Concepcion, Stat

292 DE NOTRE-DAME. [l33]

Item, le chevecier doit aus maregliers lays chascune semaine paies au samedi aus soir pour toute la semaine de chascun anniversaire que l'en fait à l'église demie chandele, et pour chascune feste de IX leçons demie chandoile, et toutez les fois que l'en sonne et chante Te Deum demie chandoile, et toutes les fois que il est feste de double ou demi double 11 chandoiles et demie, et pour alumer les cierges de la penne et les lanpes de l'église et en revestouiere et pour coucher les maregliers devant nonmés et leur mainie' XXXVII chandoiles et demie chascune semaine, paiées au samedi en la manière devant dite, desquelles chandoiles devant nonmées les prestres maregliers en ont xiiii chandoiles pour toute la semaine pour alumer en revestoire à matines.

Item, le chevecier doit aus margliers lays toutez les fois qu'il y a glais devant matines à feste soUempnel 11 d. p. pour les sains oindre, et toutes les fois qu'il est feste double ou de demi double V poites pour oindre les sains si conme il est acoustumé.

Item, le chevecier baille et livre aus maregliers lays pelés de fer et bailais et perches et fregon et couloire ou penner^ pour rere et pour netoier et pour houcer et pour porter hors les nectoieures^ toutez les fois que les maregliers en ont à faire en l'église, et si baille et livre ceeF* à porter l'eaue et paele à aporter le feu et les cordes pour les sains, et les cordes pour encourtiner et plusieurs autres choses de quoy il ont à faire en l'église, et si paie ou doit paier les roisins nouveaus que les maregliers quierent à la Saint Gist.

Veci ce que li maregliers lays de l'église Nostre Dame de Paris prenne[n]t et ont acostumé à prendre eus et leurs devanciers sanz nul enpeechement en l'église et es aventures qui y escheent de corps présent ou non présent, ou qeur ou dehors le queur ou là il i a argent départi en l'église ou dehors l'église et en toutez les autres aventures qui y peuent eschoir, si conme il est acoustumé et qui s'ensuit :

Premièrement, les maregliers lays devant nonmés prennent et ont touzjours prins en la manière devant dite es cors qui vienent ou sont aportës en l'église et qui sunt miz en qeur quand on l'en fait le cervisse de vegilles et de la messe, soient de l'église ou dehors l'église, clers ou lays, nobles ou non nobles, chanoines ou vicaires, prestres ou bourgois, tout ce qui est entour le cors et desous et desseure, par terre et en haut, excepté le drap d'or et luminaire et ce que le cors en doit porter en terre; et si prennent et doievent