le jour, l'espoir, et l'entreprise, Comme verrez en la présente histoire :

Où je pretens paindre en vostre mémoire {Dames d'honneur) des hommes la malice, Et leurs regrets, quand par vertu, leur vice Est surmonté : joint aussi qu'ignorance Du mal, couvert soubz honneste apparence. Souvent déçoit celles qui n'ont apris.

Que prendre peult celuy, que l'on ha pris, Et que vertu d'ignorance guydée, En fin, des Dieux est bien souvent aydée.

Un jour tresclcr, que le Soleil luy soit, Et sa clarté un chacun induysoit Chercher les boys, haults, fucilluz, et espais, Pour reposer à la frescheur, en paix.

Faunes des boys, Satyres, Dcmydieux, Sceurent pour eux trcsbien choisir les lieux Si bien couverts que le chault en rien nuire Ne leur pouvait, tant sceult le Soleil luyre. Sur le lict mol, d'herbette, espesse et verte, Se sont couchez^ ayans pour leur couverte Une espesseur de branchettcs, yssues, Des arbres verds, jointes comme tyssues. Et auprès d'eux [pour leur soif estanclier) Saillait dehors d'un cristallin rocher Douce et claire eau, trcsagreable à voir, Qui d'arroser le lieu faisait devoir ; Mais en voulant courir par les pr£ries, III 23

lyo l'histoire des satyres

Gros Dyamans et riches pierreries Luy faisoyent tort, et à son cours injure, Dont il sailloit d'entre eux si doux murmure, Que les lassez du chault, par terre mis, Furent soudain d'un tel somme endormis^ Que long repos, soubs Cèdres et Cyprès, Leur amena un tel resveil après, Que riz et jeux, dont Hz feirent assez, Monstrerent bien qu'Ut estoyent délassez. A ce resveil leur faim point ne tentèrent. Ne de Peau pure Hz ne se contentèrent. Mais de fort vin, du far de Silenus, Lors se sont paints ces Satyres cornus. Dont la chaleur, qui hrusloit leurs entrailles, Entrepreneurs les feit de grands batailles : Non contre Mars, pas n'ont la hardiesse, Mais ouy bien contre la grand' Déesse Dyane chaste, et contre ses pucelles.

Parquoy l'un dit qu'estre séparé d'elles En ces beaux lieux, en ce temps gracieux, Pleins de plaisirs et biens délicieux, Leur estoit mort et tourment importable. Mais que nous est [disoyent Hz) profitable D'estre sains, forts, abondans en tous biens, Qiiand celuy seul sans lequel ne sont riens Les autres tous nous default maintenant? A ce mot là, chacun incontinent

Cria : Il fault sans plus de temps attendre,

Ou par amour ou bien par force, en prendre.

Mais un vieillard tout gris, bien entendu,

Les ha fait taire, et leur ha respondu :

Enfans, amys^ pensez à cest affaire.

Et ne cuydcz chose légère à faire

De force user sur celle qui commande :

Car vous sçavez que Dyane la grande

Ha tel povoir que, si vous approchez

De son tropeau et la moindre touchez.

Son coup divin vous fera tost sentir,

Tant que trop tard viendra le repentir.

De les penser par voz vives raisons,

Par long servir, prières, oraisons,

En fin gaigner jusquà mettre en oubly

L'honneur duquel leur cœur est anobly.

Vous perdez temps, car si bien sont apprises

Que par parole elles ne seront prises.

Mais il y ha une seule science

Pour décevoir, c'est d'avoir patience^

Dissimulant du tout l'affection

Que vous portez, et, par grand' fiction,

Fuir les boys ausquelz elles se tiennent,

Prez et ruisseaux où. elles vont et viennent.

Sans plus les voir ne plus les pourchasser,

Et les laissant sans crainte prou chasser.

De voz costez, prenez voz passetemps

A mille jeux, ainsi que gens contens ; Et si de loing vous viennent regarder^ Reculez vous, laissez les hazarder De s'approcher du lieu où, soubs le jeu. Pourront trouver (^sans y penser) le feu Qui peu à peu, par un désir d'ouyr, Vous pourra bien d'elles faire jouyr.

Plus tost ne fut ce conseil récité.

Que chacun dit : Il ha dit vérité.

Alors ont fait leur conjuration, Mcttans à fin leur conspiration.

Qu'un chacun d'eux feroit tout son devoir, Par trahison, de vaincre et décevoir Celles par qui leur force est impuissance Et leur raison trop congnue ignorance.

Or ont leurs cœurs {ce semble) contentez D^estre remplis de faulses voluntez.

Le desespoir de jamais n'estre aymez Les ha ainsi de fureur enflammez.

Il ne leur chault de faillir à leurs esmes, Ayans du tout satisfait à eux mesmes; Et vont disant : Qui ne peult faire amye Jouysse donc de l'aymée ennemye.

