Quatre jurés pour affaires du métier
ni
IMPRIMERIE HATIOMAI.E.
LES MÉTIERS DE PARIS
1370, 2 3 décembre.
Lettres du prévôt de Paris contenant les statuts , en â6 articles , pour les selliers et lormiers
réunis en un seul métier.
Arch. nat., ms. Ghâtelet, KK. i336, fol. 64(1). - — ColL Delamare, fr. 21799, f°L ^2*
Coll. Lamoignon, t. II, fol. âa6.
A tous ceulx qui ces lettres verront, Hugues Àubriot, garde de la prevosté de Paris, salut. Comme ja pieça sur certains desbas et descors qui estoient meuz pardevant nostre predecesseur en la court de Chastellet de Paris, entre les selliers de la Ville de Paris, d’une part, et le procureur du Roy Nostre Sire oudit Chastellet et les lormiers de ladite Ville, d’autre; nostre dit predecesseur, oyes lesdites parties sur leurs debas et descors, par bonne et meure deliberation de Conseil et pour le prouffit cler et évident du commun pueple et desdis mestiers, eust dit et ordené que lesdits mestiers seroient compris, adjoins, communiqués en un seul mestier qui seroit appelé le mestier des selliers de la Ville de Paris, et seroient compris tous en un registre qui de nouvel en seroit fait; et pour savoir et examiner les articles qui seroient compris et fais de nouvel oudit mestier de sellerie ou quel estoit adjoint le mestier de ladite lormerie, nostredit predecesseur eust commis et depputé maistre Guillaume Porel et Nicolas Duchesne, examinateurs
de par le Roy Nostre Sire au Chastelel Nous avons veu et visité et fait veoir
et visiter à grant deliberation de Conseil, par plusieurs journées, tous les poins et articles advisés pour faire le registre nouvel d’iceulx selliers et lormiers, selon l’ordenance de nostredit predecesseur; avons fait et ordené les nouviaux registres sur lesdits mestiers ainsi assemblés et adjoins oudit mestier des seilliers, en la manière qu’il s’ensuit :
1. Que nul ne puist estre seillier et lormier à Paris, ne convenancier à lever ledit mestier ne vendre selles, de quelconques manières que elles soient, ne nulle euvre de lormerie, s’il ne achate le mestier du Roy Nostre Sire par ceste manière, c’est assavoir vint sols parisis paiez au Roy et 10 sols parisis pour la confrairie, 10 sols à paier au chamberier de France et dix sols à paier aux maistres dudit mestier au proffit d’icelui mestier, excepté ceulx qui de présent sont maistres qui riens n’en paieront, par l’adjonction nouvellement faite desdiz mestiers^.
(1) La leçon du ms. du Ghâtelet, la seule qui l'este , est tout effacée et à peu près illisible.
