PREMERËMENT DE LA CHAPPELLE

En sa chappelle a quarante hommes, à comprendre un evesque pour son confesseur, et trois autres jacopins et prebstres confesseurs, autres chappellains et officiers, organiste et sommellier. Lesquels chappellains, chantres et officiers sont gouvernez par le premier chappellain; et tous les jours, où qu'ils soyent , chantent les heures du jour, et la grande messe sôlempnefle. Auquel service, et à toutes heures , le prince est présent quand ils sont devers luy, et principalement à la messe et aux vespres. Et n'est pas à oublier que l'evesque dessusdict et les frères jacopins sont grands clercs , docteurs et prescheurs , et pre&chetit souvent.

Et d'avantage a le duc un aumosnier et un soubsaumosnier : gens de telle auctorité et de tel crédit ,

48o ESTAT DE LA MAISON

qui font les aumosnes pour le prince par distribution et en conscience, qui sont grandes jusques a passer vingt mille livres par an : et pour approuver qu'il soit ainsi, quand le duc doibt partir d'une ville, son aumosnier luy apporte par escrit ce dont il peut enquérir et sçavoir où bienfaicts et aumosnes sont bien employez en icelle ville , si comme de gens anciens, gens pauvres , prisonniers, femmes gisantes, orphelins, pauvres filles à marier, gens bruslez de feu , marchands destruits par fortune , et toutes autres choses nécessaires. Et à un chas eu n le duc à sa dévotion départit ses aumosnes, et signe le papier et les sommes, et sont payées avant que l'aumosnier parte de la ville. Aussi l'aumosnier distribue et départit l'argent de l'offrande du prince, qui tous les jours se font, et où que soit faicte offrande en la messe; et luy est icelle offrande présentée par le plus grand .prince de son hostel, et qui là soit : et doibt ledit aumosnier dire Benedicite à la table du prince, et les Grâces , et à celles Grâces doibt estre le maistred'hostel au dessus: et doibt l'aumosnier lever la nef (l)où est l'aumosne devant le prince, et puis oster la nappe de la table ; et doibt commencer au haut bout , qui est le contraire au servir viandes^