Courans s'en vont, en remplissant les boys De leurs chansons et tresplaisantes voix, Que l'on oyoit jusques delà la prée Où la Déesse estoiî sur la vesprée

Venue au bort, et soubs les verds Sapins,

Soubs cabinets de jlouris Aubepins,

Pour reposer son corps laz, s'estoit misc^

Et au mylieu de ses vierges assise,

En leur faisant de la chasse records,

Et du grand Cerf portant dixhuit cors,

Qii'elle avoit pris, leur disant qu'exercice

Estoit la mort de tout péché et vice ;

Les exhortant de si bien se garder.

Que le Soleil peussent bien regarder :

Car, sans rougir ny honte recevoir.

L'oeil chaste et pur ne craint point de le voir,

Ny d'estre vea ny de luy ny du monde ;

Mais l'oeil meschanî dont le cœur est inimunde,

Quand il se fault au cter Soleil monstrer,

Ne se peult tant couvrir ny acoustrer

Que vérité ne luy paingne en la face

Le meschant cas qui son honneur efface.

En ce disant la main soubs son chef mit ,

Et en dormant les Vierges endormit.

Le grand travail leur causa un sommeil

Auquel nul bruit n'apporte le resveil;

Car si profond estoit et si pesant

Que bruit ou son, feust il triste ou plaisant,

Ne l'empeschoit; dont la plus travaillée

Estoit plus forte à estre resveillée.

Celles qui moins de labeur avoyent pris

174 l'histoire des satyres

Furent plus prompts au resveil les esprits; Parquoy de cinq sur l'herbette estendues Furent les voix plaisantes entendues Des Dieux cornus, qui, rompans leur dormir, Feirent leurs cœurs soudainement frémir, Tant de la peur d'estre par eux surprises Que du plaisir. Lors {comme mal apprises). Le lieu heureux pour reposer laissèrent, Et au travail malheureux s'avanserent.

Du bout des boys les doux chants escoutans, Veirent près d'eux les Satyres chantans, D'elles si près que de peur s' arr estèrent. Eux, les voyans, à fuyr s'appresterent, Disans tout hanlt : Fuyons, Dyane est là. Elles, ryans en entendant cela, Cr eurent pour vray qu'auprès de leurmaistresse N'eussent osé leur faire ennuy ou presse, Qjii fcit leurs pas en silence mouvoir, Pour les cuyder tromper et décevoir.

Ce cuyder là fut d'eux mieux apperceu Que ne fut pas d'elles le cœur deceu.

Dont en cuydant décevoir, les deceiies Dedens le pré bien avant sont yssues.

Eux, les voyans peu à peu approcher, Se vont asseoir et les cordes toucher Des instrumens et les Fleustes sonner.

Doubles Flageolz faisoyent lors raisonner

Avec les voix, et, sans faire semblant

Des derobears, Hz vont les cœurs emblant.

Les cœurs, saisit de si plaisans accords,

Sans y penser approchèrent les corps

De celles qui paravant eussent craint

De regarder un de ces Cornus painî.

Mais le plaisir, usant de sa puissance,

De leur danger leur osta congnoissance.

L'une disoit à l'autre : Retournez.

Où fuyez vous? Hz ont le doz tournez;

Regardez les, nul d'eux ne nous regarde.

Approchons nous, d'avoir mal n'avons garde :

A leurs doux chants Hz sont trop amusez.

Et ne sont pas si folz, ny abusez

De nous toucher, car croyez qu'ilz ont crainte

De courroucer notre Dyane sainte.

Hz sont meilleurs que nous ne les pensons.

Or escoutons leurs plaisantes chansons,

Oyez leurs voix, leurs diminutions ;

Oyez des gens les fortes passions,

Oyez leurs voix, leurs accords, leur mesure.

Un jour icy un moment ne nous dure .

Pour mieux ouyr, chacune s'est assise

Dessus le pré, estimant à sottise

D'avoir tant craint et si long temps eu peur

D'un tel plaisir, qui ressuscite un cœur.

Et faisoit bien là chacune son compte

176 l'histoire des satyres

De ne laisser jamais plaisir pour honte.

Après avoir les chansons bien ditées

Sur le verd pré longuement escoutées,

Ces Dieux chantans, pensans leur gaing certain,

Dirent un son plus plaisant et hautain,

Et si treshaulî Hz ont sonné un bransle

Qu'une chacune en s^eslevant s''esbransle,

Et à danser toutes mettre se vont,

Monstrans que point d'cffroy ne crainte n'ont,

Siiutans, dansans par excessive joye,

Nulle n'y ha qui son ennemy voye.

Euxqui n'ont ricnperdu, pour leurs douxchants,

Des faux désirs de leurs coeurs tant meschants,

En les voyant plus près d'eux approcher,

Moins font semblant de les voir ny chercher.

0 la douceur, ô la sagesse feinte !

0 l'abstinence et bonté de contrainte !

