D'OSTER GRAVOIS

1. Item, quiconques fera maçonner ou faire aucunes ediffices, en la ville de Paris, par quoy il luy sera meslier de mettre aucuns tereaux, piarres, merrien, gravois ou autres choses, sur la voirie du Roy nostre Sire, faire le pourra par si que en telle manière que sitost comme il commencera a mectre lesdiz terraux, pierres, merrien, gravois ou autres choses sur ladite voirie, il ait les tombereaux, hoteurs ou porteurs tous prestz pour porter lesdiz gravoiz, pierres, merrien, et autres choses aux lieux accoustumez, en la manière et selon ce quilz seront ostez et mis hors dudit hostel dont ils seront yssus. Et quiconques sera trouvé faisans le contraire, il sera tenu de payer au Roy nostre sire x sols d'amende.