LES MÉTIERS DE PARIS
naulté du mestier de !a lormerie de la Ville de Paris et comme la greigneur partie des mestres et ouvriers dudit mestier, une ordenance sur l’ouvrage et de l’ouvrage dudit mestier de lormerie de la Ville de Paris, et de ce qui oudit mestier appartient, en la manière qui s’ensuit, cest assavoir que ji veulent, ordenèrent et acordèrent pour les causes dessusdites, de leur commun assentement , ès noms dessusdis :
1. Que nulz desoresenavant ne puisse ne ne doie lever ledit mestier ne commencier oudit mestier de lormerie, s’il ne l’achâte avant du Roy, c’est assavoir vint soûls parisis au Roy et dis soûls parisis aux mestres et gardes qui seront mis et establiz à garder le commun proufit dudit mestier, se ainssi n’est que il soit filz de mestre dudit mestier de la Ville de Paris; mès les presens qui y sont, eulx et leurs hoirs, soient cousturiers de lormerie ou soient lormiers qui affière oudit mestier de lormerie, le pueent, et lever ledit mestier franchement.
2. Item, que' nulz ne puisse retenir ne lever ledit mestier de lormerie, se il n’est lormier ou cousturier qui affière oudit mestier par le dit des bonnes genz d’i celui mestier.
3. Item , que nulz ne puisse porter ne comporter euvre de lormerie hors de son hostel, se elle n’est vendue, ne à foire ne à marchié ne aillieurs; et qui en sera attaint, il perdra Teuvre et paiera seize solz parisis d’amende, dont le Roy aura dis soûls, et les mestres et gardes dudit mestier en auront six soûls, pour tourner et convertir au proufit dudit mestier.
4. Item, que nulz ne puisse tenir que un apprentiz, c’est assavoir à sis ans de service et à sis livres de deniers comptanz, et à cinc soulz à la confrairie dudit mestier, tout parisis; et ne pourra le mestre mettre en euvre ledit aprentiz quant il voudra oudit mestier, devant ce qu’il ait paié les dis cinc soûls parisis à ïadiçte confrarrie.
5. Item, que les lormiers puissent bien dorer et estamer toute bonne euvre.
6. Item, que tout lormier puisse prendre fause euvre partout où il la trouvera; et perdra l’euvre cellui sur qui elle sera trouvée, et paiera l’amende dessusdite en la manière que dit est.
7. Item, que chacun puet bien faire un pli et une serre loyaument.
8. Item , que nulz vallès , soit lormier, soit cousturier, ne puisse prendre homme à compagnie, se il n’est ouvrier dudit mestier par le dit des bonnes gens dudit mestier.
9. Item, que nulz ne puisse ouvrer oudit mestier en la Ville de Paris, se il n’a servi sis ans comme aprentiz oudit mestier de lormerie; et se il y a tant servi , bien le pourra commancier et lever par les droitures le Roy paiant, par le dit des mestres dudit mestier.
10. Item, quicunques mesprendra ès aucunes des choses dessusdites, il paiera ladite amende, si comme dessus est devisé, toutes les fois que il en sera repris.
SELLIERS, LORMIERS, ÉPERONNIERS. M7
1 1 . Item , nulle euvre qui est a pié de meismes , ne puet estre redorée ni reblanchie, puis que elle a esté mise en euvre; et se aucun dudit mestier la redore ou reblanchit W, il doit paier ladicte amende en la manière dessusdite; et doit ladicte euvre estre arse et sera perdue, car elle est fausse et mauvaise, se ce n’est à clerc, à chevalier ou à bourgois pour son user.
12. Item, que nulz espérons viez ne doivent estre redorez ne reblanchiz, se il ne sont fras, nais et pareux; et se aucun faisoit au contraire, l’euvre seroit fausse et mauvaise, et devroit celui sur qui elle seroit trouvée ladite amende; et seroit l’ euvre arse et sera perdue, se n’est à clerc, à chevalier ou à bourgois pour son user.
1 3. Item, que nulz ne doit dorer ne reblanchir estriers, se il ne sont et chient nais, se ce nest à clerc, ou à chevalier ou à bourgois pour son user; et qui en feroit, l’euvre seroit fausse et mauvaise, et devroit estre arse, et seroit perdue à celui sur qui elle seroit trouvée, et devroit ladite amende, si coiiime dessus est dit.
14. Item, nulle euvre puis que elle est brisiée ne doit estre ressoudée, car se elle l’estoit, elle seroit fausse et mauvaise, et devroit celui sur qui elle seroit trouvée ladite amende, se ce nest à clerc, à chevalier ou à bourgois pour son user.
15. Item, que toutes bonnes ferrures vielles pourront estre redorées et reblanchies, par si que les vielles soient mises avec les vielles et que li ouvrier ne puissent mettre neuves, cheveces ou viez ferreures redorées ne reblanchies, se ainssi n’est que l’achateur les y facent mettre neuves; mès se il les y fait mettre, il le pourront bien faire; et qui autrement le fera, il paiera ladite amende.