Ofaux semblant, destruction des âmes,

Qui sçavez bien séduire simples femmes!

Simplicité, d'ignorance conduite,

Souvent avez (sans y penser) séduite.

Où allez vous {povres vierges), helas !

Voyez vous point que vous tombez es laz

De ceux qui n'ont autre soing dons leurs cœurs

Qu'estre de vous et voz honneurs vainqueurs?

Helas! où est Dyanc vostrc dame?

Où est la peur d'acquérir d'elle blasme?

Levez en hault cestc veiie abaissée ;

Voyez le lieu où vous l'avez laissée

Des ennemys bien près et d'elle loing,

Tard vous pourra secourir au besoing.

Considérez comme à ce plaisant jeu

Plaisir vous ha tirées peu à peu.

Où est la peur des Satyres cornus?

Osez vous bien regarder leurs corps nuds ?

Osez vous bien approcher leur repaire ,

Ce que jadis vous n'eussiez osé faire ?

Est mort en vous le chaste enseignement

De vous garder soliciteu sèment

De ces trompeurs, tant seulement d'ouyr

Leurs plaisans sons, ne vous en resjouyr,

Qiie si souvent Dyane la divine

Vous exhortoit, et que d'œil ny de mine,

Ne vous advinst de leur donner attrait^

Car dangereux en estoit le retrait.

Tant bien vous ha d'Amour dit les merveilles,

Et que plus tost ha gaigné les oreilles

Par un plaisir couvert d'honnesteté.

Que l'œil n' estoit à l'oreille arresté.

Et qu'en ayant l'œil et l'oreille ensemble,

Il n'y ha cœur si chaste qui ne tremble.

Que pensez vous? irez vous plus avant?

Avez vous mis ainsi l'honneur au vent?

Las! retournez et plus cy n'attendez,

17S l'histoire des satyres

Et cesîe voix de Dyane entendez, De qui l'Esprit (en songeant) bien fort crie Las! retournez, mes filles, je vous prie. Mais., tout ainsi qu'un corps yvré de vin Ne peult juger rien qui soit de divin, Ayant perdu voix, ouye et parole.

Ainsi advint à ceste bcnde folle.

Qui, sans ouyr ne penser rien de bien, Ont approche de leur mortel lien.

Ces Dieux, voyans desja Vheure venue Que chacun pense avoir s'amye nue, Ccssans leur voix, ont tous jette par terre Leurs instrumens pour commencer la guerre. Elles saultans n'ouyrent plus nul son^ Mais aux Cornus veirent changer façon, Car leur douceur en rigueur fut tournée. 0 la cruelle et piteuse journée !

Pour évader leurs mains pensent fuyr, Eux en courant pensent d'elles jouyr.

Courir les fait le mal qui se doit craindre, Suyvre les fait l'amour qui peult contraindre. Crainte et amour font chacune leur course. Helas ! venez, Dyane, à leur recourse.

Vous estes loing, leurs ennemys sont près ; Despechez vous, venez y tout exprès.

Tous courent bien pour le commencement, Mais la force est de durer longuement.

L'herbe trop haidte et la longue distance

Ayans perdu faveur et assistance

De vous, en qui ont mis tout leur espoir,

Leur ha osté toute force et povoir.

Ainsi s'en vont courantes et criantes,

Celles qui sont de Dyane priantes,

Et congnoissans leur corps n^estre assez fort.

Chacune crie au secours de la mort.

Droit au torrent grand et inévitable,

Où finissait ce pré tant délectable.

S'en vont courant pour abréger leurs vies

Et n'estre point des ennemys ravies.

Venans au bort, gueres ne séjournèrent,

Que bras et yeux vers le Soleil tournèrent,

Luy présentant en lamentation

Et treshaults cris leur désolation;

Car leur courir, leur travail et leur peine

N'enipeschoit point, ny leur faute d'alaine,

De dire au long à Dyane en plourant,

Ainsi que font femmes qui vont mourant :

Si nous eussions (ô Déesse sans vice)

Failly vers îoy par certaine malice ;

Si dens noz cœurs fut le consentement

De n''obeïr à ton commandement;

Si ceste amour de toy tant défendue;

Y fust par nous contre toy descendue,

Si nous avons ce grand crime commis,

i8o l'histoire des satyres

De nous renger devant tes ennemys ;

Si nostre cœur n'estoit de chasteté

Plein, net et pur, ainsi qu'il ha esté,

Les yeux vers toy nous craindrions de lever.

Sans te prier de nous vouloir sauver.

Mais, congnoissans que ta chaste rigueur

De ta douceur n'empesche la vigueur,

Nous t'appelions à ceste heure à nostre ayde,

Ne voyans plus en terre nul remède.

Si nous t'avons par folie offensée,

Qjiifut plus tost mise en fin que pensée,

En eslongnant la place trop heureuse

D'auprès de toy (à Dame vertueuse),

Nous confessons ce péché estre tel

Que méritons de toy tourment mortel;

Duquel tourment ne le demandons grâce :

Nous le voulons recevoir sur la place,

Ce que de toy voulons avant mourir.

