TITRE XXXI

FEVRES ET MARESCHAULX.

1. Item, les fevres et mareschaulx qui font houes, picques, picz, clefz, serrures et autres euvres de fer ne prendront ne auront plus que le tiers, oultre ce quilz en prenoient avant la mortahté; et se ilz font le contraire, ilz l'amenderont comme dessus.

2. Item, les mareschaulx qui ferrent les chevaulx ne pourront prendre ne avoir, d'un fer neuf a palefroy ou a roussin de fer d'Espaigne, que x deniers, et de fer de Bourgoingne, que ix deniers; et pour chevaulx de hanoiz des plus grans,que vn deniers, et des autres vi deniers et au dessoubz et non plus; et seront les tasches prinses pardevant ramenées a la valeur; et se ilz font le contraire, ilz l'amenderont comme dessus.