16. Item, que nul lormier ne coustuiier feu strier appartenant oudit mestier de lormerie ne vendront ne ne souffreront vendre à nulle personne , quelle que elle soit, chose nulle de lormerie, pour revendre, se ce n’est aux mestres lormiers ou à autres personnes pour leur user; et celui, soit l’achateur ou le vendeur, qui fera à l’encontre, paiera ladite amende.
17. Item, que nulz du mestier de lormerie ne coustürier appartenant oudit mestier n’ouverra de nuiz, ne aux Testes Nostre Dame. Et quiconque y sera trouvé, il paiera ladite amende toutes les fois que il sera trouvé ouvrant.
18. Item, que nulle personne ne vendra ne pourra vendre lormerie en la Ville de Paris, fors aux mestres lormiers de Paris. Et qui fera à l’encontre, l’achateur et le vendeur chacun paiera ladicte amende, toutesfois que elle sera trouvée, et perdront l’ euvre et sera acquise au Roy comme forfaite.
19. Item, que nulz dudit mestier de lormerie, mestre ne vallet n’ouverra d’icelui mestier chez nulle personne, se il n’est lormier; et qui le fera, celui qui fera l’euvre faire la perdra et sera forfaite au Roy; et celui qui y ouverra, paiera ladite amende toutes les fois que il le fera.
Ce membre de phrase manque dans le manuscrit de la Sorbonne.
LES MÉTIERS DE PARIS
20. Item, que se nulle euvre de lormerie est trouvée chiez autre personne que chiez lesdiz lormiers, pour mettre en euvre ou autrement, elle sera forfaite et acquise au Rov; et paiera celui sur qui elle sera trouvée ladite amende, toutesfois et quantes fois elle y sera trouvée.
21. Item, que nulz n’appellera marcheant, ne fera signe se le marchant n’est devant l’uys de l’appelleur. Et qui fera le contraire, il paiera ladite amende en la manière que dessus est dite, se ce n’est aucun povre vallet qui le feist, lequel n’en paieroit que douze deniers parisis qui tourneront ès aumosnes de la contrarie.
22. Item, que nul lormier ne mettra vallet d’autre lormier en euvre, puis qu’il li ara esté deffendu des quatre mestres ou de l’un d’eulx. Et qui fera le contraire, chascun mestre paiera ladite amende et le vallet aussi, toutesfoiz que il le feront, et pour chascune journée.
23. Item, que nulz marchans dehors aportant euvre de lormerie en la Ville de Paris ne puisse tenir chambre à Paris , ne deslier leurs denrées devant que les quatre mestres dudit mestier ou les trois ou les deus les auront veues et regardées que l’euvre ne soit fausse et mauvaise , et devant ce que lesdiz mestres y ayent esté appelez , et ne la pourront vendre fors que aux ouvriers lormiers de la Ville de Paris; se ce n’est à clerc, à chevalier ou à bourgois pour son user. Et convient que iceuls marchans de hors aient vendu toutes leursdites denrées dedens sis jours. Et qui fera le contraire, l’euvre sera acquise et forfaite au Roy et paieront ladite amende toutesfois et quantes fois qu’il le feront.
24. Item, que nulle personne dudit mestier de lormerie, ne d’autre, ne pourra refuser aux quatre mestres dudit mestier de lormerie à veoir et monstrer se il ont en leur hostel point de euvre de lormerie; et qui leur contredira, il paiera ladite amende.
25. Item, que les mestres dudit mestier de lormerie jurront, sur sains Evangiles de Dieu, que ils rendront bon compte et loyal de toutes les amendes qui seront escheues à leur temps aux nouviaux mestres, quant les autres mestres se départiront de leur mestrise, ou chascun mois, se il en sont requis. En tesmoing de ce, nous, à la relacion desdiz clers jurez, avons mis en ces lettres le sçel de la prevosté de Paris, l’an dessusdit, ou mois de mayW.
w Voir ci-dessus, i4 mai i32 0. doivent être fabriqués respectivement parles sel-
1322, 28 janvier. — Arrêt du Parlement (en liers et par les lormiers. (Coll. Lamoignon. t. I,
latin) fixant les divers objets de sellerie qui fol. 444.)
SELLIERS, LORMIERS, ÉPERONNIERS.
# 1357, 12 septembre.
Lettres de Guillaume Staize , prévôt de Parie, contenant les statuts des lormiers en Si articles.
Bibh nat., ms. fr. 2^069, fol. 271. — Arch. nat., KK. i336, fol. 68. — JJ. 89, pièce 28.
Ordorrn. des Rois de France, t. III, p. 1 83.
1. Prix du métier : 20 sols au roi, 10 sols aux maîtres, à l’exception des fils de maîtres qui ont la franchise.