Las! ce n'est pas de noz corps secourir

De l'aspre Mort où les sacrifions ;

Mais c'est que toy, en qui nous nous fions.

Par ton honneur vueilles sauver le nostre,

Ne permettant que nostre mal plus oultre

Face son cours, mais arr ester les pas

De ces meschans, qu'ilz ne nous prennent pas ,

Dix mille mortz nous sont plus agréables

Que de tomber en leurs mains redoutables.

ET NYMPHKS DE DYANE. l8l

A ta bonté (dont sans cesse ta uses)

Nous supplions faire à toy noz excuses,

Et regarder que sommes ignorantes,

Icy, sans toy, comme brebis errantes.

En abaissant Vœil de ta grand' liaultesse,

Voy qu'il n'y a en nous nulle finesse,

Et que le mal que n'avions esprouvé.

Avons plustot que bien pensé trouvé.

Las! comment peult un chaste cœur douter

Que soubz un chant plaisant à escouter

Soit tant de mal et de vice caché?

Qui penseroit que le cœur fust taché

D'dspre rigueur^ ne voyant apparence

Que de douceur? Qui n'auroit espérance

De se garder et l'honneur et la vie

Devant ceux là où l'on ne void envie,

Ne signe aucun d'amour et de poursuite ,

Plustot monstrans grand' nonchalance et fuites'

Qjii eust cuydé l'amour au cœur de ceux

Qui de hanter Dames sont paresseux?

Qui eust douté avoir en leur cœur part,

Quand nous voyans s'enfuyaient autre part?

On dit que l'œil est du cœur messager,

Et qu'au parler est le plus grand danger.

Ceste leçon avons bien retenue,

Et n'est jamais leur parole venue

Jusques à nous; et de nous regarder

Se sont tresbien les traytres sceu garder. Doit on fuyr n'estant point assailly ?

Doit on juger un homme estre sailly Hors de raison, sans avoir apparence?

Que peult juger innocente ignorance, Quand le rebours de leur cruelle fin Monstre nous ont? Et nostre cœur peu fin. Pensant trouver auprès d'eux seureté, Ac(]uis n'ha rien que malheur cuseté.

Cecy disant, ne nous voulons fier Que noz raisons puissent justifier Nostre piteux et malheureux affaire :

Car envers toy ne prétendons que faire Humilier le regard de ton œil, Et regarder par pitié nostre dueil, Qui est si grand, si extrême et si fort Que plus ne peult. 0 divin reconfort, Nous sçavons bien qu^ignorance n'est digne De nous couvrir; mais ta bonté divine, Par charité qui toutes autres cœuvre.

Effacera le mal de ton chef d' œuvre.

Nous ne voulons compter pour tous mérites, Sinon qu'à toy {encores trespetites Et du tout riens') avons esté vouées.

Tu nous retins, dont nous fusmcs louées : Souvienne toy qu'à ce commencement Tu nous nourris du laict tant doucement;

ET NYMPHES DE DYANE. l8î

Et puis, ainsi que la force croissait.

Ta douce main chacune repaissoit D'herbe, de pain et chair viande forte, En nous donnant tous habitz à ta sorts. Si à noz corps tu as pourveu si bien, Donnant travail et repos sans moyen.

Sans nous laisser par grand repos tomber, Ny au travail extrême succomber, A noz espritz as donné nourriture, Bien congnoissant de chacun la nature: Car des vertus que l'on doit adorer Par toy n'avons nulle peu ignorer.

Toutes vertus sont peintes dcns ton Temple; En toy se peult de tout ce prendre exemple. Bref nous avons de toy tout bien apris, En qui tous biens sont encloz et compris. Apris? Las! non; mais, ainsi qu'un festu Retire à soy l'Ambre, ta grand' vertu.

Nous unissant à toy, nous rendoit telles Que nous estions par ta grand' beauté belles, Promptes à bien par ta grand' diligence, Prudence ayant aussi par ta prudence ; Fortes en cœur, par le tien invincible, Et tout pouvant par ton puissant Possible. Ccste union de ta sainte présence.

Où tout honneur et richesse et plaisance Trouvé avons, nous satisfaisait tant,

184 l'histoire des satyres

Que de chacune estait l'esprit contant.

0 le malheur qui nous a séparées De la vertu dont tant fusmes parées, Nous separans de ceste grand clarté, Avons ainsi, comme an cœur escarté Par un désert ténébreux et sans voye, En te perdant, perdu repos et joye.

Las! les vertus que de toy recevions.

Et que de nous, comme de nous n'avions, Nous f cirent voir la séparation , Que rien, sinon participation De ta bonté et grâce tant requise.

Ne nous donnait cette vertu exquise; Et tout ainsi que lampe sans lumière On voit tourner en sa laideur première , Ainsi de toy Peslongnement nous feit Voir que de toy venait nastre proufit.

