CHANSONS SPIRITUELLES

Mais si ne sçauroit mon parler Atteindre à mon dueil importable; A l'escritiire véritable Defaudroit la force à ma main.

Le taire me seroit louable, S'il ne nfestoit tant inhumain.

Mes larmes, mes souspirs, mes criz.

Dont tant bien je sçay la pratique, Sont mon parler et mes escritz., Car je n'ay autre rhétorique.

Mais leurs effectz à Dieu j'applique Devant son throne de pitié , Monstrant par raison et réplique Mon cœur souffrant plein d'amitié.

0 Dieu qui les vostres aymez.

J'adresse à vous seul ma complainte ; Vous qui les amys estimez, Voyez l'amour que j'ay sans feinte , Où par vostre loy suis contrainte, Et par nature, et par raison :

J'appelle chacun Saint et Sainte Pour se joindre à mon oraison.

Las ! celuy que vous aymez tant Est détenu par maladie.

Qui rend son peuple mal content, Et moy envers vous sy hardie Que j'obtiendray, quoy que Fan die.

Pour luy tresparfaite santé :

De vous seul ce bien je mendie, Pour rendre chacun contenté.

C'est celuy que vous avez oinct A Roy sur nous, par vostre grâce ; Cest celuy qui ha son cœur joint A vous, quoy qu'il die ou qu'il face; Qui vostre foy en toute place Sousticnt^ laquelle le rend seur De voir à jamais vostre face :

Oyez donc les criz de sa sœur.

Helas ! c'est vostre vray David, Qui en vous seul ha sa fiance ; Vous vivez en luy tant qu'il vit, Car de vous ha vraye science; Vous régnez en sa conscience, Vous estes son Roy et son Dieu.

En autre nul n'ha confiance, Ny n'ha son cœur en autre lieu.

Pour maladie et pour prison, Pour peine, douleur ou souffrance.

Pour envie ou pour trahison N'ha eu en vous moindre espérance.

Par luy estes congnu en France Mieux que n'estiez le temps passé :

Il est ennemy d'Ignorance, Son sçavoir tout autre a passé.

De toutes ses grâces et dons A vous seul a rendu la gloire.

Parquoy les mains à vous tendons, A fin (ju'ayez de luy mémoire.

Puis qu'il vous plaist luy faire boire Vostre calice de douleur, Donnez à nature victoire Sur son mal, et nostre malheur.

0 grand Médecin tout puissant, Redonnez luy santé parfaite.

Et des ans vivre jusqu'à cent, Et à son cœur ce qu'il souhaite ; Lors sera la joye refaite, Que douleur brise dens noz cœurs ; Dont louenge vous sera faite De femme, enfans et serviteurs.

Par Jésus Christ nostre Sauveur, En ce temps de sa mort cruelle,

Seigneur^ j'attens vostre faveur,

Pour en ouyr bonne nouvelle.

J'en suis loing, dont j'ay douleur telle

Que nul ne la peult estimer.

0 que la lettre sera belle

Qui le pourra sain affermer !

Le désir du bien que j'attens Me donne de travail matière; Un heure me dure cent ans. Et me semble que ma litière Ne bouge, ou retourne en arrière :

Tant j'ay de m' avancer désir.

0 qu'elle est longue la carrière Où à la fin gist mon plaisir!

Je regarde de tous costez Pour voir s'il arrive personne, Priant sans cesser, n'en doutez, Dieu, que santé à mon Roy donne Quand nul ne voy, l'œil j'abandonne A pleurer; puis sur le papier Un peu de ma douleur j'ordonne :

Voila mon douloureux mestier.

0 qu'Usera le bien venu Celuy qui, frappant à ma porte.

Dira : Le roy est revenu En sa santé tresbonne et forte !

Alors sa sœur plus mal que morte Courra baiser le messager Qui telles nouvelles apporte, Qiie son frère est hors de danger.

Avancez vous, homme et chevaux, Asseurez moy, je vous supplie, Que nostre Roy pour ses grands maux A receu santé accomplie.

Lors seray de joye remplie.

Las! Seigneur Dieu, esveillezvous, Et vostre œil sa douceur desplie.

Sauvant vostre Christ et nous tous!

Sauvez, Seigneur, Royaume et Roy, Et ceux qui vivent en sa vie !

Voyez son espoir et sa Foy, Qui à le sauver vous convie.

Son cœur, son désir, son envie A tousjours offert à voz yeux :

Rendez nostre joye assouvie, Le nous donnant sain et joyeux.

Vous le voulez et le povez :

Aussi, mon Dieu, à vous m'adresse;

Car le moyen vous seul sçavez De m'oster hors de la destresse De peur de pis, qui tant me presse Que je ne sçay là où j'en suis.

Changez en joye ma tristesse, Las! hastez vous, car plus n'en puis.