Avecques toy fusmes tresacomplies.

Hors d'avec toy sommes toutes remplies Et de malheurs et d'imperfections ; Rien plus n'avons que les affections De conserver le chaste et le pur nom Dont nous, par toy, avons eu le renom. Vueille nos piedz et noz corps secourir. En nous donnant la force de courir Jusques au lieu auquel chacune tasche , Par dure mort, sauver son blanc de tache.

Nostre péché soit par toy pardonné, Et prompt secours aux porres corps donné Qui vont mourir pour observer ta Loy, Car en toy gist nostre espérance et Foy. Envoyé (^las!) ton bon et prompt secours, En retardant leur impétueux cours !

Les voicy près, leurs haleines sentons; Quasi leurs mains nous tiennent, que doutons. Leurs boutz de pieds touchent à noz talons ; Hz vont cent fois plus fort que nous n'allons. Voyci le point, las! Dyane, venez, Et en voz mains noz chastes corps prenez. Tel fut leur cry, et si forte leur plainte Que jusqu'au cœur de Dyane la sainte Frappa le traict de miseration Que luy tira leur désolation.

Parquoy son œil retourna promptemcnt Pour regarder leur peine et leur tourment. Et, tout ainsi que la mère offensée A chastier l'enfant s'est avancée Et par fureur frappe sur luy grands coups, Quand son enfant se vient mettre à genoux, En confessant sa faulte sans excuse, De grand' douceur après grand^ rigueur use, Tout ainsi feit Dyane : car soudain De la fureur que Cerf, Sanglier ou Dain Souloit chasser jusqu'au bout de leurs vies, m 24

)86 l'histoire des satyres

Voyant du Loup les cinq brebis ravies,

Ne peult souffrir aux ennemis la gloire

D^ avoir sur rien du sien eu la victoire.

Premièrement sa colère s'esmeut

Dessus les cinq, que chastié elle eust

Bien asprcment, si leur nécessité

N'eust surmonté leur grande cécité :

Car en voyant leur orgueilleuse audace,

Qui leur av oit fait eslongner la place

Où commandé leur estoit le séjour,

Pour le travail pris le long de ce jour,

Ainsi parla : 0 Cuyder, tu affoles

Par ton orgueil le cœur des povres folles.

Las ! en pensant sans moy quelque chose estre,

Pensent leur cœur de toute vertu maistre;

Cuydans sans moy avoir telle puissance.

Et de tout bien et mal la congnoissance ;

Cuydans avoir de résister pouvoir,

Cuydans avoir la prudence et sçavoir

Pour se garder et seules cheminer ;

Cuydans les maux advenir deviner;

Les devinant, cuydans y mettre l'ordre

Se bien que nul n'y peust trouver que mordre ;

Cuydans sans moy cstres bonnes et sages

Et se garder de tous mauvais passages,

En ignorant qu'elles sont moins que rien ,

Et que leur sens, leur grâce et leur maintien

N'estait, sinon qu'une chacune unie

Estait à may, et cfue ma campaignie

Je remplissais des biens qui sont en moy;

En elles non, fors quand amour et foy

Avecques moy les rendait toutes unes ,

Participans en toutes mes fortunes,

En tous mes biens , en toutes mes vertus.

Tant que jamais ne furent abbatuz

De mon fart arc Cerf, Ours ne Leopart,

Que comme may elles n'y eussent part :

Car tout mon bien, mes vertus, ma puissance,

Tant qu'ell' ont eu à moy obéissance,

Sans rien sentir d'elles, vivre voulu,

Sans rien avoir refusé ny tollu,

Leur ay donné et rendu sy commun

Qu'elles et moy par amour n'estions qu'un.

Par ce Cuyder, par qui se sont senties

Telles que may, hors de moy sont sorties.

Il n'a tenu à leur dire sauvent

Que ce Cuyder estait moins que le vent;

Il n'a tenu à faulte de doctrine.

De bons propos, d'exemple et discipline,

Qu' avecques moy demeurées ne sont;

Mais mon parler retenu elles n'ont.

Ce Cuyder là semble un mal sy petit

Que ce n'est riens; mais petit à petit

Se fait sy grand que l'on congnoii à l'ail

i88 l'histoire des satyres

Que c'est le chef de tout péché qu Orgueil. Par ce Cuyder cstre vierges parfaictes , En s^eslongnant de moy se sont defaictes^ Non entendans que leur perfection Ne venoit pas de leur condition.

Helasl pensez quelle mélancolie Je pensois lors, regardant leur folie, De loing les voir Cuyder les pourmener Parmy ce pré et peu à peu mener Dedens les laz jà tenduz pour les prendre, Soubs un plaisir d'escouter et apprendre Les plaisans chants et les mots gracieux Dont le désir meschant et vicieux Des enncmys estait si bien caché Qu'on estimoit à vertu le péché.

Quel tremblement soudainement m' esprit, Quelle fureur dedens mon cœur se prist. Voyant faillir ainsi ma nourriture, Voyant périr ainsi ma créature!

Mon cœur esmeu par elle et par amour Me cuyda lors forcer de faire un tour, C'est de tirer de mes flesches contre elles, Rendant mes mains maternelles cruelles, Les préservant par un soudain trespas Du prochain mal couvert de doux appas.

Mais mon amour tant vertueuse et haulte, Qui ne se rend subjette à nulle faulte.

Me retiroit la main qui jà la flesche

En l'arc îenoit pour faire en leur cœur bresche,

Considerans qu'il n'estoit pas mestier

De promptenient ainsi les chasîier

Et que trop mieux valait dissimuler y

En les laissant à leur vouloir aller,

A celle fin que par expérience

Peussent venir à la vraye science

De voir que peult un Cuyder vain et faux.

Par aucun temps de malheur et de maux ,

Délibérant priver ces malheureuses

De leur malheur, les laissant langoureuses^

Leur déniant toute faveur de moy.

Ce que n'ay fait; mais, voyant leur esmoy,

Leurdueiljleurplaintjcurs soupirs et leurs larmes.

Leur grand douleur, leurs crys , leurs piteuxtermes ,

Leur seul espoir en ma grande puissance ,

Et de leurs maux la vraye congnoissance,

J'oy que chacune en m'invoquant m'adjure.

Par ma bonté. Je ferois donc injure

A la bonté qui se fait appeller,

Si au secours je l'empeschois d'aller.

Ceste bonté par moy d'elles congnue,

Voire par moy dens leurs cœurs retenue,

Leur fait sentir qu'en moy est leur recours.

Ceste bonté m'esmeult à leur secours ,

Recongnoissant en elles mon ouvrage

Que j'ay tousiours de parfaire courage : Car mon honneur est mon don couronner En quelque lieu qu'il m'ayt pieu m' adonner. Donné leur ay ce que garder je veux.

Si elles ont osé faillir leurs vœux, Faillir ne veux à ma grande bonté, Par qui tout mal par le bien est dompté. Je voy leurs piedz de courir agravez, D'elles si près les meschants despravez, Que les cheveux d'elles souvent ils touchent, Las! peu à peu qu'à terre ne se couchent. Leur cœur leur fault, leur alaine se pert, Le poulx leur bat, la sueur leur appert Comme ruisseaux tout le long de leur corps. Rien plus ne font, fors qu'en piteux records, Crier à moy, qui ne puis plus porter Ceste douleur sans les reconforter.

Si je permets qu'elles meurent en l'eau. Tant est le corps d'une chacune beau Que j'aurois peur qu'après mort abusassent De leur beauté , et que d'elles usassent Mes cnnemys , dont la fureur est telle Que par la Mort ne peult estre mortelle. Je ne veux point que corps à moy vouez Soient pr estez aux meschans , m louez.

Si chastes sont vivantes préservées, Chastes seront après mort conservées.

Souffrir ne veux pour nulle passion Ce qui est mien souffrir corruption.

Par quoy je veux, et arreste, et ordonne, Qiie pour jamais cette grâce leur donne Que leur esprit avec le mien uny Soit à toujours sans en estre banny.

Ce qui est un ne se peult diviser, Quoy que l'œil set ayt cuydé adviser.

Ce qui estoit en elles immortel Aussi en moy à jamais sera tel.

Mais pour donner au corps punition, Sauvant V honneur pour leur contrition, Soudain les veux en saules transformer, Sans porter fruit qui soit doux ou amer, Auprès des eaux et au bout des prsries Où elles ont eu tant de fascheries.

Si leur beauté a fait les sotz pécher, Hz la verront devant leurs yeuxc a cher. Si leur désir les a fait inconstantes , Je les feray pour jamais demeurante s En un seul lieu, regardant les rivières, Comme pleurans leurs façons trop légères. Ainsi sera leur péché satisfait , Et le Cuyder des ennemys deffait.

Ainsi sera pour tontes ceste exemple.

Ainsi feray punition tresample Des ennemys, qui point ne jouyront

De leur dcsir et ne s'esjouyront

D'avoir de moy ne des miennes rien eu,

Fors le Cuyder dont chascun est deceu.

Arbres tresdurs pour dames trouveront,

Voire et du fruit jamais ne gousteront :

Car vierges sont sans porter fruit d'enfans.

De porter fruit à jamais leur defens,

A celle fin que leur virginité

Soit en mémoire : elles Font mérité.

Et cest honneur, qu'en nul temps ne mourra,

En moy tous jours par elles demourra.

Sy tost n'eut dit la Divine Puissance

Le dernier mot de sa juste sentence.

Que trouvé ont les cinq Nymphes le bort

Du grand torrent pour recevoir la Mort;

Ayans les bras levez pour s'y jetîcr,

Desirans biens et plaisirs rejetter

Pour éviter par Mort toute infamie.

Des Dieux ardans ciiacun d'eux tient s'amyc,

Bien les cuydans de la Mort engarder,

Et avec eux les tenir et garder.

Pour en jouyr comme de preis acquis

Par grand labeur, tant aymé, tant requis.

Tant désiré , et par si longue espace

Qu'à bien peu près chacun d'eux n'en trespassc.

Entre leurs bras cuydenî ferme tenir

Le plus grand bien qui leur peust advenir.

Elles contre eux se mettent en defence; Eux, ne craignans faire à leurs corps offense, Prendre les vont, et si fort embrasser Que d'embrasser ne se pouvaient lasser.

Hz sont transis et quasi morts de joye. Il ne leur chault qui les oye ou les voye : Or ont Hz bien la fin de leur désir, La voix leur pert par excessif plaisir. Mais, tout soudain bruslans par grand chaleur, A la blancheur virent changer couleur ; Et la douceur de la chair en rudesse Tournée fut , dont soudaine tristesse Leurs cœurs saisit, voyant la blanche chair Perdre couleur, s'endurcir et seicher.

Si que, cuydans les mener hors de là, Feirent effort les tirer; mais cela Rien ne servit , car leurs piedz arr estez A cheminer ne furent apprestez :

Les convertir en racine sentirent , Les bras aussi en branches tourner virent. Lors de serrer et redoubler leurs forces; Maisdens leurs bras ne tindrentrien qu'escorces. Dont vers le hault, pour le cœur appaiser, Cerchent leur face et les cuydent baiser. Ce fut le pis : car pour la bouche douce Et les yeux verds Hz ne trouvent que mousse. Dont il saillit une voixfoible et lente, m 2 5

194 l'histoire des satyres

Telle que peult de personne dolente, Disant : Mcschans importuns amoureux.

Or demeurez à jamais malheureux, Nous en allons à Dyane contentes, De noz vainqueurs en la fin triomphantes. Et, crians hault, luy dirent grans mcrcis. La voix cessa. Eux, demcurans transis Et demy morts , ont changé leurs esbas En pleurs et cris, regardans hault et bas S'il se peult rien en elles voir d'humain. Las! trouvé n'ont teste, corps, pied ne main,. Qui encontre eux ne se soit endurcy.

0 leur Cuyder, secourez les icy. Qui, sur le poinct de recevoir loyer De leur travail,, ne les povez payer Que du rebours de toute leur entente, Après si longue et si pénible attente.

Où est, Cuyder, vostre ferme promesse Qui leur causa ce trop de hardiesse ?

Où est, Cuyder, l'amye que pensoit Avoir chacun si tost? Quoy que ce soit. De toy ne peult sinon Cuyder saillir.

Qui fait les folz en qui tu es faillir. Cuyder avoir leur donne grand repos, Cuyder n'avoir leur fait changer propos. Cuyder tenir les faisoit hault chanter, Cuyder laisser les fait mal contenter.

Cuyder enfin ac{]iierir leur amye

Leur fait sonner Flageolz et Chalemye ,

Cuyder avoir leurs amyes perdues

Fait que ruisseaux de larmes espandues

Jettent leurs yeux, et leurs crys font tel vent

Que renverser font leur arbre souvent.

O fol Cuyder, on voit bien vostre effect ,

Que de rien rien est engendré et fait !

Que ferez vous, Satyres importuns,

Qui desprisez les sages oportuns ,

Qui par amour gaignent l'amour des cœurs,

Dont par amour Hz en sont les vaincqueurs?

Las ! apprenez que, si leur cœur n'est pris,

Et par amour mis en un les espritz,

Il perd le temps qui le corps pense avoir.

Ce Cuyder là ne fait que décevoir,

Et là ou plus pense trouver le fol

Le corps aisé et le cœur faible et mol ,

C'est là où plus le cœur et le corps pur

Par chasteté s'endurcit comme un mur.

C'est le vray poinct où l'amour de la gloire

Fait acquérir à la vertu victoire :

Car chasteté n'est jamais approuvée,

Si elle n'est du contraife esprouvée.

Cerchez l'amour vertueux et honneste.

Et vous ferez honorable conqueste ,

Ou autrement tousjoiirs vous adviendra ,

196 l'histoire des satyres

Comme il ha fait, quand Cuyder vous prendra.

Pourquoj icy, Satyres, séjournez.^

Pourijuoy ainsi honteux ne retournez ?

Je sçay que c'est, vous craingnez les moqueurs.

Qui vous diront : Où vont les gens sans cœurs!'

Où est la peau du Lyon ? où la teste

De ce grand Cerf dont on fait si grand feste ^

Où est de l'Ours la redoutée patte?

Du Léopart, du Chat sauvage ou Chatte,

Qui vous faisoit courir si promptement ,

Pour n'apporter un seul enseignement?

Si celle là que chacun loue et prise

Chassée avez, monstrez nous vostre prise.

Et si le corps n'en rapportez tout nud ,

Monstrez au moins comme à vous n'ha tenu.

Apportez nous la guymple ou la seinture,

Que nous puissions juger par conjecture

Qu'il n'ha tenu à faire bon devoir

Que n'ayez eu ce que vouliez avoir.

Mais vous n'avez riens de quoy vous vanter,

Dont conseiller veux , pour vous contenter,

Voz corps jetter en ce ruysseau courant,

Pour effacer voz hontes en mourant.

Las! de noz ditz Hz ont fait peu de compte.

Cuyder par mort ne veult couvrir sa honte,

Elle promet qu'en fin auront honneur.

Le prometteur n'est icy le donneur.

Lors par orgueil dirent : A qui tienî-ili' Avons nous eu faute de cœur gentil.^ Si nous avons failly quand à les prendre, Failly n'avons au moins à l'entreprendre^ Failly n'avons à force et diligence :

Car, sans avoir aucune intelligence A elles cinq, ne pouvons faire plus.

Or sommes nous de nostre espoir forcluz , Chacun n'a pas eu le bien qu'il cuydoit. Puisque fureur sans amour nous guidait.

Bien facile est de prendre reconfort, Femmes assez nous trouverons au fort ; Mais, si l'amour noz cœurs eust contentez, Plustost à mort se fussent présentez Que vivre après perte si desplaisante.

Mort ou amour à l'avant est duysante.

Nous qui n'avions riens que nostre plaisir. N'avons tourment, fors que nostre désir N'est mis à fin, dont la fureur portons Dedens noz cœurs, que si fort nous sentons Que du despit qui tant les vient, grever Bien peu s'en fault qu'on ne les voit crever. Mais nonobstant semblant nous n'en ferons, Et leurs rameaux par force arracherons Pour emporter chapeaux à noz amys , Qui, les voyant dessus noz testes mis.

Nous cuyderont dignes de quelque gloire ,

198 l'histoire des satyres

Et qu'ayons eu Iwnorahle victoire.

Par ce Cuyder, nous cuydons satisfait Le tresgrand tort que Cuyder nous ha fait. Et si dirons tout hault et en tous lieux : Mieux eussions fait, n'eussent esté les Dieux. Mais si par eux l'un de nous est contraint De dire vray, et n'cstre fin ne feint, Dire povons : Cuyder nous feit prétendre Chasse honnorable, et sur le point de prendre Corps, corne, pied, dents, ongle, chair et peau, Rien n'avons eu que ce povre chapeau.

C'est tout le bien qu'avons pu acquérir Du fol Cuyder qui nous ha fait quérir L'amour du cœur par tourmenter le corps ; Mais cest amour qui ne gist qu'au dehors Avons si mal requise et pourchassée, Veu qu'elle estoit par Dyane enchâssée, En corps mortelz si pleins d'honnesteté, Que nous n'avons d'elles rien conquesté Fors temps perdu et rigoureux reffuz, Parquoy portons, ainsi que gens confuz, Ces chapeaux verds, dont à jamais prendront Nostre façon les amans qui perdront Soit par courroux , par mariage ou mort, Leur belle amye ou à droit ou à tort. Et la couleur, qui en est grise et verte , Denwnstrcra le travail de leur perte ,

Et le despit qui fait travail durer.

Or nous faut il cestc honte endurer,

De noz labeurs n'emportans seulement

Fors le loyer d'un Importun amant.

Lors [comme gens qui désespérez sont)

S'en vont cerchant l'obscur et le profond

De laforest, et leur dueil lamentable

Parachever en lieu inhabitable,

Entre rochers, cavernes, baricavcs,

Ceux qui jadis feircnt si fort les braves,

Cuydans cacher leur cuyder et leur honte,

Tant qu'oncqucs puis d'eux n 'ouys un seul compte ;

Mais tout ainsi comme je l'entendis.

De mot à mot, ma Dame, le vous dis,

Et vous sçavez que lors vous pleut me dire

Et me prier de la vouloir escrire :

Ce prier là, qui m'est comma ndement.

Ha fait la fin et le commencement.

Puis que je sens d'obéir satisfait

Le mien désir, je dy que j'ay bien fait.

Sifaulte y ha, qui payera l'amende.

Ou celle là qui telle œuvre commande.

Ou celle qui obéît sans excuse ?

Vous donc, ma Dame., envers laquelle j'use

Tant seulement de vraye obeïssance ,

Et qui sçavez quelle est mon impuissance,

Devez porter le mal que je mérite,

200 l'histoire des satyres

FA Marguerite excuse Marguerite.

Il me suffit et seray bien contente, Mais que croyez vostre treshumble tante N'estre jamais de vous obéir lasse, Et la tenir en vostre bonne grâce.

EPISTRE

DE LA ROYNE DE NAVARRE